Saturae
Choose a text
id="mobileReaderAuthor" class="mobile-reader-author" href="/authors/persius" aria-label="More works by Persius">
—
⋯
Original / primary: Perseus Lat2
pr.1
Nec fonte labra prolui caballino
pr.2
nec in bicipiti somniasse Parnaso
pr.3
memini, ut repente sic poeta prodirem.
pr.4
Heliconidasque pallidamque Pirenen
pr.5
illis remitto, quorum imagines lambunt
pr.6
hederae sequaces: ipse semipaganus
pr.7
ad sacra vatum carmen adfero nostrum.
pr.8
quis expedivit psittaco suum chaere,
pr.9
picamque docuit verba nostra conari?
pr.10
magister artis ingenique largitor
pr.11
venter, negatas artifex sequi voces;
pr.12
quod si dolosi spes refulserit nummi,
pr.13
corvos poetas et poetridas picas
pr.14
cantare credas Pegaseium nectar.