Petrus Abaelardus1079–1142
Hymni et Sequentiae
Sequ 5.1.6
Choose a text
More by Petrus Abaelardus
—
11122 Hyetse
5.1
HYMNI SOLEMNITATUM DIVINARUM.
5.1
IN NATIVITATE DOMINI
5.1.1
HYMNI SOLEMNITATUM DIVINARUM. XXIX. IN I NOCTURNO ET AD VESPERAS.
5.1.1
Verbo Verbum virgo concipiens, Ex te verus ortus est Oriens, A quo vera diffusa claritas Circumductas abduxit tenebras.
5.1.2
Felix dies, dierum gloria, Hujus ortus quae vidit gaudia! Felix mater quae Deum genuit! Felix stella quae solem peperit!
5.1.3
O vere beata pauper puerpera! Cujus partus ditavit omnia; Pauper, inquam, sed celsa genere, Pontificum et regum sanguine.
5.1.4
Vitae viam in via peperit, Hospicium non domum habuit, Regum proles et caeli domina, Pro cameris intravit stabula.
5.1.5
Obstetrices in partu deerant, Sed angeli pro eis aderant, Quorum statim chorus non modica Hujus ortus eduxit gaudia.
5.1.6
Defuerunt fortassis balnea, Sed quam lavent non erat macula. Non est dolor quem illa relevent, Nec scissura quam illa reparent.
5.1.7
In excelsis sit Deo gloria, Pacis in terra foedera, Quam super his voces angelicae Decantasse noscuntur hodie.
5.1.8
AMEN .
Variation units
Dual references show Vulgate ↔ LXX loci for each oracle block. Selected-witness order follows the left compare column (or primary version).