Petrus Abaelardus1079–1142
Hymni et Sequentiae
Sequ 5.30.7
Choose a text
More by Petrus Abaelardus
—
11122 Hyetse
5.30.1
HYMNI SOLEMNITATUM DIVINARUM. LVIII. IN III NOCTURNO ET AD VESPERAS.
5.30.1
Ad altare pontifex Sacrandum se praeparat, Aquae salem, cinerem, Atque humum sociat.
5.30.2
Bis intincto digito Per altaris cornua Signum crucis imprimit Consecrantis dextera.
5.30.3
De ysopo deinde Tenens aspersorium In altare septies Aspergit circumdatum.
5.30.4
Rigatis ter deinceps Intus parietibus, Orat ut exaudiat Ibi quosque Dominus.
5.30.5
Ad altare praesul, his Peractis, convertitur; Psalmus cum antiphona Praeeunte dicitur.
5.30.6
Ad altaris funditur Basim aquae reliquum; Quo extergi debeat, Mundum adest linteum.
5.30.7
Thus antistes adolet Super ipsum Domino; Tam ipsum quam anguli Consignantur oleo.
5.30.8
Unctione chrismatis Altare perfunditur, Et simul antiphona Decantanda sumitur.
5.30.9
Cruces hinc duodecim Chrismantur parietum, Altare contegitur, Et fit sacrificium. Quae fiunt exterius, et cetera. Deo patri gloria.
Variation units
Dual references show Vulgate ↔ LXX loci for each oracle block. Selected-witness order follows the left compare column (or primary version).