Cynegetica
Choose a text
id="mobileReaderAuthor" class="mobile-reader-author" href="/authors/oppian-of-apamea" aria-label="More works by Oppian of Apamea">
—
⋯
Original / primary: Perseus Grc2
4.1
εἴδεα μὲν τόσα θηρσί, τόσαι δʼ ἀνὰ δάσκιον ὕλην
4.2
νυμφίδιοι φιλότητες ὁμήθειαί τε πέλονται
4.3
ἔχθεά τε κρυεροί τε μόθοι νόμιοί τε χαμεῦναι.
4.4
τλησιπόνων δʼ ἀνδρῶν χρέος ἄπλετον ἀείδωμεν,
4.5
ἀμφότερον κρατερόν τε μένος καὶ ἐπίφρονα βουλὴν
4.6
κέρδεά τʼ αἰολόβουλα πολυφράστοις τε δόλοισι
4.7
φραξαμένην κραδίην· ἦ γάρ τε πρὸς ἄγρια φῦλα
4.8
μάρναται, οἷσι θεὸς σθένος ὤπασε καὶ μένος ἠῢ
4.9
καὶ φρένας οὐδʼ αὐτῶν πολὺ μείονας ἀγρευτήρων.
4.10
ἤθεαεἴδεα Brunck. πολλὰ πέλει κλειτῆς πολυαρκέοςπολυάρκυος or πολυερκέος Brodaeus. ἄγρης,
4.11
ἄρμενα καὶ θήρεσσι καὶ ἔθνεσιν ἠδὲ χαράδραις,
4.12
μυρία· τίς κεν ἅπαντα μιῇ φρενὶ χωρήσειεν
4.13
εἰπέμεναι κατὰ μοῖραν ὑπʼ εὐκελάδοισιν ἀοιδαῖς;
4.14
τίς δʼ ἂν πάντʼ ἐσίδοι; τίς δʼ ἄν τόσον ὠπήσαιτο
4.15
θνητὸς ἐών; μοῦνοι δὲ θεοὶ ῥέα πάνθʼ ὁρόωσιν.
4.16
αὐτὰρ ἐγὼν ἐρέω τά τʼ ἐμοῖς ἴδον ὀφθαλμοῖσι,
4.17
θήρην ἀγλαόδωρον ἐπιστείχων ξυλόχοισιν,
4.18
ὅσσα τʼ ἀπʼ ἀνθρώπων ἐδάην, τοῖσιν τὰ μέμηλεν,
4.19
αἰόλα παντοίης ἐρατῆς μυστήρια τέχνης,
4.20
ἱμείρων τάδε πάντα Σεουήρου Διὸς υἱῷ
4.21
ἀείδειν· σὺ δέ, πότνα θεά, παγκοίρανε θήρης,
4.22
εὐμενέουσα θοῇ βασιληΐδι λέξον ἀκουῇ,
4.23
ὄφρα τεῶν ἔργων προμαθὼν ὀαρίσματα πάντα
4.24
θηροφονῇ, μακαριστὸς ὁμοῦ παλάμῃ καὶ ἀοιδῇ.
4.25
θηρῶν οἱ μὲν ἔασιν ἐπίφρονες, αἰολόβουλοι,
4.26
ἀλλὰ δέμας βαιοί· τοὶ δʼ ἔμπαλιν ἀλκήεντες,
4.27
βουλὴν δʼ ἐν στήθεσσιν ἀνάλκιδες· οἱ δʼ ἄρʼ ὁμαρτῇ
4.28
καὶ κραδίην δειλοὶ καὶ γυῖα πέλουσʼ ἀμενηνοί,
4.29
ἀλλὰ πόδεσσι θοοί· τοῖσιν δὲ θεὸς πόρε πάντα,
4.30
βουλὴν κερδαλέην, κρατερὸν δέμας, ὠκέα γοῦνα.
4.31
γιγνώσκουσι δʼ ἕκαστος ἑῆς φύσιος κλυτὰ δῶρα,
4.32
ἔνθʼ ὀλιγοδρανέες τε καὶ ἔνθα πέλουσι δαφοινοί.
4.33
οὐκ ἔλαφος κεράεσσι θρασύς, κεράεσσι δὲ ταῦρος·
4.34
οὐ γενύεσσιν ὄρυξ κρατερός, γενύεσσι λέοντες·
4.35
οὐ ποσὶ ῥινόκερως πίσυνος, πόδες ὅπλα λαγωῶν·
4.36
πόρδαλις οἶδʼ ὀλοὴ παλαμάων λοίγιον ἰόν,
4.37
καὶ σθένος αἰνὸς ὄϊς μέγα λαϊνέοιο μετώπου,
4.38
καὶ κάπρος μένος οἶδεν ἑῶν ὑπέροπλον ὀδόντων.
4.39
ὅσσαι μέν νυν ἔασιν ἐπακτήρεσσι δαφοινοῖς
4.40
μουναδὸν ἐν σκοπέλοισι προμήθειαί τε πάγαι τε,
4.41
κεκριμένας φράσομεν θήρας ἐπὶ θηρσὶν ἑκάστοις·
4.42
ξυνὰ δέ θʼ ὅσσα πέλουσιν, ὁμοίης ἔλλαχεν ᾠδῆς.
4.43
ξυνὰ θηροσύναι τε λίνων ξυναί τε ποδάγραι·
4.44
ξυνὰ δέ τʼ ἀνθρώποισι ποδωκέα πάντα γένεθλα
4.45
ἵπποις ἠδὲ κύνεσσι διωκέμεν· ἄλλοτε δʼ αὖτε
4.46
καὶ μούνοις ἵπποισι κυνῶν ἄτερ ἰθὺς ἐλαύνειν·
4.47
ἵπποισιν κείνοισιν, ὅσοι περὶ Μαυρίδα γαῖαν
4.48
φέρβοντʼ, ἢ Λιβύεσσιν· ὅσοι μὴ κάρτεϊ χειρῶν
4.49
ἄγχονται ψαλίοισι βιαζομένοιο χαλινοῦ,
4.50
πείθονται δὲ λύγοισιν, ὅπη βροτὸς ἡγεμονεύει.
4.51
τοὔνεκεν ἱππελάται κείνων ἐπιβήτορες ἵππων
4.52
ἠδὲ κύνας λείπουσι φίλους πίσυνοί τʼ ἐλόωσιν
4.53
ἵπποις ἠελίου τε βολῇ καὶ νόσφιν ἀρωγῶν.
4.54
ξυνὸν ἀκοντίζειν δὲ καὶ ἀντία τοξάζεσθαι
4.55
θῆρας ἀρειοτέρους, τοί τʼ ἀνδράσιν ἶφι μάχονται.
4.56
ἐς δὲ λίνον χρειὼ στέλλειν οἰήϊα θήρης,
4.57
καὶ πνοιὴν ἀνέμου φεύγειν ἄνεμόν τε δοκεύειν.
4.58
οἷα δὲ ποντοπόρων ἀκάτων ἐπιβήτορες ἄνδρες
4.59
ἑζόμενοι πρύμνῃσι, νεῶν ἐφέποντες ὀχῆας,
4.60
ἠέρα παπταίνουσι καὶ ἀργεστῇσι Νότοισι
4.61
πειθόμενοι τανύσαντο λινοπτερύγων ὅπλα νηῶν·
4.62
ὧδε καὶ ἐν τραφερῇ κέλομαι θηρήτορας ἄνδρας
4.63
παπταίνειν ἑκάτερθεν ἐπιπνείοντας ἀήτας,
4.64
ὄφρα λινοστατέωσι βοηλατέωσίv. l. βροχηλατέωσι. τε πάντῃ
4.65
αὔραις ἀντιάσαντες· ἐπεὶ μάλα θήρεσι πᾶσιν
4.66
ὀξύταται ῥινῶν ὀσφρήσιες· εἰ δὲ φράσαιντο
4.67
ἢ σταλίκων ὀδμὴν ἢ πεπταμένοιο λίνοιο,
4.68
ἔμπαλιν ἰθύνουσιν, ἐπιστροφάδην δὲ φέβονται
4.69
αὐτοῖς ἄντα βροτοῖσι, πόνον δʼ ἅλιον θέσαν ἄγρης.
4.70
τῷ μοι παπταίνοιεν ἐπαιγίζοντας ἀήτας
4.71
θηροφόνοι, στάλικάς τε λινοστασίην τʼ ἐφέποιεν
4.72
ἀντιπέρην ἀνέμοιο βολῆς· ὄπιθεν δʼ ἐλάοιεν
4.73
ἐς Νότον αἰθρήεντος ἐγειρομένου Βορέαο·
4.74
ἐς δὲ Βορῆν σαλαγεῦντος ἐπὶ δροσεροῖο Νότοιο·
4.75
Εὔρου δʼ ἱσταμένοιο θέειν Ζεφυρίτισιν αὔραις·
4.76
κινυμένου Ζεφύρου δὲ θοῶς εἰς Εὖρον ἐλαύνειν.
4.77
ἀλλὰ σύ μοι πρώτιστα λεόντων ἔξοχον ἄγρην
4.78
ἐν θυμῷ βάλλοιο καὶ ἀνδρῶν ἄλκιμον ἦτορ.
4.79
χῶρον μὲν πρώτιστον ἐπεφράσσαντο κιόντες,
4.80
ἔνθα περὶ σπήλυγγας ἐρίβρομος ἠΰκομος λῖς
4.81
ἐνδιάει, μέγα δεῖμα βοῶν αὐτῶν τε νομήων·
4.82
θηρὸς δʼ αὖ μετέπειτα πελώριον ὠπήσαντο
4.83
ἴχνεσι τριβομένοισιν ἀταρπιτόν, ᾗ ἔνι πολλὸς
4.84
λαρὸν πιόμενος ποταμηπόρος ἰθὺς ὁδεύει.
4.85
ἔνθʼ ἤτοι βόθρον μὲν ἐΰδρομον ἀμφὶς ὄρυξαν,
4.86
εὐρὺν καὶ περίμετρον· ἀτὰρ μεσάτῃ ἐνὶ τάφρῳ
4.87
κίονα δειμάσθην μέγαν, ὄρθιον, ὑψικόλωνον·
4.88
τοῦ δʼ ἄπο μὲν κρεμάσαντο μετήορον αὖ ἐρύσαντες
4.89
ἀρνειὸν νεογιλὸν ὑπʼ ἀρτιτόκοιο τεκούσης·
4.90
ἔκτοθε δʼ αὖ βόθροιο περίτροχον ἐστεφάνωσαν
4.91
αἱμασιήν, πυκάσαντες ἐπασσυτέροις μυλάκεσσιν,
4.92
ὄφρα κε μὴ πελάσας δολερὸν χάος ἀθρήσειε·
4.93
καί ῥʼ ὁ μὲν ὑψικρεμὴς ὑπομάζιος ἀμνὸς ἀϋτεῖ·
4.94
τοῦ δέ τε πειναλέην κραδίην ἐπάταξεν ἰωή·
4.95
μαιόμενος δʼ ἴθυσε, φίλον κεχαρημένος ἦτορ,
4.96
ἴχνος ἐπισπέρχων βληχῆς ἠδʼ ἔνθα καὶ ἔνθα
4.97
παπταίνων πυρόεν· τάχα δʼ ἤλυθεν ἄγχι δόλοιο,
4.98
ἀμφί τε δινεῖται, κρατερὸς δέ ἑ λιμὸς ὀρίνει.
4.99
αὐτίκα δʼ αἱμασιὴν μὲν ὑπέρθορε γαστρὶ πιθήσας,
4.100
δέκτο δέ μιν χάος εὐρὺ περιστεφές, οὐδʼ ἐνόησεν,
4.101
ὡς ἐπὶ βυσσὸν ἵκανεν ἀνωΐστοιο βερέθρου·
4.102
παντόσε δινεῖται δὲ παλίσσυτος αἰὲν ὀρούων,
4.103
ὁπποῖος περὶ νύσσαν ἀεθλοφόρος θοὸς ἵππος,
4.104
ἀγχόμενος παλάμῃσι καὶ ἡνιόχοιο χαλινῷ.
4.105
οἱ δʼ ἄρʼ ἀπὸ σκοπιῆς τηλαυγέος ἀθρήσαντες
4.106
ἀγρευτῆρες ὄρουσαν, ἐριτμήτοισι δʼ ἱμᾶσι
4.107
δησάμενοι καθιᾶσιν ἐΰστροφα τυκτὰ μέλαθρα,
4.108
ὀπταλέον κἀκεῖσε δόλον κρύψαντες ἐδωδῆς·
4.109
αὐτὰρ ὅ γʼ ἐκ βόθροιο δοκεύμενος αὐτίκʼ ἀλύξειν
4.110
ἔνθὁ??ʼε καγχαλόων· παρὰ δʼ οὐκέτι νόστος ἕτοιμος·
4.111
ὧδε μὲν ἀμφὶ χυτὴν Λιβύων πολυδίψιον αἶαν.
4.112
αὐτὰρ ἐϋρρείταο παρʼ ὄχθαις Εὐφρήταο
4.113
ἵππους μὲν χαροποὺς μεγαλήτορας ἀρτύνονται
4.114
θήρειον ποτὶ μῶλον· ἐπεὶ χαροποὶ γεγάασι
4.115
κραιπνότατοι θείειν καὶ ἀναιδέες ἶφι μάχεσθαι
4.116
καὶ μοῦνοι τετλᾶσι λεόντων ἀντία βρυχήν·
4.117
οἱ δʼ ἄλλοι τρειουσι καὶ ἀγκλίνουσιν ὀπωπάς,
4.118
δειμαίνοντες ἄνακτος ἑοῦ πυριλαμπέα κανθόν,
4.119
ὣς ἐφάμην καὶ πρόσθεν ἐν ἱππαλέοισιν ἀοιδαῖς.
4.120
πεζοὶ δʼ ἐκτανύσαντο λίνοιο περίδρομον ἕρκος,
4.121
ἄρκυας ἀσσυτέροις ἐπιδειμάμενοι σταλίκεσσι·
4.122
τόσσον δʼ αὖθʼ ἑκάτερθεν ἐπιπρονένευκε κεραίη,
4.123
ὅσσον ἐπημύει κέρας ἀρτιτόκοιο σελήνης.
4.124
τρισσοὶ δʼ αὖ λοχόωσι λίνων ἔπι θηρητῆρες,
4.125
εἷς μέσατος, δοιοὶ δʼ ἄρʼ ἐπʼ ἀκροτάτοισι κορύμβοις,
4.126
ὁππόσον ἐκ μεσάτοιο γεγωνότος ἀμφοτέροισιν
4.127
εἰσαΐειν ἑκάτερθε διπλῶν ἀκρόπτερα φωτῶν.
4.128
οἱ δʼ ἄλλοι στήσαντο νόμῳ πολέμοιο δαφοινοῦ,
4.129
φρυκτοὺς αὐσταλέους πυριλαμπέας ἀμφὶς ἔχοντες·
4.130
ἀνδρῶν δʼ αὐτὸς ἕκαστος ἔχει σάκος ἐν χερὶ λαιῇ,
4.131
ἁ̓σπίδος ἐν πατάγῳ θηρσὶν μέγα δεῖμα δαφοινοῖς·
4.132
δεξιτερῇ δὲ φέρει πεύκης ἄπο δαιόμενον πῦρ·
4.133
ἔξοχα γὰρ δείδοικε πυρὸς μένος ἠΰκομος λῖς,
4.134
οὐδʼ ἐσιδεῖν τέτληκεν ἀταρμύκτοισιν ὀπωπαῖς.
4.135
οἱ δʼ ὁπότʼ ἀθρήσωσι λεόντων ἄλκιμον ἦτορ,
4.136
πάντες ὁμῶς ἱππῆες ἐπέσσυθεν, ἀμφὶ δὲ πεζοὶ
4.137
ἕσπονται παταγεῦντες, ἀϋτὴ δʼ αἰθέρʼ ἱκάνει.
4.138
θῆρες δʼ οὐ μίμνουσιν, ἐπιστροφάδην δὲ νέονται
4.139
θυμὸν ὀδὰξ πρίοντες, ἀμυνέμεν οὐκ ἐθέλοντες.
4.140
ὡς δʼ ἰχθῦς ἀνὰ νύκτα δολόφρονες ἀσπαλιῆες
4.141
πρὸς βόλον ἰθύνουσι θοαῖς ἀκάτοισι φέροντες
4.142
λαμπομένας δαΐδας· τοὶ δὲ τρείουσιν ἰδόντες
4.143
ἔλλοπες, οὐδὲ μένουσιν ἑλισσομένην ἀμαρυγήν·
4.144
ὣς καὶ θῆρες ἄνακτες ἐπιμύουσιν ὀπωπάς.
4.145
καὶ τότε δειδιότες κτύπον ἀνδρῶν καὶ φλόγα πυρσῶν
4.146
αὐτόματοι πλεκτῇσι λίνων λαγόνεσσι πέλασσαν.
4.147
ἔστι δέ τις θήρης τρίτατος νόμος Αἰθιοπήων
4.148
ἀκάματος, μέγα θαῦμα· τὸ δʼ ἀνέρες ἀλκήεντες
4.149
Αἴθοπες ἠνορέῃ πίσυνοι πίσυρες τελέουσι.τελέθουσι MSS.
4.150
πλεκτὰ σάκη τεύχουσιν ἐϋστρέπτοισι λύγοισι
4.151
καρτερὰ καὶ πλευρῇσι περίδρομα, κὰδ δὲ βοείας
4.152
ἀζαλέας τανύουσιν ἐπʼ ἀσπίσιν ὀμφαλοέσσαις
4.153
ἄλκαρ ἔμεν τʼ ὀνύχων βριαρῶν γενύων τε δαφοινῶν·
4.154
αὐτοὶ δʼ οἰὸς ἄωτα πρόπαν δέμας ἀμφιέσαντο,
4.155
σφιγξάμενοι καθύπερθεν ἐπασσυτέροις τελαμῶσι·
4.156
καὶ κόρυθες κρύπτουσι καρήατα· μοῦνα δʼ ἀθρήσαις
4.157
χείλεά τε ῥῖνάς τε καὶ ὄμματα μαρμαίροντα.
4.158
ἄντα δὲ θηρὸς ἴασιν ἀολλέες,ἀολλέες: vv. ll. ἄμ’ ὁρμαῖς, ἅμα ῥώμαις. εὐκελάδοισι
4.159
μάστιξιν θαμινῇσι διʼ ἠέρος αἰθύσσοντες·
4.160
αὐτὰρ ὅ γε σπήλυγγος ὑπεκπροθορὼν ἀλίαστος
4.161
βρυχᾶται πετάσας φόνιον χάος ἀντία φωτῶν,
4.162
δερκόμενος χαροποῖσιν ὑπʼ ὄμμασιν αἰθόμενον πῦρ,
4.163
θυμῷ παφλάζων ἴκελος δίοισι κεραυνοῖς.
4.164
οὐ τοῖον Γάγγαο ῥόος πρόσθʼ ἠελίοιο
4.165
Ἰνδὸν ὑπὲρ δάπεδον Μαρυανδέαv. l. βαρυανθέα. λαὸν ἀμείβων
4.166
μυκᾶται βρύχημα πελώριον, ὁππότε κρημνῶν
4.167
ἐκπροθορὼν ἐκάλυψε μέλαν δέμας αἰγιαλοῖο·
4.168
ὅστε καὶ εὐρύτατός περ ἐὼν καί τʼ εἴκοσιν ἄλλοις
4.169
κυρτοῦται ποταμοῖσι κορυσσόμενος λάβρον ὕδωρ·
4.170
οἷον ἐπισμαραγεῖ δρίος ἄσπετον ἠδὲ χαράδραι
4.171
βρυχηθμοῖς ὀλοοῖσιν, ἐπιβρέμεται δʼ ὅλος αἰθήρ.
4.172
καί ῥʼ ὁ μὲν αὐτίκʼ ὄρουσε λιλαιόμενος χροὸς ἆσαι,
4.173
λαίλαπι χειμερίῃ πανομοίϊος· οἱ δὲ μένουσιν
4.174
ἀστεμφεῖς πυρόεσσαν ἐπαιγίζουσαν ἐνιπήν.
4.175
αὐτὰρ ὅ γʼ ἔν τʼ ὀνύχεσσι γένυσσί τε λευγαλέῃσιν
4.176
ἄσχετος ὅν κεν ἕλῃσιν ἐπαιθύσσων κεραΐζει.
4.177
τὸν δ ἕτερος κατόπισθε μεταθρώσκων αἰζηῶν
4.178
κικλήσκει, παταγῶν τε διαπρύσιόν τε γεγωνώς.
4.179
αἶψα δʼ ἐπιστρεφθεὶς μεγαλήνωρ ἠΰκομος λῖς
4.180
ὦρτο λιπὼν ὃν ἔμαρψεν ὑπὸ στόμα· καὶ πάλιν ἄλλος
4.181
δόχμιος ἠϋγένειον ὀρίνει θῆρα κελαινόν·
4.182
ἄλλοι δʼ ἀλλαχόθεν μιν ἐπασσύτεροι κλονέουσι
4.183
ῥινοῖσιν πίσυνοι σακέεσσί τε καὶ τελαμῶσι,
4.184
τοὺς οὔτε κρατεροὶ γενύων τάμνουσιν ὀδόντες,
4.185
οὔτε σιδηρείων ὀνύχων πείρουσιν ἀκωκαί.
4.186
αὐτὰρ ὁ μαψίδιον φθινύθει πόνον, ἄκριτα θύων,
4.187
τὸν μὲν καλλείπων, τὸν δʼ αἰρόμενος χθονὸς αἶψα
4.188
αὖ ἐρύων, τῷ δʼ αὖτις ἀάσχετος ἰθὺς ὀρούων.
4.189
ὡς δʼ ὁπότʼ ἐν πολέμοισιν ἀρήϊον ἄνδρα κραταιὸν
4.190
δήϊος ἀμφιβάλῃ στεφάνη μαλεροῖο μόθοιο,
4.191
αὐτὰρ ὅ γε πνείων μένος Ἄρεος ἔνθα καὶ ἔνθα
4.192
ἀΐσσει, παλάμῃ κραδάων πεφονωμένον ἔγχος,
4.193
ὀψὲ δέ μιν δάμνησιν ἐνυάλιος λόχος ἀνδρῶν,
4.194
πάντες ὁμοῦ βρίσαντες· ὁ δʼ ὀκλάζει κατὰ γαίης,
4.195
βαλλόμενος πυκινῇσι τανυρροίζοισιν ἀκωκαῖς·
4.196
ὣς ὅ γʼ ἀνηνύστοισιν ἀπειπάμενος καμάτοισιν
4.197
ὀψὲ βροτοῖσιν ἔδωκε βραβήϊα πάντα μόθοιο·
4.198
ἀφρὸν ἀποσταλάει δὲ ποτὶ σχερὸν αἱματόεντα·
4.199
εἴκελος αἰδομένῳ δἐ ποτὶ χθόνα κανθὸν ἐρείδει.
4.200
ὡς δὲ βροτὸς πολλοῖσιν ἐρεψάμενος κοτίνοισι
4.201
πυγμαχίης ἐν ἀγῶσιν, ὑπʼ ἀνέρος ἀλκήεντος
4.202
ἄντην ἀσσυτέρῃσιν ὐπʼ ὠτειλῇσι δαμασθείς,
4.203
ἔστη μὲν πρώτιστα λελουμένος αἵματι λάβρῳ,
4.204
οἷα μεθυσφαλέων, ἑτεροκλινέων τε κάρηνον·
4.205
αὐτὰρ ἔπειτʼ ἐπὶ γαῖαν ὑποκλαδὸν ἐξετανύσθη·
4.206
ὣς ὅ γʼ ἐπὶ ψαμάθου κεκαφηότα γυῖα τάνυσσεν.
4.207
οἱ δὲ τότʼ ἐγκονέουσι πολὺ πλέον, αἶψα δʼ ὕπερθε
4.208
πάντες ἐρεισάμενοι κρατεροῖσι δέουσʼ ὑπὸ δεσμοῖς
4.209
οὐδὲν ἀλευόμενον, μάλα δʼ ἤρεμον ἀτρεμέοντα.
4.210
ὦ μέγα τολμήεντες, ὅσον χάδον, ὅσσον ἔρεξαν,
4.211
αἰνόν κεῖνο πέλωρον ἅτε κτίλον ἀείρουσιν.
4.212
ἔκλυον ὡς βόθροισιν ὁμοίοισίν τε δόλοισι
4.213
θήρασσαν καὶ θῶας ἀναιδέας, ἠδὲ γένεθλα
4.214
πορδαλίων ἀπάτησαν, ἀτὰρ πολὺ μείοσι βόθροις·
4.215
κίονα δʼ οὐχὶ λίθοιο, δρυὸς δʼ ἐτάμοντο κεραίην·
4.216
οὐδὲ μὲν ὑψικρεμῆ χιμάρου γόνον ᾐώρησαν,
4.217
ἀλλὰ κυνός· τοῦ δʼ αὖτʼ ἀπὸ μήδεα δῆσαν ἱμάσθλαις
4.218
λεπταλέαις· ὁ δʼ ἄρʼ ὦκα περισπερχὴς ὀδύνῃσιν
4.219
ὠρυθμοῖς ὑλάει καὶ πορδαλίεσσιν ἀϋτεῖ·
4.220
ἡ δὲ μάλʼ ἰάνθη, διά τε δρίος ἰθὺς ὀρούει.
4.221
ὡς δʼ ὁπότʼ ἰχθυβόλοι κύρτου δόλον ἐστήσαντο,
4.222
πλεξάμενοι σπάρτῳ Σαλαμινίδι, καὶ λαγόνεσσι
4.223
πούλυπον ἢ κεστρῆα πυρὶ φλεγέθοντες ἔθεντο·
4.224
ὀδμὴ δʼ ἐς πλαταμῶνας ἀφίκετο, καὶ ποτὶ κύρτον
4.225
ἔλλοπας αὐτομόλους εἰσήγαγεν, οὐδὲ δύνανται
4.226
αὖτις ὑπεκδῦναι, δεινοῦ δʼ ἤντησαν ὀλέθρου·
4.227
ὣς κείνη, σκυλακῆος ἀπόπροθεν εἰσαΐουσα,
4.228
ἔδραμε καὶ θόρεν, οὔτινʼ ὀϊσσαμένη δόλον εἶναι,
4.229
γαστέρι πειθομένη δὲ μυχοὺς ἐπέλασσε βερέθρου.
4.230
Πορδάλιας καὶ δῶρα Διωνύσοιο δάμασσαν,
4.231
θηροφόνων δολερῶν δολερὴν πόσιν οἰνοχοεύντων,
4.232
οὐδὲν ἀλευομένων ζαθέοιο κότον Διονύσου.
4.233
πορδάλιες νῦν μὲν θηρῶν γένος, ἀλλὰ πάροιθεν
4.234
οὐ θῆρες βλοσυραί, χαροπαὶ δʼ ἐπέλοντο γυναῖκες,
4.235
οἰνάδες, ὠσχοφόροι, τριετηρίδες, ἀνθοκάρηνοι,
4.236
Βάκχου φοιταλιῆος ἐγερσιχόροιο τιθῆναι.
4.237
νηπίαχον γὰρ ΒακχονἼακχον G. Ἀγηνορὶς ἔτραφεν Ἰνώ,
4.238
μαζὸν ὀρεξαμένη πρωτόρρυτον υἱέϊ Ζηνός·
4.239
σὺν δʼ ἄρʼ ὁμῶς ἀτίτηλε καὶ Αὐτονόη καὶ Ἀγαύη·
4.240
ἀλλʼ οὐκ εἰν Ἀθάμαντος ἀταρτηροῖσι δόμοισιν,
4.241
οὔρεϊ δʼ ὃν τότε Μηρὸν ἐπικλήδην καλέεσκον.
4.242
Ζηνὸς γὰρ μεγάλην ἄλοχον μέγα δειμαίνουσαι
4.243
καὶ Πενθῆα τύραννον Ἐχιονίδην τρομέουσαι
4.244
εἰλατίνῃ χηλῷ δῖον γένος ἐγκατέθεντο,
4.245
νεβρίσι δʼ ἀμφεβάλοντο καὶ ἐστέψαντο κορύμβοις
4.246
ἐν σπέϊ, καὶ περὶ παῖδα τὸ μυστικὸν ὠρχήσαντο·
4.247
τύμπανα δʼ ἐκτύπεον καὶ κύμβαλα χερσὶ κρόταινον,
4.248
παιδὸς κλαυθμυρισμῶν προκαλύμματα· πρῶτα δʼ ἔφαινον
4.249
ὄργια κευθομένῃ περὶ λάρνακι· σὺν δʼ ἄρα τῇσιν
4.250
Ἀόνιαι λάθρη τελετῶν ἅπτοντο γυναῖκες·
4.251
ἐκ δʼ ὄρεος πιστῇσιν ἀγερμοσύνην ἑτάρῃσινἀγερμ. MSS.: corr. Brodaeus.
4.252
ἔντυον ἰθῦσαι Βοιωτίδος ἔκτοθε γαίης·
4.253
μέλλε γὰρ ἤδη, μέλλεν ἀνήμερος ἡ πρὶν ἐοῦσα
4.254
γαῖα φυτηκομέειν ὑπὸ λυσιπόνῳ Διονύσῳ.
4.255
χηλὸν δʼ ἀρρήτην ἱερὸς χορὸς ἀείρασαι
4.256
στεψάμεναι νώτοιστν ἐπεστήριξαν ὄνοιο·
4.257
Εὐρίπου δʼ ἵκανον ἐπʼ ᾐόνας, ἔνθα κίχανον
4.258
πρέσβυν ὁμοῦ τεκέεσσιν ἁλίπλανον· ἀμφὶ δὲ πᾶσαι
4.259
γριφέας ἐλλίσσοντο βυθοὺς ἀκάτοισι περῆσαι·
4.260
αὐτὰρ ὅ γʼ αἰδεσθεὶς ἱεράς ὑπέδεκτο γυναῖκας.
4.261
καὶ δή οἱ χλοερὴ μὲν ἐπήνθεε σέλμασι μῖλαξ,
4.262
πρύμνην δʼ ὡραίη ἕλινοςσέλινος (-ον GI) MSS.: corr. Brodaeus. καὶ κισσὸς ἔρεπτον·
4.263
καί κεν ὑπὲρ πόντοιο κυβίστεον ἀσπαλιῆες
4.264
δείματι δαιμονίῳ πεπτηότες, ἀλλὰ πάροιθεν
4.265
ἐς γαῖαν δόρυ κέλσε· πρὸς Εὐβοίην δὲ γυναῖκες
4.266
ἠδʼ ἐπʼ Ἀρισταίοιο θεὸν κατάγοντο φέρουσαι,
4.267
ὅσθʼ ὕπατον μὲν ἔναιεν ὄροςὄρος Editor: ὄρει MSS. ΚαρύῃσινΚαρύῃσιν Editor: καὶ ῥύησιν CDEF: καὶ ῥοιῆσιν AB: καὶ ῥοῆσιν GLM: κεράεσσιν Turnebus. ὑπʼ ἄντρῳ,ἄντρῳ: ἄντρου MSS.
4.268
μυρία δʼ ἄγραυλον βιοτὴν ἐδιδάξατο φωτῶν·
4.269
πρῶτος ποιμένιονποιμένιον Schneider: ποιμενίων MSS. ἱδρύσατο, πρῶτος ἐκεῖνος
4.270
καρποὺς ἀγριάδος λιπαρῆς ἔθλιψεν ἐλαίης,
4.271
καὶ ταμίσῳ πρῶτος γάλα πήξατο, καὶ ποτὶ σίμβλους
4.272
ἐκ δρυὸς ἀείρας ἀγανὰς ἐνέκλεισε μελίσσας.
4.273
ὃς τότε καὶ Διόνυσον ἑῷ νεογιλὸν ὑπʼ ἄντρῳ
4.274
Ἰνώης ἔθρεψε δεδεγμένος ἐκ χηλοῖο,
4.275
σὺν Δρυάσιν δʼ ἀτίτηλε μελισσοκόμοισί τε Νύμφαις
4.276
Εὐβοΐσιν τε κόρῃσι καὶ Ἀονίῃσι γυναιξίν.
4.277
ἤδη κουρίζων δʼ ἑτέραις μετὰ παισὶν ἄθυρε·
4.278
νάρθηκα προταμὼν στυφελὰς οὐτάζετο πέτρας,
4.279
αἱ δὲ θεῷ μέθυ λάρον ἀνέβλυσαν ὠτειλάων.
4.280
ἄλλοτε δʼ ἀρνειοὺς αὐτῇς ἐδάϊξε δορῇσι
4.281
καὶ μελεϊστὶ τάμεν νέκυας δʼ ἔρριψεν ἔραζε,
4.282
αὖτις δʼ ἅψεα χερσὶν ἐϋσταλέως συνέβαλλεν,
4.283
οἱ δʼ ἄφαρ ἔζωον χλοεροῦ θʼ ἅπτοντο νομοῖο.
4.284
ἤδη καὶ θιάσοισιν ἐμέμβλετο καὶ κατὰ πᾶσαν
4.285
γαῖαν ἐκίδνατο δῶρα Θυωναίου Διονύσου.
4.286
πάντῃ δὲ θνητοῖς ἀρετὴν πωλέσκετο φαίνων·
4.287
ὀψὲ δὲ καὶ Θήβης ἐπεβήσατο καὶ πυρίπαιδι
4.288
πᾶσαι ὑπηντίασαν Καδμηΐδες· αὐτὰρ ὁ μάργος
4.289
Πενθεὺς οὐχὶ δετὰς παλάμας ἔδεεν Διονύσου,
4.290
καὶ θεὸν αὐτοφόνοισιν ἀπείλεε χερσὶ δαΐξαι,
4.291
οὐ Τυρίου Κάδμοιο καταιδόμενος τρίχα λευκήν,
4.292
οὐδὲ κυλινδομένην οἷσι πρὸ πόδεσσιν Ἀγαύην·
4.293
σύρειν δʼ αἰνομόροισιν ἐβώστρεεν οἷς ἑτάροισι,
4.294
σύρειν τε κλείειν τε, χορόν τʼ ἐλάασκε γυναικῶν.
4.295
οἱ μέν νυν Βρόμιον Πενθηϊάδαι φυλακῆες
4.296
δεσμοῖσιν δοκέοντο σιδηρείοισιν ἄγεσθαι
4.297
ἄλλοι Καδμεῖοί τε· θεοῦ δʼ οὐχ ἅπτετο δεσμά·
4.298
παχνώθη δὲ κέαρ θιασώτισι, πάντα δʼ ἔραζε
4.299
ῥῖψαν ἀπὸ κροτάφων στεφανώματα θύσθλα τε χειρῶν·
4.300
πάσαις δʼ ἐστάλαον Βρομιώτισι δάκρυ παρειαί·
4.301
αἶψα δʼ ἀνηΰτησαν· ἰὼ μάκαρ, ὦ Διόνυσε,
4.302
ἅπτε σέλας φλογερὸν πατρώϊον, ἂν δʼ ἐλέλιξον
4.303
γαῖαν, ἀταρτηροῦ δʼ ὄπασον τίσιν ὦκα τυράννου·
4.304
θὲς δὲ παρὰ σκοπιῇσι, πυρίσπορε, Πενθέα ταῦρον,
4.305
ταῦρον μὲν Πενθῆα δυσώνυμον, ἄμμε δὲ θῆρας
4.306
ὠμοβόρους, ὀλοοῖσι κορυσσομένας ὀνύχεσσιν,
4.307
ὄφρα μιν, ὦ Διόνυσε, διὰ στόμα δαιτρεύσωμεν.
4.308
ὣς φάσαν εὐχόμεναι· τάχα δʼ ἔκλυε Νύσιος ἀρῆς.
4.309
Πενθέα μὲν δὴ ταῦρον ἐδείξατο φοίνιον ὄμμα,
4.310
αὐχένα τʼ ᾐώρησε, κέρας τʼ ἀνέτειλε μετώπου·
4.311
ταῖσι δὲ γλαυκιόωσαν ἐθήκατο θηρὸς ὀπωπήν,
4.312
καὶ γένυας θώρηξε, κατέγραψεν δʼ ἐπὶ νώτου
4.313
ῥινὸν ὅπως νεβροῖσι, καὶ ἄγρια θήκατο φῦλα.
4.314
αἱ δὲ θεοῦ βουλῇσιν ἀμειψάμεναι χρόα καλὸν
4.315
πορδάλιες Πενθῆα παρὰ σκοπέλοισι δάσαντο.
4.316
τοιάδʼ ἀείδοιμεν, τοῖα φρεσὶ πιστεύοιμεν·
4.317
ὅσσα Κιθαιρῶνος δὲ κατὰ πτύχας ἔργα γυναικῶν,
4.318
ἢ μυσαρὰς κείνας, τὰς ἀλλοτρίας Διονύσου,
4.319
μητέρας οὐχ ὁσίως ψευδηγορέουσιν ἀοιδοί.
4.320
Θηροφόνος δέ τις ὧδε πάγην ἑτάροισι σὺν ἄλλοις
4.321
θηρσὶ φιλακρήτοισιν ἐμήσατο πορδαλίεσσι.
4.322
πίδακα λεξάμενοι Λιβύης ἀνὰ διψάδα γαῖαν,
4.323
ἥ τʼ ὀλίγη μάλα πολλὸν ἀνυδρότατον κατὰ χῶρον
4.324
ἀπροφάτως ἀΐδηλον ἀνασταλάει μέλαν ὕδωρ,
4.325
οὐδὲ πρόσω χεῖται κελαρύσμασιν, ἀλλὰ μάλʼ αἰνῶς
4.326
βλύζει τε σταδίη τε μένει ψαμάθοισί τε δύνει·
4.327
ἔνθεν πορδαλίων γένος ἄγριον εἶσι μετʼ ἠὼ
4.328
πιόμενον· τοὶ δʼ αἶψα κατὰ κνέφας ὁρμηθέντες
4.329
ἀγρευτῆρες ἄγουσιν ἐείκοσιν ἀμφιφορῆας
4.330
οἴνου νηδυμίοιο, τὸν ἑνδεκάτῳ λυκάβαντι
4.331
θλῖψε τις οἰνοπέδῃσι φυτηκομίῃσι μεμηλώς·
4.332
ὕδατι δʼ ἐγκέρασαν λαρὸν μέθυ καὶ προλιπόντες
4.333
πίδακα πορφυρέην οὐ τηλόθεν εὐνάζονται,
4.334
προπροκαλυψάμενοι δέμας ἄλκιμον ἢ σισύρῃσιν
4.335
ἢ αὐτοῖσι λίνοισιν· ἐπεὶ σκέπας οὔ τι δύνανται
4.336
εὑρέμεν οὔτε λίθων οὔτʼ ἠϋκόμων ἀπὸ δένδρων·
4.337
πᾶσα γὰρ ἐκτέταται ψαφαρὴ καὶ ἀδένδρεος αἶα.
4.338
τὰς δʼ ἄρα σειριόεντος ὑπʼ ἠελίοιο τυπείσας
4.339
ἀμφότερον δίψη τε φίλη τʼ ἐκάλεσσεν ἀϋτμή·
4.340
πίδακι δʼ ἐμπέλασαν Βρομιώτιδι καὶ μέγα χανδὸν
4.341
λάπτουσιν Διόνυσον, ἐπʼ ἀλλήλῃσι δὲ πᾶσαι
4.342
σκιρτεῦσιν μὲν πρῶτα χοροιτυπέουσιν ὁμοῖαι,
4.343
εἶτα δέμας βαρύθουσι, προσώπατα δʼ ἐς χθόνα δῖαν
4.344
ἠρέμα νευστάζουσι κάτω· μετέπειτα δὲ πάσας
4.345
κῶμα βιησάμενον χαμάδις βάλεν ἄλλυδις ἄλλην.
4.346
ὡς δʼ ὁπότʼ εἰλαπίνῃσιν ἀφυσσάμενοι κρητήρων
4.347
ἥλικες εἰσέτι παῖδες, ἔτι χνοάοντες ἰούλους,
4.348
λαρὸν ἀείδωσι, προκαλιζόμενοι μετὰ δεῖπνον
4.349
ἀλλήλους ἑκάτερθεν ἀμοιβαδίοισι κυπέλλοις,
4.350
ὀψὲ δʼ ἐλώφησαν· τοὺς δʼ ἔρριφεν ἄλλον ἐπʼ ἄλλῳ
4.351
καὶ φρεσὶ καὶ βλεφάροισιν ἐπιβρῖσαν μένος οἴνου·
4.352
ὣς κεῖναι μάλα θῆρες ἐπʼ ἀλλήλῃσι χυθεῖσαι
4.353
νόσφι πόνου κρατεροῖσινκρατεροῖο MSS.: corr. G. Hermann. ὑπʼ ἀγρευτῆρσι γένοντο.
4.354
Ἄρκτοισιν δὲ πονεῦσι κλυτὴν περιώσιον ἄγρην
4.355
Τίγριν ὅσοι ναίουσι καὶ Ἀρμενίην κλυτότοξον.
4.356
πουλὺς ὄχλος βαίνουσι τανύσκια βένθεα δρυμῶν,
4.357
ἴδριες αὐτολύτοιςαὐτολύτοις Schneider: αὐτολύγοις MSS. vulg.: αὖτ’ ὀλίγοι Tüselmann coll. Paraphr. p. 42. 30 βραχεῖς δὲ αὐτῶν· αὗτ’ ὀλίγοις A2KLM. σὺν ἐϋρίνεσσι κύνεσσιν,
4.358
ἴχνια μαστεύσοντʼμαστεύσοντ’] dual for plural. ὀλοῶν πουλύπλαναπολυπλανέα MSS.: corr. Schneider. θηρῶν.
4.359
ἀλλʼ ὁπότʼ ἀθρήσωσι κύνες σημήϊα ταρσῶν,
4.360
ἕσπονται στιβέας τε ποδηγετέουσιν ὁμαρτῇ,
4.361
ῥῖνας μὲν ταναὰς σχεδόθεν χέρσοιο τιθέντες·
4.362
εἰσοπίσω δʼ εἴπέρ τι νεώτερον ἀθρήσειαν
4.363
ἴχνος, ἐπειγόμενοι θόρον αὐτίκα καγχαλόωντες
4.364
ληθόμενοι τοῦ πρόσθεν· ἐπὴν δʼ εἰς ἄκρον ἵκωνται
4.365
εὐπλανέος στιβίης θηρός τε παναίολον εὐνήν,
4.366
αὐτίχʼ ὁ μὲν θρώσκει παλάμης ἄπο θηρητῆρος,
4.367
οἰκτρὰ μάλʼ ὑλακόων, κεχαρημένος ἔξοχα θυμόν.
4.368
ὡς δʼ ὅτε παρθενικὴ γλαγόεντος ἐν εἴαρος ὥρῃ
4.369
ἀβλαύτοισι πόδεσσιν ἀνʼ οὔρεα πάντʼ ἀλάληται,
4.370
ἄνθεα διζομένη· τὸ δέ οἱ μάλα τηλόθʼ ἐούσῃ
4.371
νηδύμιον προπάροιθεν ἴον μήνυσεν ἀϋτμή·
4.372
τῇ δὲ μάλʼ ἰάνθη μείδησέ τε θυμὸς ἐλαφρός,
4.373
ἀμᾶται δʼ ἀκόρητος, ἀναψαμένη δὲ κάρηνον
4.374
εἶσιν ἐς ἀγραύλων δόμον ἀείδουσα τοκήων·
4.375
ὣς κυνὸς ἰάνθη θυμὸς θρασύς· αὐτὰρ ἐπακτὴρ
4.376
καὶ μάλα μιν θύνοντα βιησάμενος τελαμῶσι
4.377
καγχαλόων παλίνορσος ἔβη μεθʼ ὅμιλον ἑταίρων.
4.378
τοῖσι δὲ καὶ δρυμὸν διεπέθραδε, θῆρά τε πικρὴν
4.379
αὐτὸς καὶ συνάεθλος ὅπου λοχόωντες ἔλειψαν.
4.380
οἱ δʼ ἄρʼ ἐπειγόμενοι στάλικας στήσαντο κραταιοὺς
4.381
δίκτυά τʼ ἀμπετάσαντο καὶ ἄρκυας ἀμφεβάλοντο·
4.382
ἐν δὲ δύω κλῖναν δοιαῖς ἑκάτερθε κεραίαις
4.383
ἀνέρας ἀκρολίνους ὑπὸἐπὶ in lit. BK. μειλινέοισι πάγοισιν.πάγαισι B de Ballu.
4.384
ἐκ δʼ αὐτῶν κεράων τε καὶ αἰζηῶν πυλαωρῶν
4.385
λαιῇ μὲν μήρινθον ἐΰστροφον ἐκτανύουσι
4.386
μηκεδανήν, λινέην, ὀλίγον γαίης ἐφύπερθεν,
4.387
ὅσσον ἐπʼ ὀμφαλὸν ἀνδρὸς ἱκανέμεναι στροφάλιγγα·
4.388
τῆς ἀπὸ μὲν κρέμαται περιδαίδαλα παμφανόωντα
4.389
ἄνθεα ταινιῶν πουλύχροα, δείματα θηρῶν,
4.390
ἐκ δʼ ἄρʼ ἀπήρτηται πτίλα μυρία παμφανόωντα,
4.391
οἰωνῶν τε διηερίων περικαλλέα ταρσὰ
4.392
γυπάων πολιῶν τε κύκνων δολιχῶν τε πελαργῶν.
4.393
δεξιτερῇ δὲ λόχους ὑπὸ ῥωγάσινῥωπάσιν A3, in lit. M. ἐστήσαντο,
4.394
ἢ χλοεροῖς πετάλοισι θοῶς πυκάσαντο μέλαθρα,
4.395
τυτθὸν ἀπʼ ἀλλήλων, πίσυρας δʼ ἐκάλυψαν ἑκάστῳ
4.396
ἀνέρας, ὁρπήκεσσι πρόπαν δέμας ἀμφιβαλόντες.
4.397
αὐτὰρ ἐπὴν κατὰ κόσμον ἐπαρτέα πάντα πέλωνται,
4.398
σάλπιγξ μὲν κελάδησε πελώριον, ἡ δέ τε λόχμης
4.399
ὀξὺ λέληκε θοροῦσα καὶ ὀξὺ δέδορκε λακοῦσα·
4.400
αἰζηοὶ δʼ ἐπόρουσαν ἀολλέες, ἐκ δʼ ἑκάτερθεν
4.401
ἀντία θηρὸς ἴασι φαλαγγηδὸν κλονέοντες.
4.402
ἡ δʼ ὅμαδον προλιποῦσα καὶ ἀνέρας ἰθὺς ὀρούει,
4.403
γυμνὸν ὅπου λεύσσει πεδίον πολύ· κεῖθεν ἔπειτα
4.404
ἑξείης κατὰ νῶτον ἐγειρόμενος λόχος ἀνδρῶν
4.405
κλαγγηδὸν παταγοῦσιν, ἐπʼ ὀφρύα μηρίνθοιο
4.406
σευόμενοι καὶ δεῖμα πολύχροον· ἡ δέ τʼ ἀνιγρὴ
4.407
ἀμφίβολος μάλα πάμπαν ἀτυζομένη πεφόρηται·
4.408
πάντα δʼ ὁμοῦ δείδοικε, λόχον, κτύπον, αὐλόν, ἀϋτήν,
4.409
δειμαλέην μήρινθον· ἐπεὶ κελάδοντος ἀήτεω
4.410
ταινίαι τʼ ἐφύπερθε διηέριαι κραδάουσι
4.411
κινύμεναι πτέρυγές τε λιγήϊα συρίζουσι.
4.412
τοὔνεκα παπταίνουσα κατʼ ἄρκυος ἀντίον ἕρπει,
4.413
ἐν δʼ ἔπεσεν λινέοισι λόχοις· τοὶ δʼ ἐγγὺς ἐόντες
4.414
ἀκρόλινοι θρώσκουσι καὶ ἐγκονέοντες ὕπερθε
4.415
σπαρτόδετον τανύουσι περίδρομον· ἄλλο δʼ ἐπʼ ἄλλῳ
4.416
νηήσαντο λίνον· μάλα γὰρ τότε θυμαίνουσιν
4.417
ἄρκτοι καὶ γενύεσσι καὶ ἀργαλέαις παλάμῃσι·
4.418
δηθάκι δʼ ἐξαυτῆς φύγον ἀνέρας ἀγρευτῆρας
4.419
δίκτυά τʼ ἐξήλυξαν, ἀΐστωσαν δέ τε θήρην.
4.420
ἀλλὰ τότε κρατερός τις ἀνὴρ παλάμην ἐπέδησεν
4.421
ἄρκτου δεξιτερήν, χήρωσέ τε πᾶσαν ἐρωήν,
4.422
δῆσέ τʼ ἐπισταμένως, τάνυσέν τε ποτὶ ξύλα θῆρα,
4.423
καὶ πάλιν ἐγκατέκλεισε δρυὸς πεύκης τε μελάθρῳ,
4.424
πυκνῇσι στροφάλιγξιν ἑὸν δέμας ἀσκήσασαν.
4.425
χρειὼ δὲ σκοπέλου μὲν ἀνάντεος ἠδὲ πάγοιο
4.426
σεύεσθαι προθέοντα ποδώκεα φῦλα λαγωῶν,
4.427
πρὸς δὲ κάταντα σοφῇσι προμηθείῃσιν ἐλαύνειν·
4.428
αὐτίκα γὰρ σκύλακάς τε καὶ ἀνέρας ἀθρήσαντες
4.429
πρὸς λόφον ἰθύνουσιν· ἐπεὶ μάλα γιγνώσκουσιν,
4.430
ὅττι πάροιθεν ἔασιν ὀλιζότεροι πόδες αὐτοῖς.
4.431
τοὔνεκα ῥηΐδιοι πτώκεσσι πέλουσι κολῶναι,
4.432
ῥηΐδιοι πτώκεσσι, δυσάντεες ἱππελάτῃσι.
4.433
ναὶ μὴν ἀτραπιτοῖο πολυστιβίην ἀλεείνειν
4.434
καὶ πάτον, ἐν δʼ ἄρα τῇσι γεωμορίῃσιν ἐλαύνειν·
4.435
κουφότεροι γὰρ ἔασι τρίβῳ καὶ ποσσὶν ἐλαφροὶ
4.436
ῥεῖά τʼ ἐπιθρώσκουσιν· ἀρηρομένῃ δʼ ἐνὶ γαίῃ
4.437
καὶ θέρεος βαρύθουσι πόδες καὶ χείματος ὥρῃ
4.438
ἄχρις ἐπισφυρίων ὀλοὴν κρηπῖδα φέρουσιν.
4.439
ἤν ποτʼ ἐλῇς δόρκον δέ, φυλάσσεο μὴ μετὰ πολλὸν
4.440
ἐκτάδιον δολιχόν τε δρόμον καί τέρμα πόνοιο
4.441
τυτθὸν ὑποσταίη, λαγόνων δʼ ἀπὸ μήδεα χεύῃ·
4.442
δόρκοι γὰρ περίαλλα δρόμοις ἐνὶ μεσσατίοισι
4.443
κυστίδα κυμαίνουσιν, ἀναγκαίοισιν ὑπʼ ὄμβροις
4.444
βριθόμενοι λαγόνας, ποτὶ δʼ ἰσχίον ὀκλάζουσιν·
4.445
ἢν δʼ ὀλίγον πνεύσωσι πολυσφαράγων ἀπὸ λαιμῶν,
4.446
πολλὸν ἀρειότεροι λαιψηρότεροί τε φέβονται,
4.447
γούνασιν εὐφόρτοισι καὶ ἔγκασι κουφοτέροισι.
4.448
κερδὼ δʼ οὔτε λόχοισιν ἁλώσιμος οὔτε βρόχοισιν
4.449
οὔτε λίνοις· δεινὴ γὰρ ἐπιφροσύνῃσι νοῆσαι,
4.450
δεινὴ δʼ αὖτε κάλωα ταμεῖν, ὑπὸ δʼ ἅμματα λῦσαι,
4.451
καὶ πυκινοῖσι δόλοισιν ὀλισθῆσαι θανάτοιο.
4.452
ἀλλὰ κύνες μιν ἄειραν ἀολλέες· οὐδʼ ἄρʼ ἐκεῖνοι
4.453
καὶ κρατεροί περ ἐόντες ἀναιμωτὶ δαμάσαντο.