Reader

EPISTOLA III. AD EUMDEM.

[ I, 3] Domino et Patri charissimo ALEXANDRO summo pontifici, fr. PETRUS Cellensium fratrum minus idoneus abbas, se ipsum cum devotione.

Ubi causae postulandae perorare per se sufficit praerogativa, solet rogantis etiam minus idonea recipi persona. Supplet namque dignitas petitionis insufficientiam postulantis. Praedecessorum vestrorum privilegiis et beneficiis abbatiam Fontis- Ebraldi sublimatam et communitam ubique divulgatum et notum est in partibus nostr i s. Episcopus autem Pictavensis, cum rigare debuisset et favere plantationi dexterae Dei et vestrae, nititur libertatem hujus Ecclesiae diminuere, et contra privilegium consuetum abbatissam cogit professionem sibi et obedientiam promittere, quam sibi sedes Petri retinuit. Gloriam itaque vestram alteri non detis; sed omni remoto mediatore, propria benedictione et protectione et abbatissam, et abbatiam ut dignum est, foveatis.