Reader

Descriptio sacri Casini montis

Mons Casinus in duos scinditur vertices, ceu geminos montes: unum eminentiorem ad Septentrionem, cui Cairus vocabulum, ubi nulla aedificia; alterum paulo depressiorem, Casinum dictum, in quo visum est. Ad hunc montem ad tria fere millia per sinuosos tramites patet ascensus. Ubi ad primam portam perveneris, occurrit subobscurus fornix, ex quo quadraginta gradibus ascenditur ad primam aream, quadratis stratam lapidibus, porticibusque ornatam. Inde in basilicae atrium, columnis et statuis insigne, per totidem fere gradus, ac demum in ipsam basilicam subitur. In hac quadriporticu exstant statuae summorum pontificum et episcoporum, e Casinate monasterio eductorum; tum ex una parte ecclesiastici, ex alia saeculares benefactores. Ad portam ecclesiae uterque parens sancti Benedicti exhibetur cum columna ex lapide serpentino, cui impositum fuisse tradunt Apollinis simulacrum quod comminuit beatissimus pater. Ecclesia, ut in loco angusto, ampla et eximia; cujus bipatentes portae majoris valvae ex aere, in quibus universas Casinatium possessiones Desiderius abbas, is qui postea Victor III dictus est, litteris argenteis describi curavit. Ex utroque navis latere octo sunt omnino sacella cum suis convexis hemisphaeriis. Choris navi supereminet pone majus altare, ab Alexandro II consecratum. Hinc Vidi Feramoscae, inde Petri Memonasterium monasterium positum est. Sed quoniam hujus montis fastigium angustius erat, quam ut omnes regulares aedes posset capere, monasterium totum in triplici planitie triplicique concameratione constituere dicei mausolea. Sub principe ara et choro jacet crypta cum ara sancti Benedicti, duabusque aliis, sancto Placido et sancto Mauro nuncupatis. Ibidem sella pertusa ex porphyritide visitur, forte balnearia, cujus generis sellam veteres solium appellabant. Ad dextram ecclesiae, qua meridiem spectat, consistunt regulares aedes; capitulum cum adjuncta bibliotheca, atrium seu claustrum, eique adhaerens refectorium: dormitoria, aedes abbatis et hospitum nobilium, desinentes in turrim, eam ipsam, ut creditur, quam sanctus Benedictus inhabitavit, insigni oratorio et picturis exquisitissimis ornatam. Ad frontem ecclesiae exstat dormitorium novitiorum: cui adhaeret Sanctae Annae aedicula, in qua monachorum conditorium est. Ad sinistram ecclesiae partem habetur vetus sancti Martini aedicula, in qua sepeliuntur pauperes peregrini, quorum hospitium et nosocomium ex eadem parte ad primum atrium conspiciuntur. Haec de recentiori monasterii statu. Ad radices montis situm est oppidum sancti Germani cum altero monasterio et palatio abbatiali; nec multum procul antiqua Casini civitas cum reliquiis veteris amphitheatri.