Reader

CI ENCOMENCENT LI SERMON SAINT BERNAVT KIL FAIT DE LAVENT ET LES ALTRES FESTES PARMEI LAN.

Nos faisons ui, chier freire, len comencement de lavent, cuy nons est asseiz renomeiz et conuiz al munde, si cum sunt li nom des altres sollempniteiz, mais li raisons del nom nen est mies per aventure si conue. Car li chaitif fil dAdam nen ont cure de veriteit, ne de celes choses ka lor salveleit apartienent, anz quierent... les choses... faillanz et trespessaules. A quel gent... nos semblans.. les homes de ceste generation, ou a quei gent evverons nos ceos cui nos veons estre si ahers et si enracineiz ens terriens solaz, et ens corporeiens kil repartir ne sen puyent? Certes semblant sunt a ceos ki plongiet sunt en ancune grant auve, et ki en peril sunt de noier. Tu varoyes kil ceos tienent, kes tienent, ne kil par nule raison ne vuelent devverpir ceu ou il primier puyent meltre lor mains quels chose ke ce soit, ancor soit ceu tels choses ke ne lor puist niant aidier, si cum sunt racines derbes ou altres tels choses. Et si ancune gent vienent a ols por ols asoscor, si plongent ensemble ols ceos kil puyent aggrappeir ensi kil a ols nen a ceos ne puyent faire nule ajué. Ensi perissent li chaitif en ceste grant mer ke si est large, quant il les choses ki perissent ensevent et les estaules layent aleir, dont il poroyent estre delivreit del peril ou il sunt... prennoyent et salveir lor airmes. Car de la veriteit est dit, et ne mies de la vaniteit, Vos la conessereiz, et ele vos deliverrat. Mais vos, chier freire, a cuy Deus revelet, si cum a ceos ki petit sunt celes choses, ke receleis sunt as saige et as senneiz, vos soiez entenduit cus encenousement envor celes choses, ke vrayement apartienent a vostre salveteit: et si penseiz di merrement a la raison de cest avenement, quareiz et encerchiez ki cest soit ki vient, et dont il vient, ou il vient, et por kai il vient, quant il vient, et par quel voie il vient. Certes molt fail aloeir ceste curiositeit, et molt est saine. Car tote sainte Eglise ne celeberroit mies si devotement cest avenement, saucuens grant Sacrement ne estoil en lui receleiz.

Tot a premiers sesvu.. dez ensemble lapostle ki de cest avenement est toz enbahy, etc.

Por Deu, chier freire, fuyez orgoil, et forment lo fuyez. Orgoilz est commencement de toz pechiez, ki si hisnelement abateit en parmenant... Luciferum, ki reluisoit plus cler ke totes les estoiles, ki un engele ne muat mies en diaule, mais nes lo prince des Engeles, qui aparmemes ot envie de lomme, et si mist en lui la felonie, kil avoit conceut en lui mismes, quant il li semonut kil seroit si cum Deus saichanz bien et mal, sil maingievet de larbre ki defenduz li estoit. Chaitif malaurous ke promes tu, cum ce soit ke li Fils del haltisme ait la cleif de science. Anz est il mismes li cleif David qui clot, et nuls ne avuret. En lui sunt reponuit tuit li tressor de sapience et de science. Embleras les tu dons por doneir a lomme. Or puez veor ke menteires est cist et ses peires selonc la sentence de nostre Signor. Il fut menteires qnant il dist kil semblanz seroit al haltisme: et peires fust de la menzonge, quant il lenvelimeie semence de la falseteit giltat assi.. en lomme, quant il dit quil seroient si cum Deu. Et tu assi o tu homme tu vois lo lairon, et si cours ensemble lui. Vos aveiz oil, chier freire, ceu cum leist anuit en Ysaie la profete, lai ou nostre Sires dist, Li prince de ton peule sunt inobedient et compaignon de lairons.

Por veriteit nostre Prince furent inobedient et compaignons de lairons. Cest Adam et Eve ki furent li encomencement de nostre lignieie, ki par lo consoil del serpent, mais del diaule par lo serpent vorrent malement traire en ols ceu kapartient solement al Fil de Deu. Nen a ceste fieie ne mist mies li eires en respit la torture cum faisoit al fil. Car li Peires aiment lo Fil, anz lo venuit aparmemes assi de lome, et si apoeset sor noz toz sa... Car nos pechames tuit en Adam; et en lui receumes tuit la sentence de dampnation. Et ke feroit li Fil... il por luy avengier teoit si enmeut lo Peire kil a nule creature nen espargnievel, assi cum il desist. Por mi pert mes( Peires) tottes ses creatures. Li premiers Engeles se volt esleveir a ma haltesce, et si ot grant compagniee ki a lui consentit: mais li amors ke li Peires at vers mi prist a parmemes venjance de luy, ensi kil luy et toz les siens ferit de cruyer chastiement: et de plaie ke suneie ne puet estre. La science ke meye est ausi volt ausi entrepenre li hom: et il de lui nen ol mies assi pitiet, ne ne lespargnat ses oils. At dons Deus cure des beestes? Il Il n' en avoit fait mais ke dous nobles creatures ke resnaules estoient, et ke dovoient estre bienaurouses, cest Lengele et lomme. Mais por mi at parduit une grant partie dengeles et toz les hommes. Donkes porceu kil saichent ke ju aimme ausi le Peire, si est droiz quil rezoivet parmi ceos quil at parduit assi cum en une maniere parmi. Si por mi est leveiz cist tempez, si cum dist Jonas, prenneiz me, et si me gittiez en la meir. Tuit ont de mi envie: mais ju envois, et si me demosterroy teil a ols, ke tuit cil qui lor envie acoyseront et ensevre me vorront, seront bien aureit, etc.