Peristephanon
Choose a text
id="mobileReaderAuthor" class="mobile-reader-author" href="/authors/prudentius" aria-label="More works by Prudentius (IV)">
—
⋯
Original / primary: Vulgata
4.1
Bis nouem noster populus sub uuo
4.2
martyrum seruat cineres sepulcro,
4.3
Caesaraugustam uocitamus urbem,
4.4
res cui tanta est.
4.5
Plena magnorum domus angelorum
4.6
non timet mundi fragilis ruinam
4.7
tot sinu gestans simul offerenda
4.8
munera Christo.
4.9
Cum deus dextram quatiens coruscam
4.10
nube subnixus ueniet rubente
4.11
gentibus iustam positurus aequo
4.12
pondere libram,
4.13
orbe de magno caput excitata
4.14
obuiam Christo properanter ibit
4.15
ciuitas quaeque pretiosa portans
4.16
dona canistris.
4.17
Afra Carthago tua promet ossa,
4.18
ore facundo Cypriane doctor,
4.19
Corduba Acisclum dabit et Zoellum
4.20
tresque coronas.
4.21
Tu tribus gemmis diadema pulchrum
4.22
offeres Christo, genetrix piorum
4.23
Tarraco, intexit cui Fructuosus
4.24
sutile uinclum.
4.25
Nomen hoc gemmae strofio inligatae est,
4.26
emicant iuxta lapides gemelli
4.27
ardet et splendor parilis duorum
4.28
igne corusco.
4.29
Parua Felicis decus exhibebit
4.30
artubus sanctis locuples Gerunda,
4.31
nostra gestabit Calagurris ambos,
4.32
quos ueneramur.
4.33
Barchinon claro Cucufate freta
4.34
surget et Paulo speciosa Narbo,
4.35
teque, praepollens Arelas, habebit,
4.36
sancte Genesi.
4.37
Lusitanorum caput oppidorum
4.38
urbs adoratae cineres puellae
4.39
obuiam Christo raplens ad aram
4.40
porriget ipsam.
4.41
Sanguinem Iusti, cui Pastor hacrct,
4.42
ferculum duplex geminumque donum
4.43
ferre Conplutum gremio iuuabit
4.44
membra duorum.
4.45
Ingeret Tingis sua Cassianum,
4.46
festa Massylum monumenta regum,
4.47
qui cinis gentes domitas coegit.
4.48
ad iuga Christi.
4.49
Singulis paucae, tribus aut duobus,
4.50
forsan et quinis aliquae placebunt
4.51
testibus Christi prius hostiarum
4.52
pignere functae.
4.53
Tu decem sanctos reuehes et octo,
4.54
Caesaraugusta studiosa Christo,
4.55
uerticem flauis oleis reuincta,
4.56
pacis honore.
4.57
Sola in occursum numerosiores
4.58
martyrum turbas domino parasti,
4.59
sola praediues pietate multa
4.60
luce frueris.
4.61
Vix parens orbis populosa Poeni,
4.62
ipsa uix Roma in solio locata
4.63
te, decus nostrum, superare in isto
4.64
munere digna est.
4.65
Omnibus portis sacer inmolatus
4.66
sanguis exclusit genus inuidorum
4.67
daemonum et nigras pepulit tenebras
4.68
urbe piata.
4.69
Nullus umbrarum latet intus horror;
4.70
pulsa nam pestis populum refugit,
4.71
Christus in totis habitat plateis,
4.72
Christus ubique est.
4.73
Martyrum credas patriam coronis
4.74
debitam sacris, chorus unde surgens
4.75
tendit in caelum niueus togatae
4.76
nobilitatis .
4.77
Inde, Vincenti, tua palma nata est,
4.78
clerus hic tantum peperit triumfum,
4.79
hic sacerdotum domus infulata
4.80
Valeriorum .
4.81
Saeuus antiquis quotiens procellis
4.82
turbo uexatum tremefecit orbem,
4.83
tristior templum rabies in istud
4.84
intulit iras.
4.85
Nec furor quisquam sine laude nostrum
4.86
cessit aut clari uacuus cruoris,
4.87
martyrum semper numerus sub omni
4.88
grandine creuit.
4.89
Nonne, Vincenti, peregri necandus
4.90
martyr his tetris tenui notasti
4.91
sanguinis rore speciem futuri
4.92
morte propinqua?
4.93
Hoc colunt ciues, uelut ipsa membra
4.94
caespes includat suus et paterno
4.95
seruet amplectens tumulo beati
4.96
martyris ossa.
4.97
Noster est, quamuis procul hinc in urbe
4.98
passus ignota dederit sepulcri
4.99
gloriam uictor prope litus altae
4.100
forte Sagynti.
4.101
Noster et nostra puer in palestra
4.102
arte uirtutis fideique oliuo
4.103
unctus horrendum didicit domare
4.104
uiribus hostem.
4.105
Nouerat templo celebres in isto
4.106
octies partas deciesque palmas,
4.107
laureis doctus patriis eadem
4.108
laude cucurrit.
4.109
Hic et, Encrati, recubant tuarum
4.110
ossa uirtutum, quibus efferati
4.111
spiritum mundi, uiolenta uirgo,
4.112
dedecorasti .
4.113
Martyrum nulli remanente uita
4.114
contigit terris habitare nostris,
4.115
sola tu morti propriae superstes
4.116
uiuis in orbe.
4.117
Viuis ac poenae seriem retexis
4.118
carnis et caesae spolium retentans,
4.119
taetra quam sulcos habeant amaros
4.120
uulnera, narras.
4.121
Barbarus tortor latus omne carpsit,
4.122
sanguis inpensus, lacerata membra,
4.123
pectus abscisa patuit papilla
4.124
corde sub ipso.
4.125
Iam minus mortis pretium peractae est,
4.126
quae uenenatos abolens dolores
4.127
concitam membris tribuit quietem
4.128
fine soporo.
4.129
Cruda te longum tenuit cicatrix
4.130
et diu uenis dolor haesit ardens,
4.131
dum putrescentes tenuat medullas
4.132
tabidus umor.
4.133
Inuidus quamuis obitum supremum
4.134
persecutoris gladius negarit,
4.135
plena te, martyr, tamen ut peremptam
4.136
poena coronat.
4.137
Vidimus partem iecoris reuulsam
4.138
ungulis longe iacuisse pressis,
4.139
mors habet pallens aliquid tuorum
4.140
te quoque uiua.
4.141
Hunc nouum nostrae titulum fruendum
4.142
Caesaraugustae dedit ipse Christus,
4.143
iuge uiuentis domus ut dicata
4.144
martyris esset.
4.145
Ergo ter senis sacra candidatis
4.146
diues Optato simul et Luperco
4.147
perge conscriptum tibimet senatum
4.148
pangere psalmis!
4.149
Ede Successum, cane Martialem!
4.150
mors et Vrbani tibi concinatur,
4.151
Iuliam cantus resonet simulque
4.152
Quintilianum .
4.153
Publium pangat chorus et reuoluat,
4.154
quale Frontonis fuerit tropaeum,
4.155
quid bonus Felix tulerit, quid acer
4.156
Caecilianus ,
4.157
quantus, Euoti, tua bells sanguis
4.158
tinxerit, quantus tua, Primitiue,
4.159
tum tuos uiuax recolat triumfos
4.160
laus, Apodemi.
4.161
Quattuor posthinc superest uirorum
4.162
nomen extolli renuente metro,
4.163
quos Saturninos memorat uocalos
4.164
prisca uetustas.
4.165
Carminis leges amor aureorum
4.166
nominum parui facit et loquendi
4.167
cura de sanctis uitiosa non est
4.168
nec rudis umquam.
4.169
Plenus est artis modus adnotatas
4.170
nominum formas recitare Christo,
4.171
quas tenet caeli liber explicandus
4.172
tempore iusto.
4.173
Octo tunc sanctos recolet decemque
4.174
angelus coram patre filioque
4.175
urbis unius regimen tenentes
4.176
iure sepulcri.
4.177
Quin ad antiquum numerum trahetur
4.178
ulna post poenae specimen puella
4.179
morsque Vincenti, cui sanguis hinc est
4.180
fons et honoris
4.181
additis Gaio-- nee enim silendi--
4.182
teque, Crementi, quibus incruentum
4.183
ferre prouenit decus ex secundo
4.184
laudis agone.
4.185
Ambo confessi dominum steterunt
4.186
acriter contra fremitum latronum,
4.187
ambo gustarunt leuiter saporem
4.188
martyriorum .
4.189
Haec sub altari sita sempiterno
4.190
lapsibus nostris ueniam precatur
4.191
turba, quam seruat procerum creatrix
4.192
purpureorum .
4.193
Nos pio fletu, date, perluamus
4.194
marmorum sulcos, quibus est operta
4.195
spes, ut absoluam retinaculorum
4.196
uincla meorum.
4.197
Sterne te totam generosa sanctis
4.198
ciuitas mecum tumulis, deinde
4.199
mox resurgentes animas et artus
4.200
tota sequeris.