Cynegetica
Choose a text
id="mobileReaderAuthor" class="mobile-reader-author" href="/authors/oppian-of-apamea" aria-label="More works by Oppian of Apamea">
—
⋯
Original / primary: Perseus Grc2
3.1
ἀλλʼ ὅτε δὴ κεραῶν ἠείσαμεν ἔθνεα θηρῶν,
3.2
ταύρους ἠδʼ ἐλάφους ἠδʼ εὐρυκέρωτας ἀγαυοὺς
3.3
καὶ δόρκους ὄρυγάς τε καὶ αἰγλήεντας ἰορκοὺς
3.4
ἄλλα θʼ ὅσοισιν ὕπερθε καρήατα τευχήεντα,
3.5
νῦν ἄγε καρχαρόδοντα, θεά, φράζωμεν ὅμιλον
3.6
σαρκοφάγων θηρῶν καὶ χαυλιόδοντα γένεθλα.
3.7
πρωτίστην δὲ λέοντι κλυτὴν ἀναθώμεθα μολπήν.
3.8
Ζηνὸς ἔσαν θρεπτῆρες ὑπερμενέος Κρονίδαο
3.9
νηπιάχου Κουρῆτες, ὅτʼ ἀρτίγονόν μιν ἐόντα
3.10
ἀραμένη γενετῆρος ἀμειλίκτοιο Κρόνοιο
3.11
κλεψιτόκος Ῥείη κόλποις ἐνικάτθετο Κρήτης.
3.12
Οὐρανίδης δʼ ἐσιδὼν κρατερὸν νεοθηλέα παῖδα
3.13
πρώτους ἀμφήλλαξε Διὸς ῥυτῆρας ἀγαυοὺς
3.14
καὶ θῆρας ποίησεν ἀμειψάμενος Κουρῆτας.
3.15
οἱ δʼ ἄρʼ, ἐπεὶ βουλῇσι θεοῦ μεροπηΐδα μορφὴν
3.16
ἀμφεβάλοντο Κρόνοιο καὶ ἀμφιέσαντο λέοντας,
3.17
δώροισιν μετόπισθε Διὸς μέγα κοιρανέουσι
3.18
θηρσὶν ὀρειαύλοις καὶ ῥιγεδανὸν θοὸν ἅρμα
3.19
Ῥείης εὐώδινος ὑπὸ ζεύγλῃσιν ἄγουσιν.
3.20
αἰόλα φῦλα δὲ τοῖσι καὶ εἴδεα θηρσὶν ἑκάστοις.
3.21
τοὺς μέν νυν προχοῇσι πολυρραθάγου ποταμοῖο,
3.22
Τίρειἴστρω (ἴστρου) MSS.: corr. Brodaeus. ἐπʼ εὐρυρέοντι, κυήσατο τοξεύτειρα
3.23
Ἀρμενίη Πάρθων τε πολύσπορος εὔβοτος αἶα,
3.24
ξανθοκόμαι τελέθουσι καὶ οὐ τόσον ἀλκήεντες.
3.25
πάσσονα μὲν φορέουσι δέρην, μεγάλην δέ τε κόρσην,
3.26
ὄμματα δʼ αἰγλήεντα καὶ ὀφρύας ὕψι βαθείας,
3.27
ἀμφιλαφεῖς ἐπὶ ῥῖνα κατηφέας· ἐκ δʼ ἄρα δειρῆς
3.28
καὶ γενύων ἑκάτερθε θοαὶ κομόωσιν ἔθειραι.
3.29
τοὺς δὲ τρέφει μεγάδωρος Ἐρεμβῶν αὖθις ἄρουρα,
3.30
τὴν ἔθνη μερόπων εὐδαίμονα κικλήσκουσι,
3.31
δειραὶ κἀκείνοις καὶ στήθεα λαχνήεντα
3.32
καὶ πυρὸς ἀστράπτουσιν ἀπʼ ὀφθαλμῶν ἀμαρυγαί,
3.33
ἔξοχα δʼ ἐν πάντεσσιν ἀρίζηλοι τελέθουσιν·
3.34
ἀλλʼ ὀλίγον τούτων γένος ἔλλαχε μυρίος αἶα.
3.35
πουλὺς δʼ ἐν Λιβύῃ ἐριβώλακι διψάδι γαίῃ
3.36
ὄχλος ἐπιβρομέει βριαρῶν βρύχημα λεόντων,
3.37
οὐκέτι λαχνήεις, ὀλίγη δʼ ἐπιδέδρομεν αἴγλη·ἐπιδέδρομε λάχνη F.
3.38
σμερδαλέος δὲ πρόσωπα καὶ αὐχένα· πᾶσι δὲ γυίοις
3.39
ἦκα μέλαν κυάνοιο φέρει μεμορυγμένον ἄνθος·
3.40
ἀλκὴ δʼ ἐν μελέεσσιν ἀπείριτος ἠδὲ λεόντων
3.41
κοιρανικῶν Λίβυες μέγα κοιρανέουσι λέοντες.
3.42
ἐκ δέ ποτʼ Αἰθιόπων Λιβύην ἠμείψατο γαῖαν,
3.43
θαῦμα μέγʼ εἰσιδέειν, μελανόχροος ἠΰκομος λῖς,
3.44
εὐρὺς ὕπερθε κάρηνα, πόδας δασύς, ὄμμασιν αἶθοψ,
3.45
μούνοισι ξανθοῖς φοινισσόμενος στομάτεσσιν.
3.46
ἔδρακον, οὐ πυθόμην, κεῖνόν ποτε θῆρα δαφοινόν,
3.47
κοιρανικοῖς τʼ ἔμολεν διαπόμπιμος ὀφθαλμοῖσιν.
3.48
φορβῆς οὐ χατέει πάντʼ ἤματα φῦλα λεόντων,
3.49
ἀλλὰ τὸ μὲν δόρποισι μέλει, τὸ δέ τʼ αὖτετότε δ’ αὖτε most MSS. πόνοισιν·
3.50
οὐδʼ ὕπνον μυχάτοισιν ἔχει παρὰ τέρμασι πέτρης,
3.51
ἀμφαδὸν ὑπνώει δέ, θρασύφρονα θυμὸν ἑλίσσων,
3.52
εὕδει δʼ ἔνθα κίχῃσιν ὑπείροχος ἑσπερίη νύξ.
3.53
ἔκλυον αὖ κἀκεῖνο λεοντοκόμων αἰζηῶν,
3.54
δεξιτερὴν ὑπὸ χεῖρα φέρειν αἴθωνα λέοντα
3.55
νάρκα θοήν, τῇ πάντα λυγοῦνλυγοῦν Editor: λυγρῶν MSS. ἄπο γούνατα θηρῶν.
3.56
Πεντάκι θηλυτέρη δὲ τόκων ἀπελύσατο ζώνην·
3.57
βάξις δʼ ἀτρεκέως ἀνεμώλιος, ὡς ἕνα τίκτει.
3.58
πέντε φέρει πρώτιστον· ἀτὰρ πίσυρας μετέπειτα
3.59
ὠδίνει σκύμνους, κατά θʼ ἑξείης ὑπένερθε
3.60
νηδύος ἐκ τριτάτης τρεῖς ἔκθορον· ἐκ δὲ τετάρτης
3.61
ἀμφίδυμοι παῖδες· πύματον δʼ ἕνα γείνατο μήτηρ
3.62
γαστρὸς ἀριστοτόκοιο κλυτὸν βασιλῆα λέοντα.
3.63
Πορδάλιες δʼ ὀλοαὶ δίδυμον γένος· αἱ μὲν ἔασι
3.64
μείζους εἰσιδέειν καὶ πάσσονες εὐρέα νῶτα,
3.65
αἱ δέ τʼ ὀλιζότεραι μὲν ἀτὰρ μένος οὔτι χερείους·
3.66
εἴδεα δʼ ἀμφοτέρῃσιν ὁμοίϊα δαιδάλλονται,
3.67
νόσφι μόνης οὐρῆς, τῇ τʼ ἔμπαλιν εἰσοράαται·
3.68
μείοσι μὲν μείζων τελέθει, μεγάλῃσι δὲ μείων.
3.69
εὐπαγέες μηροί, δολιχὸν δέμας, ὄμμα φαεινόν·
3.70
γλαυκιόωσι κόραι βλεφάροις ὕπο μαρμαίρουσαι,
3.71
γλαυκιόωσιν ὁμοῦ τε καὶ ἔνδοθι φοινίσσονται,
3.72
αἰθομέναις ἴκελαι, πυριλαμπέες· αὐτὰρ ἔνερθεν
3.73
ὠχροί τʼ ἰοτόκοι τε περὶ στομάτεσσιν ὀδόντες.
3.74
ῥινὸς δαιδαλέος, χροιῇ τʼ ἐπὶ παμφανοώσῃ
3.75
ἠερόεις, πυκινῇσι μελαινομένῃσιν ὀπωπαῖς.
3.76
ὠκύτατον θείει, καί τʼ ἄλκιμον ἰθὺς ὀρούει·
3.77
φαίης, ὁππότʼ ἴδοιο, διηερίην φορέεσθαι.
3.78
ἔμπης καὶ τόδε φῦλον ἐπικλείουσιν ἀοιδοὶ
3.79
πρόσθʼ ἔμεναι Βάκχοιο φερεσταφύλοιο τιθήνας·
3.80
τοὔνεκεν εἰσέτι νῦν οἴνῳ μέγα καγχαλόωσι,
3.81
δεχνύμεναι στομάτεσσι Διωνύσου μέγα δῶρον.
3.82
τί χρέος ἐκ μερόπων δὲ κλυτὰς ἤμειψε γυναῖκας
3.83
ἐς τόδε πορδαλίων γένος ἄγριον, αὖθις ἀείσω.
3.84
ναὶ μὴν ἄλλο θοὸν διφυὲς γένος ὠπήσαιο,
3.85
λύγγας ἀριζήλους· αἱ μὲν γὰρ ἔασιν ἰδέσθαι
3.86
τυτθαί, βαιοτέροισί τʼ ἐφωπλίσσαντο λαγωοῖς·
3.87
ταὶ δʼ ἄρα μείζονές εἰσιν, ἐπιθρώσκουσι δὲ ῥεῖα
3.88
εὐκεράοις ἐλάφοισι καὶ ὀξυτέροιςὀξυκέροις G. ὀρύγεσσι.
3.89
μορφὴν δʼ ἀμφίδυμοι πανομοίϊον ἀμφιέσαντο·
3.90
ἶσαι μὲν βλεφάροισιν ὕπʼὕπ’ Editor: ἀπ’. ὀφθαλμῶν ἀμαρυγαὶ
3.91
ἱμερόεν στράπτουσι· προσώπατα δʼ ἀμφοτέρῃσι
3.92
φαιδρὰ πέλει βαιόν τε κάρη καὶ καμπύλον οὖας·
3.93
μούνη δʼ εἰσιδέειν ἀνομοίϊος ἔπλετο χροιή·
3.94
μείοσι μὲν λυγγῶν ἐπιδέδρομε ῥινὸς ἐρευθής,
3.95
μείζοσι δὲ κροκόεν τε θεείῳ τʼ εἴκελον ἄνθος.
3.96
ἔξοχα δʼ αὖ τάδε φῦλα φίλην ἀγάσαντο γενέθλην
3.97
εὔγληνοι λύγγες τε πυρίγληνοίπερίγληνοι L. τε λέοντες
3.98
πορδάλιές τʼ ὀλοαὶ καὶ τίγριες ἠνεμόεσσαι.
3.99
τῶν δʼ ὁπότε σκύμνους νεοθηλέας ἐν ξυλόχοισι
3.100
λάθρη συλήσωσιν ἀταρβέες ἀγρευτῆρες,
3.101
αἱ δʼ ἄρʼ ἔπειτʼ ὀπίσω πάλι νεύμεναι ἀθρήσωσιν
3.102
ἐξαπίνης κενεούς τε δόμους καὶ ἔρημα μέλαθρα,
3.103
μύρονται λιγέως ἀδινὸν γόον, ἐκ δʼ ἄρα τηλοῦ
3.104
κωκυτὸν προϊᾶσι πολύστονον, οἷά τε πάτρης
3.105
περθομένης ὑπὸ δουρὶ καὶ αἰθομένης πυρὶ λάβρῳ
3.106
πεπτάμεναι περὶ τέκνα μέγα κλαίουσι γυναῖκες.
3.107
ἦ ῥα τόσον τεκέων τε καὶ ἀρτιγόνοιο γενέθλης
3.108
φίλτρον ἐνὶ κραδίῃ στάξεν θεός· οὐδʼ ἄρα μούνοις
3.109
ἀνθρώποις, οἳ πάντα νοήμασι μητίσαντο,
3.110
ἀλλὰ καὶ ἑρπηστῆρσιἑρπυστῆρσι K: ἑρπηστῆσι E. καὶ ἰχθύσιν ἠδὲ καὶ αὐτοῖς
3.111
θήρεσιν ὠμηστῇσι καὶ ὑψιπόλοις ἀγέλαισιν
3.112
οἰωνῶν· τόσσον ῥα φύσις κρατερώτατον ἄλλων.
3.113
οἵην μὲν κομιδὴν τεκέων ἐνὶ κύμασι δελφὶς
3.114
αἰὲν ἔχει γλαῦκός τε χάροψ φωκή τε δυσαής.
3.115
πῶς δʼ ἄρʼ ἐν οἰωνοῖσι ποθὴν ἀλίαστον ἔχουσιν
3.116
ὧν τεκέων φῆναί τε βαρύφθογγοί τε πέλειαι
3.117
αἰετόεντά τε φῦλα πολύζωοί τε κορῶναι.
3.118
πῶς δʼ ὄρνις κατὰ δῶμα συνέστιος ἀνθρώποισιν,
3.119
ἀρτιτόκος, νεαροῖσι περισκαίρουσα νεοσσοῖς,
3.120
κίρκον ὑπὲρ τέγεος κατεπάλμενον ἀθρήσασα
3.121
ὀξὺ μὲν ἔκλαγεν αἶψα καὶ ἄνθορεν ὀξὺ λακοῦσα,
3.122
αὐχένα δʼ ὑψόσʼ ἄειρεν ἐς ἠέρα γυρώσασα
3.123
καὶ πάσαις ἑκάτερθε θοῶς ἔφριξεν ἐθείραις
3.124
καὶ πτερὰ πάντα χάλασσε ποτὶ χθόνα· τοὶ δʼ ἄρα δειλοὶ
3.125
τεῖχος ὑπʼ εὐπτέρυγον πρυλέες τρύζουσι νεοσσοί·
3.126
ἡ δὲ καὶ ἂψ ἐφόβησε καὶ ἤλασεν ὄρνιν ἀναιδῆ,
3.127
εἰρυμένη φίλα τέκνα, τά τʼ εἰσέτι νήπια φέρβει,
3.128
ἄπτερα λυσιτόκωνvv. ll. λυσικόμων, λυσιτόμων. θαλάμωνπτερύγων suprascr. G. ἀπολύμενα δεσμοῦ.
3.129
ὣς δὲ καὶ ἐν θήρεσσιν ἐρίβρυχοί τε λέαιναι
3.130
πορδάλιές τε θοαὶ καὶ τίγριδες αἰολόνωντοι
3.131
παισὶ πέρι προβεβᾶσι καὶ ἀγρευτῆρσι μάχονται
3.132
καί τε περὶ σφετέρων τεκέων τετλᾶσι δαμῆναι,
3.133
ἀντίον αἰχμητῇσι συνιστάμεναι μερόπεσσιν·
3.134
οὐδέ ποτʼ ἐρρίγασιν ἑῆς ἐν ἀγῶνι γενέθλης
3.135
οὐ πληθὺν ἐπιοῦσαν ἀκοντοβόλων αἰζηῶν,
3.136
οὐ χαλκὸν σελαγεῦντα καὶ ἀστράπτοντα σίδηρον,
3.137
οὐδὲ βολὰς βελέων τε θοὰς μυλάκων τε θαμειάς,
3.138
σπεύδουσιν δʼ ἢ πρόσθε θανεῖν ἦ τέκνα σαῶσαι.
3.139
ἄρκτοι δʼ ἀγριάδες, φόνιον γένος, αἰολόβουλον,
3.140
λάχνην μὲν πυκινὴν δυσπαίπαλον ἀμφιέσαντο,
3.141
μορφὴν δʼ οὐκ ἀγανὴν παναμειδήτοισι προσώποις·
3.142
κάρχαρον, οὐλόμενον, ταναὸν στόμα, κυανέη ῥίς,
3.143
ὄμμα θοόν, σφυρὸν ὠκύ, τορὸν δέμας, εὐρὺ κάρηνον,
3.144
χεῖρες χερσὶ βροτῶν ἴκελαι, πόδες αὖτε πόδεσσι,
3.145
σμερδαλέη βρυχή, δολερὸν κέαρ, ἄγριον ἦτορ,
3.146
καὶ πολλὴ Κυθέρεια καὶ οὐ κατὰ κόσμον ἰοῦσα·
3.147
ἤματα γὰρ καὶ νύκτας ἐελδόμεναι φιλότητος
3.148
αὐταὶ θηλύτεραι μάλʼ ἐπʼ ἄρσεσιν ὁρμαίνουσι,
3.149
παῦρα μεθιέμεναι γαμίης παντερπέος εὐνῆς,
3.150
τέκνα κυϊσκόμεναι νηδὺν ὅτε κυμαίνουσι.
3.151
οὐ γάρ τοι θήρεσσι νόμος, γαστὴρ ὅτε πλήθει,
3.152
ἐς λέχος ἐρχομένοις τελέειν φιλοτήσιον ἔργον,
3.153
νόσφι μόνων λυγγῶν ὀλιγοδρανέων τε λαγωῶν.
3.154
ἄρκτος δʼ ἱμείρουσα γάμου στυγέουσά τε λέκτρον
3.155
χῆρον ἔχειν τόσα παισὶ ταλάσσατο μητίσασθαι·
3.156
πρὶν τοκετοῖο μολεῖν ὥρην, πρὶν κύριον ἦμαρ,
3.157
νηδὺν ἐξέθλιψε, βιάσσατο τʼ Εἰλειθυίας.
3.158
τόσση μαχλοσύνη, τόσσος δρόμος εἰς Ἀφροδίτην.
3.159
τίκτει δʼ ἡμιτέλεστα καὶ οὐ μεμελισμένα τέκνα,
3.160
σάρκα δʼ ἄσημον, ἄναρθρον, ἀείδελον ὠπήσασθαι,
3.161
ἀμφότερον δὲ γάμῳ παιδοτροφίῃ τε μέμηλεν·
3.162
ἀρτιτόκος δʼ ἔτʼ ἐοῦσα μετʼ ἄρσενος εὐθὺς ἰαύει.
3.163
λιχμᾶται γλώσσῃ τε φίλον γόνον, οἷά τε μόσχοι
3.164
λιχμῶνται γλώσσῃσιν ἀμοιβαδίς, ἀλλήλοισι
3.165
τερπόμενοι· γάνυται δὲ βοὸς χροῒ καλλίκερως βοῦς·
3.166
οὐδʼ ἀποπλάζονται, πρὶν ἀπὸ γλυκὺν ἵμερον εἷναι·
3.167
θυμὸν δʼ ἑσπομένοιο συνιαίνουσι νομῆος.
3.168
ὣς ἄρκτος λιχμῶσα φίλους ἀνεπλάσσατο παῖδας,
3.169
εἰσόκε κνυζηθμοῖσιν ἀναιδέα τονθρύζωσι.
3.170
ναὶ μὴν χειμερίην πανυπείροχα δείδιεν ὁρμὴν
3.171
καὶ λασίη περ ἐοῦσα· χιὼν δʼ ὅτε πάντα παλύνει,
3.172
ἑσπερίου ζεφύρου πανεπήτριμα χευαμένοιο,
3.173
κεύθετʼ ἐνὶ σπήλυγγι, τόθι σκέπας ἄρκιον εὕρῃ,
3.174
καὶ βόσιος χατέουσα πόδας χεῖράς τε λιχμαίνει,
3.175
οἷά τʼ ἀμελγομένη, καὶ γαστρὸς ἔκλεψεν ἐρωήν.
3.176
τοῖά νύ που βένθεσσιν ἐν εὐρυπόροιο θαλάσσης
3.177
πουλύποδες σκολιοὶ παρὰ κύμασι μητίσαντο,
3.178
χείματος οἳ μεσάτου κρυερὴν τρείοντες ἐνιπὴν
3.179
κεύθονται πλαταμῶσιν ἑὰς πλοκαμῖδας ἔδοντες·
3.180
αὐτὰρ ἐπὴν ἔαρ ὑγρὸν ἐΰτροφον ἀνθήσειεν,
3.181
ἀκρέμονες σφίσιν ὦκα νέοι πάλιν ἀλδήσκουσι,
3.182
καὶ πάλιν εὐπλόκαμοι δολιχὴν πλώουσι θάλασσαν.
3.183
ἑξείης ἐνέπωμεν ἐΰσφυρον, ἠερόεντα,
3.184
κραιπνόν, ἀελλοπόδην, κρατερώνυχον, αἰπὺν ὄναγρον·
3.185
ὄσσεὄσσε B. de Ballu: ὅστε MSS. πέλει φαιδρός, δέμας ἄρκιος, εὐρὺς ἰδέσθαι,
3.186
ἀργύρεος χροιήν, δολιχούατος, ὀξύτατος θεῖν·
3.187
ταινίη δὲ μέλαινα μέσην ῥάχιν ἀμφιβέβηκε,
3.188
χιονέῃς ἑκάτερθε περισχομένη στεφάνῃσι.
3.189
χιλὸν ἔδει, φέρβει μιν ἄδην ποεσιτρόφος αἶα,
3.190
ἀλλʼ αὐτὸς κρατεροῖς ἀγαθὴ βόσις ἔπλετο θηρσί.
3.191
φῦλα δʼ ἀελλοπόδων ζηλήμονα πάμπαν ὀνάγρων
3.192
πολλαῖσίν τʼ ἀλόχοισιν ἀγαλλόμενοι κομόωσι·
3.193
θηλύτεραι δʼ ἕσπονθʼ, ὅθι τοι πόσις ἡγεμονεύει·
3.194
πρὸς νομὸν ἰθύνουσιν, ἐπὴν ἐθέλῃσιν ἀνώγειν,
3.195
πρὸς πηγὰς ποταμῶν, θηρῶν μέθυ, καὶ πάλιν αἶψα
3.196
πρὸς λασίους οἴκους, ὅταν ἕσπερος ὕπνον ἄγῃσι.
3.197
ζῆλον δʼ ἄρσεσι πᾶσιν ἐπὶ σφετέροισιν ὀρίνει
3.198
υἱάσι νηπιάχοισι πανάγριος οἶστρος ἀναιδής·
3.199
ὁππότε θηλυτέρη γὰρ ἔχει κόπονκόπον Jacobs: τόκον MSS. Εἰλειθυίης,
3.200
ἄγχι μάλʼ ἑζόμενος σφέτερον γόνον ἄντα δοκεύει·
3.201
καί ῥʼ ὅτε νηπίαχον μητρὸς παρὰ ποσσὶ πέσῃσιν,
3.202
εἰ μὲν θῆλυ πέλει, ποθέει τέκος, ἠδʼ ἑκάτερθε
3.203
γλώσσῃ λιχμάζων φίλιον γόνον ἀμφαγαπάζει·
3.204
ἄρσενα δʼ εἴ μιν ἴδοι, τότε δὴ τότε θυμὸν ὀρίνει
3.205
λευγαλέῳ ζήλῳ μητέρι μαινόμενος θήρ·
3.206
ἐκ δʼ ἔθορεν μεμαὼς παιδὸς γενύεσσι ταμέσθαι
3.207
μήδεα, μὴ μετόπισθε νέον γένοςγένος Schneider: γέ μεν MSS. ἡβήσειεν.
3.208
ἡ δὲ λεχώ περ ἐοῦσα καὶ ἀσθενέουσα τόκοισι
3.209
παιδὶ λυγρῷ πολεμιζομένῳ μήτηρ ἐπαμύνει.
3.210
ὡς δʼ ὁπότʼ ἐν πολέμῳ πολυκήδεϊ μητέρος ἄντην
3.211
νηπίαχον κτείνωσιν ἀπηνέες αἰχμητῆρες,
3.212
αὐτήν τʼ αὖ ἐρύωσιν ἔτι σπαίροντι φόνοισιν
3.213
υἱέϊ πλεγνυμένην, στονόεν μέγα κωκύουσαν,
3.214
δρυπτομένην ἁπαλήν τε παρηΐδα, νέρθε τε μαζῶν
3.215
αἵματι δευομένην θερμῷ λιαρῷ τε γάλακτι·
3.216
ὣς καὶ θῆλυς ὄναγρος ἐφʼ υἱέϊ πάμπαν ἔοικεν
3.217
οἰκτρὰ κινυρομένῃ καὶ δύσμορα κωκυούσῃ.
3.218
φαίης κεν πανάποτμον, ἑὸν πάϊν ἀμφιβεβῶσαν,
3.219
μείλιχα μυθεῖσθαι καὶ λισσομένην ἀγορεύειν·
3.220
ἆνερ, ἄνερ, τί νυ σεῖο προσώπατα τρηχύνονται,
3.221
ὄμματα φοινίχθη δέ, τά τʼ ἦν πάρος αἰγλήεντα;
3.222
οὐχὶ μέτωπον ἀθρεῖς λιθοεργέος ἄγχι Μεδούσης,
3.223
οὐ γόνον ἰοβόρον παναμειλίκτοιο δρακαίνης,
3.224
οὐ σκύμνον πανάθεσμον ὀριπλάγκτοιο λεαίνης.
3.225
παῖδα λυγρὴ τὸν ἔτικτον, ὃν ἀρώμεσθα θεοῖσι,
3.226
παῖδα τεὸν γενύεσσι τεῇς οὐκ ἄρσενα θήσεις;
3.227
ἴσχε, φίλος, μὴ τάμνε· τί μοι τάμες; οἷον ἔρεξας;
3.228
παῖδα τὸ μηδὲν ἔθηκας, ὅλον δέμας ἐξαλαώσας.
3.229
δειλὴ ἐγώ, πανάποτμος ἀωροτάτοιο λοχείης,
3.230
καὶ σὺ τέκος πάνδειλον ἀλιτροτάτοιο τοκῆος.
3.231
δειλὴ ἐγώ, τριτάλαινα, κενὸν τόκον ὠδίνασα,
3.232
καὶ σὺ τέκος, τμηθεὶς οὐχὶ στονύχεσσι λεόντων,
3.233
ἀλλʼ ἐχθραῖς γενύεσσι λεοντείῃσι τοκῆος.
3.234
τοῖά τις ἂν πανάποτμον ἑὸν περὶ νήπιον υἷα
3.235
μυθεῖσθαι φαίη· τὸν δʼ οὐκ ἀλέγοντα δαφοινοῖς
3.236
δαίνυσθαι στομάτεσσιν ἀμειδέα παιδὸς ἐδητύν.
3.237
Ζεῦ πάτερ, ὅσσον ἔφυ ζήλοιο πανάγριον ἦτορ.
3.238
κεῖνον καὶ φύσιος κρατερώτερον εἰσοράασθαι
3.239
θῆκας, ἄναξ, δῶκας δὲ πυρὸς δριμεῖαν ἐρωήν,
3.240
δεξιτερῇ δὲ φέρειν ἀδαμάντινον ὤπασας ἆορ.
3.241
οὐ παῖδας τήρησε φίλους γλυκεροῖσι τοκεῦσιν,
3.242
οὐχ ἑτάρους πηούς τε μολών, οὐκ οἶδεν ὁμαίμους,
3.243
ὁππόταν ἀργαλέος τε καὶ ἄσπετος ἀντιβολήσῃ.
3.244
κεῖνος καὶ προπάροιθεν ἑοῖσιν ἐφώπλισε παισὶν
3.245
αὐτοὺς ἡμιθέους καὶ ἀμύμονας ἡμιθεαίνας,
3.246
Αἰγείδην Θησῆα καὶ Αἰολίδην Ἀθάμαντα,
3.247
Ἀτθίδα καὶ Πρόκνην καὶ Θρηϊκίην Φιλομήλην
3.248
Κολχίδα τε Μήδειαν ἀρίζηλόν τε Θεμιστώ.
3.249
ἀλλʼ ἔμπης μετὰ φῦλον ἐφημερίων ἀλεγεινῶν
3.250
θηρσὶ Θυεστείην ὀλοὴν παρέθηκε τράπεζαν.
3.251
ἔστι δʼ ἐϋκρήμνοις ἐπὶ τέρμασιν Αἰθιοπήων
3.252
ἱππάγρων πολὺ φῦλον, ἀκαχμένον ἰοφόροισι
3.253
δοιοῖς χαυλιόδουσι· ποδῶν γε μὲν οὐ μίαν ὁπλήν,
3.254
χηλὴν δʼ αὖ φορέουσι διπλῆν, ἰκέλην ἐλάφοισι·
3.255
χαίτη δʼ αὐχενίη μεσάτην ῥάχιν ἀμφιβεβῶσα
3.256
οὐρὴν ἐς νεάτην μετανίσσεται· οὐδὲ βροτείην
3.257
δουλοσύνην ἔτλη ποθʼ ὑπερφίαλον γένος αἰνόν·
3.258
ἀλλʼ εἰ καί ποθʼ ἕλοιεν ἐϋστρέπτοισι βρόχοισιν
3.259
ἵππαγρον δολίοισι λόχοις μελανόχροες Ἰνδοί,
3.260
οὔτε βορὴν ἐθέλει μετὰ χείλεσιν αἶψα πάσασθαι
3.261
οὔτε πιεῖν, ὀλοὸς δὲ φέρειν ζυγὸν ἔπλετο δοῦλον.
3.262
φράζεο καὶ δύο φῦλα δυσάντεα, καρχαρόδοντα,
3.263
μηλοφόνον τε λύκον δυσδερκέα τʼ αὖθις ὕαιναν,
3.264
τὸν μὲν ποιμενίων τε καὶ αἰπολίων ὀλετῆρα,
3.265
τὴν δʼ ἐχθρὴν σκυλάκεσσιν ἀρειοτέροις τε κύνεσσι·
3.266
τὸν μὲν νυκτερινὸν διὰ γαστρὸς ἄφυκτον ἐρωὴν
3.267
ἀρνειῶν ἐρίφων τε πολυπλόκον ἁρπακτῆρα,
3.268
τὴν δʼ αὖ νυκτιπόρον καὶ νυκτιπλανῆ τελέθουσαν
3.269
οὕνεκά οἱ διὰ νύκτα φάος, σκότος αὖτε μετʼ ἠῶ.
3.270
εἴδεα δʼ ἀμφοτέροις ἀνομοίϊα θηρσὶ δαφοινοῖς·
3.271
τὸν μὲν γάρ τε κύνεσσι πανείκελον ὠπήσαιο
3.272
μείζοσι ποιμενικοῖς, λασίη δʼ ἐπιέσπεται οὐρή·
3.273
ἡ δέ τε κυρτοῦται μεσάτην ῥάχιν, ἀμφὶ δὲ πάντῃ
3.274
λαχνήεσσα κυρεῖ, κατὰ δʼ ἔγραπται δέμας αἰνὸν
3.275
κυανέῃς ἑκάτερθεν ἐπήτριμα ταινίῃσι·
3.276
στεινὴ τʼ ἐκτάδιός τε πέλει καὶ νῶτα καὶ οὐρήν·
3.277
ῥινὸν δʼ ἀμφοτέροισιν ἐπικλείουσιν ἀοιδοὶ
3.278
ῥιγεδανόν· τῆςτοῦ Brodaeus. μέν τε διατμήξας περὶ ποσσὶν
3.279
εἰ φορέοις, φορέοις σκυλάκων μέγα δεῖμα κραταιῶν,
3.280
καί σε κύνες κείνοισιν ἐπεμβεβαῶτα πεδίλοις
3.281
ἀντίον οὐχ ὑλάουσι πάρος γε μὲν ὑλακόωντες.
3.282
εἰ δὲ λύκον δείρας ῥινῶν ἄπο τεκτήναιο
3.283
τύμπανον εὐκέλαδον Διδυμήϊον, ὠλεσίκαρπον,
3.284
μοῦνόν τοι μετὰ πᾶσι βαρύβρομον ἔκλαγεν ἠχὴν
3.285
καὶ μοῦνον παταγεῖ, τὰ δʼ ἐΰθροα πρόσθεν ἐόντα
3.286
τύμπανα σιγάζει κώφησέ τε πᾶσαν ἰωήν.
3.287
καὶ φθίμενοι γὰρ ὄϊς φθίμενον λύκον ἐρρίγασι.
3.288
θαῦμα δὲ καὶ τόδʼ ἄκουσα περὶ στικτῇσιν ὑαίναις,
3.289
ἄρσενα καὶ θήλειαν ἀμείβεσθαι λυκάβαντι,
3.290
καί ῥʼ ὁτὲ μὲν τελέθειν δυσδερκέα νυμφευτῆρα,
3.291
νωλεμὲς ἱμείροντα γάμων, ποτὲ δʼ αὖθις ὁρᾶσθαι
3.292
θηλυτέρην νύμφην λοχίην καὶ μητέρα κεδνήν.
3.293
ἀλλὰ λύκων τελέθει πολιότριχα πέντε γένεθλα,
3.294
εἴδεα δʼ ἀλλήλοις ἀνομοίϊα τεκμήραντο
3.295
φῶτες ἀμορβῆες, τοῖσιν μάλα δήϊα φῦλα.
3.296
πρῶτα μὲν ὃν καλέουσι θρασύφρονα τοξευτῆρα·
3.297
ξουθὸς μὲν πρόπαν εἶδος, ἀτὰρ περιηγέα γυῖα
3.298
καὶ κεφαλὴν φορέει πολὺ μείζονα καὶ θοὰ κῶλα·
3.299
γαστέρα δʼ ἀργαίνουσαν ἔχει πολιῇ ῥαθάμιγγι·
3.300
σμερδαλέον δʼ ἰάχει τε καὶ ὑψόθι πάμπαν ὀρούει,
3.301
αἰὲν ἐπισσείων κεφαλὴν πυρόεν τε δεδορκώς.
3.302
ἄλλος δʼ αὖ μέγεθος μὲν ὑπέρτερος, ἅψεα δʼ αὖτε
3.303
μηκεδανός, πάντεσσι θοώτερος ὦκα λύκοισι·
3.304
τὸν μέροπες κίρκον τε καὶ ἅρπαγα κικλήσκουσι.
3.305
πολλῷ σὺν ῥοίζῳ δὲ μάλʼ ὄρθριος εἶσιν ἐπʼ ἄγρην
3.306
πρώτῃ ὑπʼ ἀμφιλύκῃ· ῥέα γάρ τʼ ἐπιδεύετʼ ἐδωδῆς·
3.307
χροιὴ δʼ ἀργυφέη σελαγεῖ πλευράς τε καὶ οὐρήν,
3.308
ναίει δʼ οὔρεα μακρά· τὰ δʼ ὁππότε χείματος ὥρῃ
3.309
ἐκ νεφέων προχυθεῖσα χιὼν κρυόεσσα καλύψῃ,
3.310
δὴ τότε καὶ πόλιος πέλας ἵκετο θὴρ ὀλοόφρων,
3.311
πᾶσαν ἀναιδείην ἐπιειμένος εἵνεκʼ ἐδωδῆς,
3.312
λάθρη τʼ ἐμπελάει μάλα τʼ ἤρεμος, εἰσόκεν ἄγρῃ
3.313
ἐγχρίμψῃ· τὴν δʼ αἶψα θοοῖς ὀνύχεσσιν ἔμαρψεν.
3.314
ἔστι δέ τις Ταύροιο νιφοβλήτους ὑπὲρ ἄκρας
3.315
ἐνδιάων Κίλικάς τε πάγους καὶ πρῶνας Ἀμανοῦ,
3.316
καλὸς ἰδεῖν, θήρεσσι πανέξοχος, ὅντε καλεῦσι
3.317
χρύσεον, ἀστράπτοντα περισσοκόμοισιν ἐθείραις,
3.318
οὐ λύκος, ἀλλὰ λύκου προφερέστατος αἰπύτατος θήρ,
3.319
χείλεσι χαλκείοισι τεθηγμένος, ἄσπετος ἀλκήν.
3.320
πολλάκι τοι καὶ χαλκὸν ἀτειρέα, πολλάκι λᾶαν
3.321
ἐμμενέως ἐτόρησε καὶ αἰχμήεντα σίδηρον.
3.322
καὶ κύνα Σείριον οἶδε καὶ ἀντέλλοντα φοβεῖται·
3.323
αὐτίκα δὴ ῥωχμὸν καταδύεται εὐρέος αἴης
3.324
ἠὲ κατὰ σπήλυγγος ἀφεγγέος, εἰσόκεν ἄζης
3.325
ἠέλιος παύσαιτο καὶ οὐλομένου κυνὸς ἀστήρ.
3.326
Ἄκμονες αὖ δοιοί, φόνιον γένος, αὐχένα βαιοί,
3.327
εὐρύτατοι νώτοισιν, ἀτὰρ λασιότριχε μηροὺς
3.328
καὶ πόδας ἠδὲ πρόσωπον ὀλίζονες, ὄμμασι βαιοί.
3.329
τῶν ὁ μὲν ἀργυρέοις νώτοις καὶ γαστέρι λευκῇ
3.330
παμφαίνει, δνοφερὸς δὲ μόνων ἄκρα νείατα ταρσῶν·
3.331
ὅν τινες ἰκτῖνον πολιότριχα φῶτες ἔλεξαν.
3.332
αὐτὰρ ὅ γε χροιῇσι μελαινομένῃσι πέφανται,
3.333
μείων μὲν προτέροιο, τὸ δὲ σθένος οὐκ ἐπιδευής.
3.334
θηρεύει δʼ ἔκπαγλον ἐπὶ πτώκεσσιν ὀρούων·
3.335
πᾶσαί τʼ ἐκ μελέων ὀρθαὶ φρίσσουσιν ἔθειραι.
3.336
Δηθάκι δʼ αὖτε λύκοι καὶ πορδαλίεσσι δαφοιναῖς
3.337
εἰς εὐνὴν ἐπέλασσαν, ὅθεν κρατερόφρονα φῦλα,
3.338
θῶες· ὁμοῦ δὲ φέρουσι διπλοῦν μεμορυγμένον ἄνθος,
3.339
μητέρα μὲν ῥινοῖσι, προσώποις δʼ αὖ γενετῆρα.
3.340
Τίγριδος αὖ μετέπειτα κλυτὸν δέμας ἀείδωμεν,
3.341
τῆς οὐ τερπνότερον φύσις ὤπασε τεχνήεσσα
3.342
ὀφθαλμοῖσιν ἰδεῖν θηρῶν μετὰ πουλὺν ὅμιλον.
3.343
τόσσον δʼ ἐν θήρεσσι μέγʼ ἔξοχος ἔπλετο τίγρις,
3.344
ὅσσον ἐν ἠερίοισι ταὼς καλὸς οἰωνοῖσι.
3.345
πάντα μιν ἀθρήσειας ὀρέσβιον οἶα λέαιναν,
3.346
νόσφι μόνου ῥινοῖο, τὸν αἰόλον ἐστεφάνωται,
3.347
δαίδαλα πορφύροντα καὶ ἄνθεσι μαρμαίροντα.
3.348
τοίην μὲν πυρόεσσαν ὑπὸ βλεφάροισιν ὀπωπαὶ
3.349
μαρμαρυγὴν στράπτουσιν· ἀτὰρ δέμας ἔπλετο τοῖον,
3.350
καρτερόν, εὔσαρκον· τοίη δολιχόσκιος οὐρή·
3.351
τοῖα περὶ στομάτεσσι προσώπατα· τοῖον ὕπερθε
3.352
νεύει ἐπισκύνιον· τοῖοι σελαγεῦσιν ὀδόντες.
3.353
ὠκυτέρη τελέθει δὲ θοῶν πανυπείροχα θηρῶν·
3.354
αὐτῷ γάρ τε θέειν ἰκέλη Ζεφύρῳ γενετῆρι·
3.355
οὔτι γε μὴν γενετῆρι· τίς ἂν τάδε πιστώσαιτο,
3.356
θῆρες ὅτι δμηθεῖεν ὑπʼ ἠέρι νυμφευτῆρι;
3.357
ἔπλετο γὰρ κείνη κενεὴ φάτις, ὡς τόδε φῦλον
3.358
θῆλυ πρόπαν τελέθει καὶ ἀδέμνιον ἄρσενός ἐστι·
3.359
δηθάκι γάρ κεν ἴδοις πολυανθέα καλὸν ἀκοίτην·
3.360
ῥεῖα γὰρ οὐκ ἂν ἕλοις· δὴ γάρ τε λιπὼν ἑά τέκνα
3.361
ἐμμενέως φεύγει, θηρήτορας εὖτʼ ἂν ἴδηται·
3.362
ἡ δʼ ἕπεται σκύμνοισιν ἀνιάζουσά τε θυμόν,
3.363
χάρμα μέγʼ ἀγρευτῆρσι, πρὸς ἄρκυας ἰθὺς ἱκάνει.
3.364
Κάπρος ἐνυαλίοις δὲ μέγʼ ἔξοχος ἐν θήρεσσιν
3.365
εὐνὰς μὲν ποθέει πυμάτοις ἐνὶ βένθεσι κρημνῶν,
3.366
ἔξοχα δὲ στυγέει δοῦπον πολυηχέα θηρῶν.
3.367
θηλυτέρῃ δʼ ἀλίαστος ἐφορμαίνων ἀλάληται
3.368
καὶ μάλʼ ἐρωμανέων σφριγᾷ· κατὰ δʼ αὐχένος ὀρθαὶ
3.369
φρίσσουσι τρίχες, οἶα περισσολόφων πηλήκων,
3.370
ἀφρὸν ἀποσταλάει δὲ κατὰ χθονός· αὐτὰρ ὀδόντων
3.371
ἕρκος ἐπικροτέει λευκόχροον ἄσθματι θερμῷ·
3.372
καὶ χόλος ἀμφὶ γάμοισι πολὺ πλέον ἠέπερ αἰδώς.
3.373
θηλυτέρη δʼ εἴ μίν κεν ὑποπτήξασα μένῃσιν,
3.374
ἔσβεσε πάντα χόλον, κατὰ δʼ εὔνασε θηρὸς ἐρωήν·
3.375
εἰ δέ κʼ ἀνηναμένη φεύγῃ φιλοτήσιον εὐνήν,
3.376
αὐτίκʼ ὀρινόμενος θερμῷ πυρόεντι μύωπι
3.377
ἢ γάμον ἐξετέλεσσεν ἀνάγκῃ, ἶφι δαμάσσας,
3.378
ἢ νέκυν ἐν κονίῃσι βάλεν, γενύεσσιν ὀρούσας.
3.379
ἔστι δέ τις κάπροιο φάτις πέρι λευκὸν ὀδόντα
3.380
λάθριον ἐντὸς ἔχειν μαλερὴν πυρόεσσαν ἐνιπήν.
3.381
σῆμα δʼ ἐφημερίοισιν ἀριφραδὲς ἐρρίζωται·
3.382
ὁππότε γὰρ πολύς ὄχλος ἐπήτριμος ἀγρευτήρων
3.383
σὺν κυσὶν εὐτόλμοισι ποτὶ χθόνα θῆρα βάλωνται,
3.384
αἰχμῇσιν δολιχῇσιν ἐπασσύτερον δαμάσαντες,
3.385
δὴ τότʼ ἀπʼ αὐχένος εἴ τις ἀειράμενος τρίχα λεπτὴν
3.386
θηρὸς ἔτʼ ἀσθμαίνοντος ἐνιχρίμψειεν ὀδόντι,
3.387
αἶψα μάλα σφαιρηδὸν ἀνέδραμεν αἰθομένη θρίξ.
3.388
καὶ δʼ αὐτοῖσι κύνεσσιν ἐπὶ πλευρῇς ἑκάτερθεν,
3.389
ἔνθα συὸς γενύων πέλασαν αἴθωνες ὀδόντες,
3.390
ἴχνια πυρσευθέντα διὰ ῥινοῖο τέτανται.
3.391
Ὑστρίγγων δʼ οὔπω τι πέλει κατὰ δάσκιον ὕλην
3.392
ῥίγιον εἰσιδέειν οὔτʼ ἀργαλεώτερον ἄλλο·
3.393
τῶν ἤτοι μέγεθος μὲν ὁποῖα λύκοισι δαφοινοῖς,
3.394
βαιόν, ὀλιζότερον, κρατερὸν δέμας, ἀμφὶ δὲ ῥινὸς
3.395
τρηχείαις λασίαισι πέριξ πέφρικεν ἐθείραις,
3.396
ὁπποίαις θωρήξατʼ ἐχίνων αἰόλα φῦλα.
3.397
ἀλλʼ ὅτε μιν σεύωσιν ἀρείονες ἔξοχα θῆρες,
3.398
δὴ τότʼ ἐμήσατο τοῖα· θοὰς ἔφριξεν ἐθείρας
3.399
καί τʼ ὀπίσω νώτοισιν ἀκαχμένον ὠκυπέτῃσιν
3.400
ἰθὺς ἀκοντίζει μαλερὸν βέλος· ἀμφότερον δὲ
3.401
φεύγει τʼ ἐμμενέως καὶ ἀλευόμενος πολεμίζει.
3.402
δηθάκις ἔκτεινεν κύνα κάρχαρον· ὧδέ κε φαίης
3.403
αἰζηὸν τόξων δεδαηκότα τοξεύεσθαι.
3.404
τοὔνεκεν ὁππότε μιν θηρήτορες ὠπήσωνται,
3.405
οὔτι κύνας μεθιᾶσι, δόλον δʼ ἐπετεκτήναντο,
3.406
τὸν μετέπειτʼ ἐρέω, θηρῶν φόνον ὁππότʼ ἀείδω.
3.407
ἰχνεύμων βαιὸς μέν, ἀτὰρ μεγάλοισιν ὁμοίως
3.408
μέλπεσθαι θήρεσσι πανάξιος εἵνεκα βουλῆς
3.409
ἀλκῆς τε κρατερῆς ὑπὸ νηπεδανοῖσι μέλεσσιν.
3.410
ἦ γάρ τοι κέρδεσσι κατέκτανε διπλόα φῦλα,
3.411
ἑρπηστῆραςἑρπυστῆρας KM.ὄφεις καὶ ἀργαλέους κροκοδείλους,
3.412
κείνους Νειλῴους, φόνιον γένος· ὁππότε γάρ τις
3.413
θηρῶν λευγαλέων εὕδῃ τρίστοιχα πετάσσας
3.414
χείλεα καὶ χάος εὐρὺ καὶ ἄσπετον αἰόλον ἕρκος,
3.415
δή ῥα τότʼ ἰχνεύμων δολίην ἐπὶ μῆτιν ὑφαίνων
3.416
λοξοῖς ὀφθαλμοῖσιν ἀπείρονα θῆρα δοκεύει,
3.417
εἰσόκε τοι βαθὺν ὕπνον ἐπὶ φρεσὶ πιστώσηται·
3.418
αἶψα δʼ ἄρʼ ἐν ψαμάθοισι καὶ ἐν πηλοῖσιν ἐλυσθεὶς
3.419
ῥίμφʼ ἔθορεν, πυλεῶνα διαπτάμενος θανάτοιο
3.420
τολμηρῇ κραδίῃ, διὰ δʼ εὐρέος ἤλυθε λαιμοῦ.
3.421
αὐτὰρ ὅ γʼ ἐξ ὕπνου βαρυαέος ἔγρετο δειλός,
3.422
καὶ κακὸν ἐν λαγόνεσσι φέρων τόσον ἀπροτίελπτον,
3.423
πάντῃ μαινόμενος καὶ ἀμήχανος ἀμφαλάληται,
3.424
ἄλλοτε μὲν ποτὶ τέρματʼ ἰὼν μυχάτου ποταμοῖο,
3.425
ἄλλοτε δʼ αὖ ψαμάθοισι κυλινδόμενος ποτὶ χέρσον,
3.426
ἄγριον ἀσθμαίνων, στρωφώμενος ἀμφʼ ὀδύνῃσιν.
3.427
αὐτὰρ ὅ γʼ οὐκ ἀλέγει, γλυκερῇ δʼ ἐπιτέρπετʼ ἐδωδῇ·
3.428
ἥπατι δʼ ἄγχι μάλιστα παρήμενος εἰλαπινάζει·
3.429
ὀψὲ δέ τοι προλιπὼν κενεὸν δέμας ἔκθορε θηρός.
3.430
ἰχνεῦμον μέγα θαῦμα,v. l. μεγάθυμε. μεγασθενές, αἰολόβουλε,
3.431
ὅσσην τοι κραδίη τόλμαν χάδεν. ὅσσον ὑπέστης,
3.432
ἀγχίμολον θανάτοιο τεὸν δέμας ἀμφὶς ἐρείσας.
3.433
ἀσπίδα δʼ ἰοφόρον τοίαις ἐδαμάσσατο βουλαῖς.
3.434
πᾶν δέμας ἐν ψαμάθοισι καλύψατο θῆρα δοκεύων,
3.435
νόσφι μόνης οὐρῆς τε καὶ ὀφθαλμῶν πυροέντων·
3.436
οὐρή οἱ δολιχὴ γὰρ ὀφιονέη τε τέτυκται,
3.437
ἄκροισιν κεφαληδὸν ἐειδομένοισι κορύμβοις,
3.438
ἄντα μελαινομένη, θηρῶν φολίδεσσιν ὁμοίη.
3.439
τὴν δʼ ὅτε φυσιόωσαν ἔχιν ψολόεσσαν ἴδηται,
3.440
ἀντία γυρώσας προκαλέσσατο θῆρα δαφοινήν.
3.441
ἀσπὶς δʼ ἰοφόρον πέλας ἀντήειρε κάρηνον,
3.442
στήθεά τʼ εὔρυνε, στυφελόν θʼ ὑπέσηρεν ὀδόντα,
3.443
μαρναμένη γενύεσσιν ἐτώσια λευγαλέῃσιν.
3.444
ἀλλʼ οὐκ ἰχνεύμων τότʼ ἀρήϊος ἐν ψαμάθοισι
3.445
δηθύνει, πικρῶν δὲ θορὼν ἐδράξατο λαιμῶν,
3.446
δαρδάπτει τε γένυσσιν ἑλισσομένην ἑκάτερθε,
3.447
καὶ νέκυν αὐτίκʼ ἔθηκʼ ἀποφώλιον ἐκπτύουσαν
3.448
πευκεδανὸν θανάτοιο φίλον, ζαμενῆ χόλον, ἰόν.
3.449
ναὶ μὴν αἰολόβουλος ἐπʼ ἀγραύλοισι μάλιστα
3.450
θηρσὶ πέλει κερδώ, μάλʼ ἀρήϊος ἐν πραπίδεσσι·
3.451
καὶ πινυτὴ ναίει πυμάτοις ἐνὶ φωλειοῖσιν,
3.452
ἑπταπύλους οἴξασα δόμους τρητάς τε καλιὰς
3.453
τηλόθʼ ἀπʼ ἀλλήλων, μή μιν θηρήτορες ἄνδρες
3.454
ἀμφὶ θύρῃ λοχόωντες ὑπὸ βροχίδεσσιν ἄγωνται·
3.455
ἀργαλέη γενύεσσι καὶ ἀντία δηρίσασθαι
3.456
θηρσί τʼ ἀρειοτέροισι καὶ ἀγρευτῆρσι κύνεσσιν.
3.457
εὖτε δὲ χεῖμα πέλει κρυερὸν βόσιός τε χατίζει,
3.458
γυμναὶ δʼ ἡμερίδες περὶ βότρυσιν ἰνδάλλονται,
3.459
δὴ τότε καὶ θηρᾶνθήραν or θήρην or θῆρα MSS. πικρὴν ἐπὶ μῆτιν ὑφαίνει,
3.460
οἰωνούς τε δόλοισιν ἑλεῖν καί τέκνα λαγωῶν.
3.461
ἔννεπέ μοι κἀκεῖνα, πολύθροε Μοῦσα λιγεῖα,
3.462
μικτὰ φύσιν θηρῶν, διχόθεν κεκερασμένα, φῦλα,
3.463
πόρδαλιν αἰολόνωτον ὁμοῦ ξυνήν τε κάμηλον.
3.464
Ζεῦ πάτερ, ὅσσα νόησας, ὅσʼ εἴδεα νῶϊ φύτευσας,
3.465
ὅσσα βροτῖσιν ὄπασσας, ὅσʼ εἰναλίοις νεπόδεσσιν.
3.466
ὅς τόδʼ ἐμήσαο πάγχυ καμήλων αἰόλον εἶδος,
3.467
ἀμφιέσας ῥινοῖσιν ἀναιδέσι πορδαλέοισι
3.468
φαίδιμον, ἱμερόεν, τιθασὸν γένος ἀνθρώποισι.
3.469
δειρή οἱ ταναή, στικτὸν δέμας, οὔατα βαιά,
3.470
ψιλὸν ὕπερθε κάρη, δολιχοὶ πόδες, εὐρέα ταρσά,
3.471
κώλων δʼ οὐκ ἴσα μέτρα, πόδες τʼ οὐ πάμπαν ὁμοῖοι,
3.472
ἀλλʼ οἱ πρόσθεν ἔασιν ἀρείονες, ὑστάτιοι δὲ
3.473
πολλὸν ὀλιζότεροι, κατά τʼ ὀκλάζουσιν ὁμοῖοι.
3.474
ἐκ δὲ μέσης κεφαλῆς δίδυμον κέρας ἰθὺς ὀρούει,
3.475
οὔ τι κέρας κερόεν, παρὰ δʼ οὔατα μεσσόθι κόρσης
3.476
ἀβληχραὶ κροτάφοισιν ἐπαντέλλουσι κεραῖαι·
3.477
ἄρκιον, ὡς ἐλάφοιο, τέρεν στόμα, λεπταλέοι τε
3.478
ἐντὸς ἐρηρέδαται γαλακόχροεςγαλακόχροες Editor coll. Callim. Hec. I. 4. 3: γαλακτόχροες (γαλοκτ- DE) MSS. ἀμφὶς ὀδόντες·
3.479
αἴγλην παμφανόωσαν ἀπαστράπτουσιν ὀπωπαί.
3.480
οὐρὴ δʼ αὖτʼ ἐλαχεῖα, θοαῖς ἅτε δορκαλίδεσσιν,
3.481
ἄκραισιν μετόπισθε μελαινομένῃσιν ἐθείραις.
3.482
ναὶ μὴν ἄλλο γένεθλον ἐμοῖς ἴδον ὀφθαλμοῖσιν
3.483
ἀμφίδυμον, μέγα θαῦμα, μετὰ στρουθοῖο κάμηλον·
3.484
τὴν ἔμπης κούφοις μεταρίθμιον οἰωνοῖσι
3.485
καὶ πτερόεσσαν ἐοῦσαν ἐμαὶ μέλψουσιν ἀοιδαί,
3.486
οὕνεκεν ἡμετέρης μιν ἕλεν νόμος αἰόλος ἄγρης.
3.487
οὔτε γὰρ ὀρνίθων σφε δαμάσσατο δήϊος ἰξός,
3.488
οὔτε διηερίην δόνακες πατέοντες ἀταρπόν.
3.489
ἀλλʼ ἵπποι σκύλακές τε θοοὶ καὶ ἀείδελα δεσμά.
3.490
τῆς ἤτοι μέγεθος μὲν ὑπέρβιον, ὅσσον ὕπερθε
3.491
νώτοις εὐρυτάτοισι φέρειν νεοθηλέα κοῦρον·
3.492
καὶ πόδες ὑψιτενεῖς, ἴκελοι νωθροῖσι καμήλοις,
3.493
ὁπποῖον θαμινῇσιν ἀρηράμενοι φολίδεσσι
3.494
σκληρῇς ἄχρι διπλῆς ἐπιγουνίδος· ὕψι δʼ ἀείρει
3.495
βαιὴν μὲν κεφαλήν, πολλὴν δὲ τανύτριχα δειρὴν
3.496
κυανέην· κείνῃσι πολὺ πτερόν· οὐ μὲν ὕπερθενAfter 496 all MSS. insert C. iv. 74-76
3.497
ἠέρος ὑψιπόροισιν ἐπιπλώουσι κελεύθοις,
3.498
ἀλλʼ ἔμπης θείειν ποσσὶ κραιπνοὶ τελέθουσαι
3.499
αὐτοῖσιν φορέουσιν ἴσον τάχος οἰωνοῖσιν.
3.500
οὐδὲ μὲν ὀρνίθεσσιν ὁμοίϊος ἀμβαδὸν εὐνή,
3.501
Βάκτριον οἷα δὲ φῦλον ἔχουσιν ἀπόστροφα λέκτρα·
3.502
τίκτει δʼ ἄπλετον ᾠόν, ὅσον χαδέειν τόσον ὄρνιν,
3.503
κυκλόσε λαϊνέοις θωρησσόμενον κελύφεσσι.
3.504
πτῶκας ἀείδωμεν, θήρης ἐρίδωπον ὀπώρην.
3.505
σῶμα πέλει τυτθόν, λάσιον, δολιχώτατον οὖας,
3.506
βαιὸν ὕπερθε κάρη, βαιοὶ πόδες, οὐκ ἴσα κῶλα·
3.507
χροιὴν δʼ ἀμφιέσαντʼ ἀνομοίϊον· οἱ μὲν ἔασι
3.508
κυάνεοι δνοφεροί τε μελάμβωλον κατʼ ἄρουραν,
3.509
ξανθοὶ δʼ αὖθʼ ἕτεροι πεδίων ἐπὶ μιλτοπαρῄων·
3.510
αὐτὰρ ἐρίγληνοι χαροπὸν στράπτουσιν ὀπωπαὶ
3.511
κανθὸν ἀγρυπνίῃ κεκορυθμένον· οὔποτε γὰρ δὴ
3.512
ὕπνον ἐπὶ βλεφάροισιν ἀποβρίξαντες ἕλοντο,
3.513
δειδιότες θηρῶν τε βίην μερόπων τε θοὸν κῆρ·
3.514
νυκτὶ δέ τʼ ἐγρήσσουσι καὶ ἐς φιλότητα μέλονται·
3.515
νωλεμὲς ἱμείρουσι γάμων, ἔτι δʼ ἔγκυοι οὖσαιἐγγὺς ἐοῦσαι MSS.: corr. Turnebus.
3.516
οὔποτʼ ἀναίνονται πόσιος πολύθουρον ἐρωήν,
3.517
οὐδʼ ὅτε γαστρὶ φέρωσι πολύσπορον ὠκὺν ὀϊστόν·
3.518
ἔξοχα γὰρ τόδε φῦλον, ὅσʼ ἄπλετος ἔτραφεν αἶα,
3.519
πουλυγόνον τελέθει· τὸ μὲν ἄρ ποθι νηδύος ἐκτὸς
3.520
ἔμβρυον ἐκθρώσκει τετελεσμένον, ἄλλο δʼ ἔσωθεν
3.521
νόσφι τριχὸς φορέει, τὸ δʼ ἄρʼ ἡμιτέλεστον ἀέξει,
3.522
ἄλλο δʼ ἄναρθρον ἔχει θορόεν βρέφος ὠπήσασθαι·
3.523
ἑξείης τίκτει δέ, καὶ οὔποτε θῆλυς ἀναιδὴς
3.524
λήθετο μαχλοσύνης· τελέει δʼ ὅσα θυμὸς ἀνώγει,
3.525
οὐδʼ αὐταῖς ὠδῖσιν ἀνηναμένη Κυθέρειαν.