Fall of Troy
Choose a text
id="mobileReaderAuthor" class="mobile-reader-author" href="/authors/quintus-smyrnaeus" aria-label="More works by Quintus Smyrnaeus">
—
⋯
Original / primary: Perseus Grc2
13.1
οἱ δʼ ἄρʼ ἀνὰ πτολίεθρον ἐδόρπεον· ἐν δʼ ἄρα τοῖσιν
13.2
αὐλοὶ ὁμῶς σύριγξι μέγʼ ἤπυον· ἀμφὶ δὲ πάντῃ
13.3
μολπὴ ἐπʼ ὀρχηθμοῖσι καὶ ἄκριτος ἔσκεν ἀϋτὴ
13.4
δαινυμένων, οἵη τε πέλει παρὰ δαιτὶ καὶ οἴνῳ.
13.5
ὧδε δέ τις χείρεσσι λαβὼν ἔμπλειον ἄλεισον
13.6
πῖνεν ἀκηδέστως· βαρύθοντο δέ οἱ φρένες ἔνδον
13.7
ἀμφὶ δʼ ἄρʼ ὀφθαλμοὶ στρεφεδίνεον· ἄλλο δʼ ἐπʼ ἄλλῳ
13.8
ἐκ στόματος προΐεσκεν ἔπος κεκολουμένα βάζων·
13.9
καί ῥά οἱ ἐν μεγάρῳ κειμήλια καὶ δόμος αὐτὸς
13.10
φαίνετο κινυμένοισιν ἐοικότα· πάντα δʼ ἐώλπει
13.11
ἀμφιπεριστρωφᾶσθαι ἀνὰ πτόλιν· ὄσσε δʼ ἄρʼ ἀχλὺς
13.12
ἄμφεχεν· ἀκρήτῳ γὰρ ἀμαλδύνονται ὀπωπαὶ
13.13
καὶ νόος αἰζηῶν, ὁπότʼ ἐς φρένα χανδὸν ἵκηται·
13.14
καί ῥα καρηβαρέων τοῖον ποτὶ μῦθον ἔειπεν·
13.15
ἦ ῥʼ ἅλιον Δαναοὶ πουλὺν στρατὸν ἐνθάδʼ ἄγειραν,
13.16
σχέτλιοι, οὐδʼ ἐτέλεσσαν ὅσα φρεσὶ μηχανόωντο,
13.17
ἀλλʼ αὕτως ἀπόρουσαν ἀπʼ ἄστεος ἡμετέροιο
13.18
νηπιάχοις παίδεσσιν ἐοικότες ἠὲ γυναιξίν.
13.19
ὣς ἄρʼ ἔφη Τρώων τις ἐεργόμενος φρένας οἴνῳ,
13.20
νήπιος· οὐδʼ ἄρʼ ἐφράσσατʼ ἐπὶ προθύροισιν ὄλεθρον.
13.21
εὖτε γὰρ ὕπνος ἔρυκεν ἀνὰ πτόλιν ἄλλοθεν ἄλλον
13.22
οἴνῳ ἀναπλήθοντας ἀπειρεσίῳ καὶ ἐδωδῇ,
13.23
δὴ τότʼ ἄρʼ αἰθαλόεντα Σίνων ἀνὰ πυρσὸν ἄειρε
13.24
δεικνὺς Ἀργείοισι πυρὸς σέλας. ἀμφὶ δέ οἱ κῆρ
13.25
ἄσπετα πορφύρεσκε κατὰ φρένα, μή μιν ἴδωνται
13.26
Τρῶες ἐϋσθενέες, τάχα δʼ ἀμφαδὰ πάντα γένηται·
13.27
ἀλλʼ οἱ μὲν λεχέεσι πανύστατον ὕπνον ἴαυον
13.28
πολλῷ ὑπʼ ἀκρήτῳ βεβαρηότες· οἱ δʼ ἐσιδόντες
13.29
ἐκ Τενέδου νήεσσιν ἐπὶ πλόον ἐντύνοντο.
13.30
αὐτὸς δʼ ἄγχʼ ἵπποιο Σίνων κίεν· ἦκα δʼ ἄϋσεν,
13.31
ἦκα μάκʼ, ὡς μήπου τις ἐνὶ Τρώεσσι πύθηται,
13.32
ἀλλʼ οἶοι Δαναῶν ἡγήτορες, ὧν ἀπὸ νόσφιν
13.33
ὕπνος ἄδην πεπότητο λιλαιομένων πονέεσθαι.
13.34
οἵ ῥά οἱ ἔνδον ἐόντες ἐπέκλυον, ἐς δʼ Ὀδυσῆα
13.35
πάντες ἐπʼ οὔατʼ ἔνευσαν· ὁ δέ σφεας ὀτρύνεσκεν
13.36
ἦκα καὶ ἀτρεμέως ἐκβήμεναι· οἱ δʼ ἐπίθοντο
13.37
ἐς μόθον ὀτρύνοντι, καὶ ἐξ ἵπποιο χαμᾶζε
13.38
ὥρμαινον προνέεσθαι· ὁ δʼ ἰδρείῃσιν ἔρυκε
13.39
πάντας ἅμʼ ἐσσυμένους· αὐτὸς δʼ ἄρα χερσὶ θοῇσιν
13.40
ἵππου δουρατέοιο μάλʼ ἀτρέμας ἔνθα καὶ ἔνθα
13.41
πλευρὰ διεξώϊξεν ἐϋμμελίῃ, ὑπʼ Ἐπειῷ.
13.42
βαιὸν δʼ ἐξανέδυ σανίδων ὕπερ, ἀμφὶ δὲ πάντῃ
13.43
Τρῶας παπταίνεσκεν, ἐγρηγορότʼ εἴπου ἴδοιτο·
13.44
ὡς δʼ ὅταν ἀργαλέῳ λιμῷ βεβολημένος ἦτορ
13.45
ἐξ ὀρέων ἔλθῃσι λύκος χατέων μάλʼ ἐδωδῆς
13.46
ποίμνης πρὸς σταθμὸν εὐρὺν, ἀλευόμενος δʼ ἄρα φῶτας
13.47
καὶ κύνας, οἵ ῥά τε μῆλα φυλασσέμεναι μεμάασι,
13.48
βαίνῃ ποσσὶν ἕκηλος ὑπὲρ ποιμνήιον ἕρκος·
13.49
ὣς Ὀδυσεὺς ἵπποιο κατήιεν· ἀμφὶ δʼ ἄρʼ αὐτῷ
13.50
ὄβριμοι ἄλλοι ἕποντο Πανελλήνων βασιλῆες
13.51
νισσόμενοι κλίμαξι κατὰ στίχας, ἅσπερ Ἐπειὸς
13.52
τεῦξεν ἀριστήεσσιν ἐϋσθενέεσσι κέλευθα
13.53
ἵππον ἐσερχομένοισι καὶ ἐξ ἵπποιο κιοῦσιν.
13.54
οἵ ῥα τότʼ ἀμφʼ αὐτῇσι κατήιον ἄλλοθεν ἄλλοι,
13.55
θαρσαλέοις σφήκεσσιν ἐοικότες, οὕδ τε κλονήσῃ
13.56
δρυτόμος, οἱ δʼ ἅμα πάντες ὀρινόμενοι περὶ θυμῷ
13.57
ὄζου ὑπεκπροχέονται, ὅτε κτύπον εἰσαΐουσιν·
13.58
ὣς οἵ ἐξ ἵπποιο μεμαότες ἐξεχέοντο
13.59
ἐς Τρώων πτολίεθρον ἐΰκτιτον· ἐν δʼ ἄρα τοῖσι
13.60
πάλλετʼ ἐνὶ στέρνοισι κέαρ
13.60a
τάχα δʼ οἱ μὲν ἔναιρον
13.60b
δυσμενέας
13.61
τοὶ δʼ ἔτʼ ἔρεσσον ἔσω ἁλός· αἱ δʼ ἐφέροντο
13.62
νῆες ὑπὲρ μέγα χεῦμα· Θέτις δʼ ἴθυνε κέλευθα
13.63
οὖρον ἐπιπροϊεῖσα· νόος δʼ ἄρʼ ἰαίνετʼ Ἀχαιῶν·
13.64
καρπαλίμως δʼ ἐλθόντες ἐπʼ ᾐόνας Ἑλλησπόντου,
13.65
ἔνθʼ αὖθις στήσαντο νέας, σὺν δʼ ἄρμενα πάντα
13.66
εἷλον ἐπισταμένως, ὅσα νήεσιν αἰὲν ἕπονται.
13.67
αὐτοὶ δʼ αἶψʼ ἐκβάντες ἐς Ἴλιον ἐσσεύοντο
13.68
ἄβρομοι, ἠΰτε μῆλα ποτὶ σταθμὸν ἀΐσσοντα
13.69
ἐκ νομοῦ ὑλήεντος ὀπωρινὴν ὑπὸ νύκτα·
13.70
ὣς οἵ γʼ αὐίαχοι Τρώων ποτὶ ἄστυ νέοντο
13.71
πάντες ἀριστήεσσιν ἀρηγέμεναι μεμαῶτες.
13.72
οἱ δʼ, ὡς σμερδνὰ λύκοὶ Zimmermann, for ἀργαλέῳ of v. λιμῷ περιπαιφάσσοντες
13.73
σταθμῷ ἐπιβρίσωσι κατʼ οὔρεα μακρὰ καὶ ὕλην
13.74
εὕδοντος μογεροῦ σημάντορος, ἄλλα δʼ ἐπʼ ἄλλοις
13.75
δάμνανθʼ ἕρκεος ἐντὸς ὑπὸ κνέφας, ἀμφὶ δὲ πάντῃ All editors agree that there is a long lacuna here. In the translation is given a summary of what the missing lines may be conjectured to have contained.
13.76
αἵματι καὶ νεκύεσσιν, ὀρώρει δʼ αἰνὸς ὄλεθρος,
13.77
καίπερ ἔτι πλεόνων Δαναῶν ἔκτοσθεν ἐόντων·
13.78
ἀλλʼ ὅτε δὴ μάλα πάντες ἔβαν ποτὶ τείχεα Τροίης,
13.79
δὴ τότε μαιμώωντες ἀνηλεγέως ἐσέχυντο
13.80
ἐς Πριάμοιο πόληα μένος πνείοντες Ἄρηος.
13.81
πᾶν δʼ εὗρον πτολίεθρον ἐνίπλειον πολέμοιο
13.82
καὶ νεκύων· πάντῃ δὲ πυρὶ στονόεντα μέλαθρα
13.83
καιόμενʼ ἀργαλέως· μέγα δὲ φρεσὶν ἰαίνοντο.
13.84
ἐν δὲ καὶ αὐτοὶ Τρωσὶ κακὰ φρονέοντες ὄρουσαν·
13.85
μαίνετο δʼ ἐν μέσσοισιν Ἄρης στονόεσσα τʼ Ἐνυώ·
13.86
πάντῃ δʼ αἷμα κελαινὸν ὑπέρρεε, δεύετο δὲ χθὼν
13.87
Τρώων τʼ ὀλλυμένων ἠδʼ ἀλλοδαπῶν ἐπικούρων.
13.88
τῶν οἱ μὲν θανάτῳ δεδμημένοι ὀκρυόεντι
13.89
κεῖντο κατὰ πτολίεθρον ἐν αἵματι· τοὶ δʼ ἐφύπερθε
13.90
πῖπτον ἀποπνείοντες ἑὸν μένος· οἱ δʼ ἄρα χερσὶ
13.91
δράγδην ἔγκατʼ ἔχοντες ὀϊζυρῶς ἀλάληντο
13.92
ἀμφὶ δόμους· ἄλλοι δὲ ποδῶν ἑκάτερθε κοπέντων
13.93
ἀμφὶ νεκροὺς εἵρπυζον ἀάσπετα κωκύοντες·
13.94
πολλῶν δʼ ἐν κονίῃσι μαχέσσασθαι μεμαώτων
13.95
χεῖρες ἀπηράχθησαν ὁμῶς κεφαλῇσι καὶ αὐτῇς·
13.96
φευγόντων δʼ ἑτέρων μελίαι διὰ νῶτα πέρησαν
13.97
ἄντικρυς ἐς μαζούς, τῶν δʼ ἰξύας ἄχρις ἱκέσθαι
13.98
αἰδοίων ἐφύπερθε διαμπερές, ᾗχι μάλιστα
13.99
Ἄρεος ἀκαμάτοιο πέλει πολυώδυνος αἰχμή.
13.100
πάντῃ δʼ ἀμφὶ πόληα κυνῶν ἀλεγεινὸς ὀρώρει
13.101
ὠρυθμός· στοναχὴ δὲ δαϊκταμένων αἰζηῶν
13.102
ἔπλετο λευγαλέη· περὶ δʼ ἴαχε πάντα μέλαθρα
13.103
ἄσπετον· οἰμωγὴ δὲ πέλε στονόεσσα γυναικῶν
13.104
εἰδομένων γεράνοισιν, ὅτʼ αἰετὸν ἀθρήσωσιν
13.105
ὑψόθεν ἀΐσσοντα διʼ αἰθέρος, οὐδʼ ἄρα τῇσι
13.106
θαρσαλέον στέρνοισι πέλει μένος, ἀλλά ἑ μοῦνον
13.107
μακρὸν ἀνατρύζουσι φοβεύμεναι ἱερὸν ὄρνιν·
13.108
ὣς ἄρα Τρωιάδες μέγα κώκυον ἄλλοθεν ἄλλαι,
13.109
αἱ μὲν ἀνεγρόμεναι λέχεων ἄπο, ταὶ δʼ ἐπὶ γαῖαν
13.110
θρῴσκουσαι· τῇς δʼ οὔτι μίτρης ἔτι μέμβλετο λυγρῇς,
13.111
ἀλλʼ αὕτως ἀλάληντο περὶ μελέεσσι χιτῶνα
13.112
μοῦνον ἐφεσσάμεναι· ταὶ δʼ οὐ φθάσαν οὔτε καλύπτρην
13.113
οὔτε βαθὺν μελέεσσιν ἑλεῖν πέπλον, ἀλλʼ ἐπιόντας
13.114
δυσμενέας τρομέουσαι ἀμηχανίῃ πεπέδηντο
13.115
παλλόμεναι κραδίην, μοῦνον δʼ ἄρα χερσὶ θοῇσιν
13.116
αἰδῶ ἀπεκρύψαντο δυσάμμοροι· αἱ δʼ ἀλεγεινῶς
13.117
ἐκ κεφαλῆς τίλλοντο κόμην καὶ στήθεα χερσὶ
13.118
θεινόμεναι γοάασκον ἄδην· ἕτεραι δὲ κυδοιμὸν
13.119
δυσμενέων ἔτλησαν ἐναντίον, ἐκ δʼ ἐλάθοντο
13.120
δείματος, ὀλλυμένοισιν ἀρηγέμεναι μεμαυῖαι
13.121
ἀνδράσιν ἢ τεκέεσσιν, ἐπεὶ μέγα θάρσος ἀνάγκη
13.122
ὤπασεν. οἰμωγὴ δʼ ἀταλάφρονας ἔκβαλεν ὕπνου
13.123
νηπιάχους, τῶν οὔπω ἐπίστατο κήδεα θυμός·
13.124
ἄλλοι δʼ ἀμφʼ ἄλλοισιν ἀπέπνεον· οἱ δʼ ἐπέχυντο
13.125
πότμον ὁμῶς ὁρόωντες ὀνείρασιν· ἀμφὶ δὲ λυγραὶ
13.126
κῆρες ὀϊζυρῶς ἐπεγήθεον ἀλλυμένοισιν.
13.127
οἱ δʼ ὡς ἀφνειοῖο σύες κατὰ δώματʼ ἄνακτος
13.128
εἰλαπίνην λαοῖσιν ἀπείριτον ἐντύνοντος
13.129
μυρίοι ἐκτείνοντο· λυγρῷ δʼ ἀνεμίσγετο λύθρῳ
13.130
οἶνος ἔτʼ ἐν κρητῆρσι λελειμμένος· οὐδέ τις ἦεν,
13.131
ὅς κεν ἄνευθε φόνοιο φέρε στονόεντα σίδηρον,
13.132
οὐδʼ εἴ τις μαλʼ ἄναλκις ἔην· ὀλέκοντο δὲ Τρῶες.
13.133
ὡς δʼ ὑπὸ θώεσι μῆλα δαΐζεται ἠὲ λύκοισι
13.134
καύματος ἐσσυμένοιο δυσαέος ἤματι μέσσῳ
13.135
ποιμένος οὐ παρεόντος, ὅτε σκιερῷ ἐνὶ χώρῳ
13.136
ἰλαδὸν ἀλλήλοισιν ὁμῶς συναρηρότα πάντα
13.137
μίμνωσιν, κείνοιο γλάγος ποτὶ σῶμα φέροντος,
13.138
νηδύα πλησάμενοι πολυχανδέα πάντʼ ἐπιόντες
13.139
αἷμα μέλαν πίνουσιν, ἅπαν δʼ ὀλέκουσι μένοντες
13.140
πῶϋ, κακὴν δʼ ἄρα δαῖτα λυγρῷ τεύχουσι νομῆι·
13.141
ὣς Δαναοὶ Πριάμοιο κατὰ πτόλιν ἄλλον ἐπʼ ἄλλῳ
13.142
κτεῖνον ἐπεσσύμενοι πυμάτην ἀνὰ δηϊοτῆτα·
13.143
οὐδʼ ἄρʼ ἔην Τρώων τις ἀνούτατος, ἀλλʼ ἅμα πάντων
13.144
γναμπτὰ μέλη πεπάλακτο μελαινόμενʼ αἵματι πολλῷ.
13.145
οὐδὲ μὲν Ἀργείοισιν ἀνούτατος ἔπλετο δῆρις,
13.146
ἀλλʼ οἱ μὲν δεπάεσσι τετυμμένοι, οἱ δὲ τραπέζαις,
13.147
οἱ δʼ ἔτι καιομένοισιν ἐπʼ ἐσχαρεῶνι τυπέντες
13.148
δαλοῖς, οἱ δʼ ὀβελοῖσι πεπαρμένοι ἐκπνείεσκον,
13.149
οἷς ἔτι που καὶ σπλάγχνα συῶν περὶ θερμὰ λέλειπτο
13.150
Ἡφαίστου μαλεροῖο περιζείοντος ἀϋτμῇ·
13.151
ἄλλοι δʼ αὖ πελέκεσσι καὶ ἀξίνῃσι θοῇσιν
13.152
ἤσπαιρον δμηθέντες ἐν αἵματι· τῶν δʼ ἀπὸ χειρῶν
13.153
δάκτυλοι ἐτμήθησαν, ἐπὶ ξίφος εὖτε βάλοντο
13.154
χεῖρας ἐελδόμενοι στυγερὰς ἀπὸ Κῆρας ἀμύνειν·
13.155
καί πού τις βρεχμόν τε καὶ ἐγκέφαλον συνέχευε
13.156
λᾶα βαλὼν ἑτάροιο κατὰ μόθον· οἱ δʼ ἅτε θῆρες
13.157
οὐτάμενοι σταθμοῖς ἔνι ποιμένος ἀγραύλοιο
13.158
ἀργαλέως μαίνοντο διεγρομένοιο χόλοιο
13.159
νύχθʼ ὑπὸ λευγαλέην· μέγα δʼ ἰσχανόωντες Ἄρηος
13.160
ἀμφὶ δόμους Πριάμοιο κυδοίμεον ἄλλοθεν ἄλλον
13.161
σεύοντες, πολλοὶ δὲ καὶ ἐγχείῃσι δάμησαν
13.162
Ἀργείων· Τρῶες γὰρ ὅσοι φθάσαν ἐν μεγάροισιν
13.163
ἢ ξίφος ἢ δόρυ μακρὸν ἑῇς ἀνὰ χερσὶν ἀεῖραι,
13.164
δυσμενέας δάμναντο καὶ ὡς βεβαρηότες οἴνῳ.
13.165
αἴγλη δʼ ἄσπετος ὦρτο διʼ ἄστεος, οὕνεκʼ Ἀχαιῶν
13.166
πολλοὶ ἔχον χείρεσσι πυρὸς σέλας, ὄφρʼ ἀνὰ δῆριν
13.167
δυσμενέας τε φίλους τε μάλʼ ἀτρεκέως ὁρόωσι.
13.168
καὶ τότε Τυδέος υἱὸς ἀνὰ μόθον ἀντιόωντα
13.169
αἰχμητῆρα Κόροιβον ἀγανοῦ Μύγδονος υἷα
13.170
ἐγχείῃ κοίλοιο διὰ στομάχοιο πέρησεν,
13.171
ᾗχι θοαὶ πόσιός τε καὶ εἴδατός εἰσι κέλευθοι.
13.172
καὶ τὸν μὲν περὶ δουρὶ μέλας ἐκιχήσατο πότμος·
13.173
κάππεσε δʼ ἐς μέλαν αἷμα καὶ ἄλλων ἔθνεα νεκρῶν,
13.174
νήπιος, οὐδʼ ἀπόνητο γάμων, ὧν οὕνεχʼ ἵκανε
13.175
χθιζὸς ὑπὸ Πριάμοιο πόλιν
13.175a
καὶ ὑπέσχετʼ Ἀχαιοὺς
13.176
Ἰλίου ἂψ ὦσαι· τῷ δʼ οὐ θεὸς ἐξετέλεσσεν
13.177
ἐλπωρήν· κῆρες γὰρ ἐπιπροέηκαν ὄλεθρον.
13.178
σὐν δέ οἱ Εὐρυδάμαντα κατέκτανεν ἀντιόωντα
13.179
γαμβρὸν ἐϋμμελίην Ἀντήνορος, ὅς ῥα μάλιστα
13.180
θυμὸν ἐνὶ Τρώεσσι σαοφροσύνῃσι κέκαστο.
13.181
ἔνθα καὶ Ἰλιονῆι συνήντετο δημογέροντι,
13.182
καί οἱ ἔπι ξίφος αἰνὸν ἐρύσσατο· τοῦ δʼ ἄρα πάγχυ
13.183
γηραλέου κλάσθησαν ἄδην ἐπὶ σώματι γυῖα·
13.184
καί ῥα περιτρομέων ἅμα χείρεσιν ἀμφοτέρῃσι
13.185
τῇ μὲν ἄορ συνέδραξε θοόν, τῇ δʼ ἥψατο γούνων
13.186
ἀνδροφόνου ἥρωος· ὁ δʼ ἐς μόθον ἐσσύμενός περ
13.187
ἢ χόλου ἀμβολίῃ, ἢ καὶ θεοῦ ὀτρύνοντος,
13.188
βαιὸν ἀπέσχε γέροντος ἑὸν ξίφος, ὄφρα τι εἴπῃ
13.189
λισσόμενος θοὸν ἄνδρα καὶ ὄβριμον· ὃς δʼ ἀλεγεινὸν
13.190
ἴαχεν ἐσσυμένως· στυγερὸν δέ μιν ἄμφεχε δεῖμα·
13.191
γουνοῦμαί σʼ, ὅτις ἐσσὶ πολυσθενέων Ἀργείων,
13.192
αἴδεσαι ἀμφιπεσόντος ἐμὰς χέρας, ἀργαλέου τε
13.193
λῆγε χόλου· καὶ γάρ ῥα πέλει μακρὸν ἀνέρι κῦδος
13.194
ἄνδρα νέον κτείναντι καὶ ὄβριμον· ἢν δὲ γέροντα
13.195
κτείνῃς, οὔ νύ τοι αἶνος ἐφέψεται εἵνεκεν ἀλκῆς·
13.196
τοὔνεκʼ ἐμεῦ ἄπο νόσφιν ἐς αἰζηοὺς τρέπε χεῖρας
13.197
ἐλπόμενός ποτε γῆρας ὁμοίιον εἰσαφικέσθαι.
13.198
ὣς φάμενον προσέειπε κραταιοῦ Τυδέος υἱός·
13.199
ὦ γέρον, ἔλπομʼ ἔγωγʼ ἐσθλόν ποτὶ γῆρας ἱκέσθαι·
13.200
ἀλλά μοι ἕως ἔτι κάρτος ἀέξεται, οὔτινʼ ἐάσω
13.201
ἐχθρὸν ἐμῆς κεφαλῆς, ἀλλʼ Ἄϊδι πάντας ἰάψω,
13.202
οὕνεκʼ ἄρʼ ἐσθλὸς ἀνὴρ ὃς δήϊον ἄνδρʼ ἀπαμύνει.
13.203
ὣς εἰπὼν λαιμοῖο διήλασε λοίγιον ἆορ
13.204
δεινὸς ἀνήρ· ἴθυνε δʼ ὅπῃ θνητοῖς ἐπὶ πότμον
13.205
ψυχῆς εἰσι τάχιστα καὶ αἵματος αἰνὰ κέλευθα·
13.206
καὶ τὸν μὲν μόρος αἰνὸς ὑπέκλασε δῃωθέντα
13.207
Τυδείδαο χέρεσσιν. ὁ δʼ εἰσέτι Τρῶας ἐναίρων
13.208
ἔσσυτʼ ἀνὰ πτολίεθρον ἐῷ μέτα κάρτεϊ θύων·
13.209
δάμνατο δʼ ἠῢν Ἄβαντα· βάλεν δʼ ὑπὸ δούρατι μακρῷ
13.210
υἷα Περιμνήστοιο περικλυτὸν Εὐρυκόωντα.
13.211
Αἴας δʼ Ἀμφιμέδοντα, Δαμαστορίδην δʼ Ἀγαμέμνων,
13.212
Ἰδομενεῦς δὲ Μίμαντα, Μέγης δʼ ἕλε Δηιοπίτην.
13.213
υἱὸς δʼ αὖτʼ Ἀχιλῆος ἀμαιμακέτῳ ὑπὸ δουρὶ
13.214
Πάμμονα δῖον ὄλεσσε, βάλεν δʼ ἐπιόντα Πολίτην,
13.215
ἀντίφονόν τʼ ἐπὶ τοῖσι κατέκτανε, τοὺς ἅμα πάντας
13.216
υἱῆας Πριάμοιο· καὶ ἀντιόωντʼ ἀνὰ δῆριν
13.217
δάμνατʼ Ἀγήνορα δῖον· ἐπʼ ἄλλῳ δʼ ἄλλον ἔπεφνεν
13.218
ἡρώων· πάντῃ δὲ μέλας ἀνεφαίνετʼ ὄλεθρος
13.219
ὀλλυμένων· ὁ δὲ πατρός ἑοῦ καταειμένος ἀλκὴν
13.220
μαιμώων ἐδάϊζεν ὅσους κίχεν. ἐν δὲ καὶ αὐτῷ
13.221
δυσμενέων βασιλῆι κακὰ φρονέων ἐνέκυρσεν
13.222
ἑρκείου ποτὶ βωμόν· ὁ δʼ ὡς ἴδεν υἷʼ Ἀχιλῆος,
13.223
ἔγνω ἄφαρ τὸν ἐόντα καὶ οὐ τρέσεν, οὕνεκʼ ἄρʼ αὐτὸς
13.224
θυμὸν ἐέλδετο παισὶν ἐπὶ σφετέροισιν ὀλέσσαι·
13.225
τοὔνεκά μιν προσέειπε λιλαιόμενος θανέεσθαι·
13.226
ὦ τέκος ὀβριμόθυμον ἐϋπτολέμου Ἀχιλῆος,
13.227
κτεῖνον, μηδʼ ἐλέαιρε δυσάμμορον· οὐ γὰρ ἔγωγε
13.228
τοῖα παθὼν καὶ τόσσα λιλαίομαι εἰσοράασθαι
13.229
ἠελίοιο φάος πανδερκέος, ἀλλά που ἤδη
13.230
φθεῖσθαι ὁμῶς τεκέεσσι καὶ ἐκλελαθέσθαι ἀνίης
13.231
λευγαλέης, ὁμάδου τε δυσηχέος. ὡς ὄφελόν με
13.232
σεῖο πατὴρ κατέπεφνε, πρὶν αἰθομένην ἐσιδέσθαι
13.233
Ἴλιον, ὁππότʼ ἄποινα περὶ κταμένοιο φέρεσκον
13.234
Ἕκτορος, ὅν μοι ἔπεφνε πατὴρ τεός· ἀλλὰ τὸ μέν που
13.235
κῆρες ἐπεκλώσαντο· σὺ δʼ ἡμετέροιο φόνοιο
13.236
ἄασον ὄβριμον ἦτορ, ὅπως λελάθωμʼ ὀδυνάων.
13.237
ὣς φάμενον προσέειπεν Ἀχιλλέος ὄβριμος υἱός·
13.238
ὧ γέρον, ἐμμεμαῶτα καὶ ἐσσύμενόν περ ἀνώγεις·
13.239
οὐ γάρ σʼ ἐχθρὸν ἐόντα μετὰ ζωοῖσιν ἐάσω·
13.240
οὐ γάρ τι ψυχῆς πέλει ἀνδράσι φίλτερον ἄλλο.
13.241
ὣς εἰπὼν· ἀπέκοψε κάρην πολιοῖο γέροντος
13.242
ῥηιδίως, ὡς εἴ τις ἀπὸ στάχυν ἀμήσηται
13.243
ληίου ἀζαλέοιο θέρευς εὐθαλπέος ὥρῃ.
13.244
ἡ δὲ μέγα μύζουσα κυλίνδετο πολλὸν ἐπʼ αἶαν
13.245
νόσφʼ ἄλλων μελέων, ὁπόσοις ἐγκίνυται ἀνήρ·
13.246
κεῖτο δʼ ἄρʼ ἐς μέλαν αἷμα καὶ εἰς ἑτέρων φόνον ἀνδρῶν
13.247
ὄλβῳ καὶ γενεῇ καὶ ἀπειρεσίοις τεκέεσσιν·
13.248
οὐ γὰρ δὴν ἐπὶ κῦδος ἀέξεται ἀνθρώποτσιν,
13.249
ἀλλʼ ἄρα που καὶ ὄνειδος ἐπέσσυται ἀπροτίοπτον·
13.250
καὶ τὸν μὲν πότμος εἶλε· κακῶν δʼ ὅ γε λήσατο πάντων.
13.251
οἱ δὲ καὶ Ἀστυάνακτα βάλου Δαναοὶ ταχύπωλοι
13.252
πύργου ἀφʼ ὑψηλοῖο, φίλου δέ οἱ ἦτορ ὄλεσσαν
13.253
μητρὸς ἀφαρπάξαντες ἐν ἀγκοίνῃσιν ἐόντα
13.254
ἕστορι χωόμενοι, ἐπεὶ ἦ σφισι πῆμα κόρυσσε
13.255
ζωὸς ἐών· τῷ καί οἱ ἀπηχθήραντο γενέθλην,
13.256
καί οἱ παῖδʼ ἐβάλοντο καθʼ ἕρκεος αἰπεινοῖο,
13.257
νήπιον, οὔπω δῆριν ἐπιστάμενον πολέμοιο.
13.258
ἠΰτε πόρτιν ὄρεσφι λύκοι χατέοντες ἐδωδῆς
13.259
κρημνὸν ἐς ἠχήεντα κακοφραδίῃσι βάλωνται
13.260
μητρὸς ἀποτμήξαντες ἐϋγλαγέων ἀπὸ μαζῶν,
13.261
ἡ δὲ θέῃ γοόωσα φίλον τέκος ἔνθα καὶ ἔνθα
13.262
μακρὰ κινυρομένη, τῇ δʼ ἐξόπιθεν κακόν ἄλλο
13.263
ἔλθῃ, ἐπεί ἑ λέοντες ἀναρπάξωσι καὶ αὐτήν·
13.264
ὣς τὴν ἀσχαλόωσαν ἄδην περὶ παιδὸς ἑοῖο
13.265
ἦγον δήϊοι ἄνδρες ἅμʼ ἄλλῃς ληιάδεσσι
13.266
κούρην Ἠετίωνος ἀμύμονος αἰνὰ βοῶσαν.
13.267
ἡ δʼ ἄρα παιδὸς ἑοῖο καὶ ἀνέρος ἠδὲ τοκῆος
13.268
μνησαμένη φόνον αἰνὸν ἐΰσφυρος Ἠετιώνη
13.269
ὥρμηνεν θανέεσθαι, ἐπεὶ βασιλεῦσιν ἄμεινον
13.270
τεθνάμεν ἐν πολέμῳ ἢ χείροσιν ἀμφιπολεύειν·
13.271
καί ῥʼ ὀλοφυδνὸν ἄϋσε μέγʼ ἀχνυμένη κέαρ ἔνδον·
13.272
εἰ δʼ ἄγε νῦν καὶ ἐμεῖο δέμας κατὰ τείχεος αἰνοῦ
13.273
ἢ κατὰ πετράων ἢ ἔσω πυρὸς αἶψα βάλεσθε,
13.274
Ἀργεῖοι· μάλα γάρ μοι ἀάσπετα πήματʼ ἔασι·
13.275
καὶ γάρ μευ πατέρʼ ἐδθλὸν ἐνήρατο Πηλέος υἱὸς
13.276
Θήβῃ ἐνὶ ζαθέῃ, Τροίῃ δʼ ἔνι φαίδιμον ἄνδρα,
13.277
ὅς μοι ἔην μάλα πάντα, τά τʼ ἔλδετο θυμὸς ἐμεῖο·
13.278
καί μοι κάλλιπε τυτθὸν ἐνὶ μεγάροις ἔτι παῖδα,
13.279
ᾧ ἔτι κυδιάασκον ἀπείριτον, ᾧ ἔτι πολλὰ
13.280
ἐλπομένην ἀπάφησε κακὴ καὶ ἀτάσθαλος Αἶσα.
13.281
τῷ νύ μʼ ἀκηχεμένην πολυτειρέος ἐκ βιότοιο
13.282
νοσφίσατʼ ἐσσυμένως, μηδʼ εἰς ἑὰ δώματʼ ἄγεσθε
13.283
μίγδα δορυκτήτοισιν, ἐπεί νύ μοι οὐκέτι θυμῷ
13.284
εὔαδεν ἀνθρώποισι μετέμμεναι, οὕνεκα δαίμων
13.285
κηδεμονῆας ὄλεσσεν· ἄχος δέ με δέχνυται αἰνὸν
13.286
ἐκ Τρώων στυγεροῖσιν ἐπʼ ἄλγεσιν οἰωθεῖσαν.
13.287
ἦ ῥα λιλαιομένη χθόνα δύμεναι· οὐ γὰρ ἔοικε
13.288
ζωέμεναι κείνοισιν, ὅσων μέγα κῦδος ὄνειδος
13.289
ἀμφιχάνῃ· δεινὸν γὰρ ὑπόψιον ἔμμεναι ἄλλων.
13.290
οἱ δὲ βίῃ ἀέκουσαν ἄγον ποτὶ δούλιον ἦμαρ.
13.291
ἄλλοι δʼ αὖτʼ ἄλλοις ἐν δώμασι θυμὸν ἔλειπον
13.292
ἀνέρες· ἐν δʼ ἄρα τοῖσι βοὴ πολύδακρυς ὀρώρει·
13.293
ἀλλʼ οὐκ ἐν μεγάροις Ἀντήνορος, οὕνεκʼ ἄρʼ αὐτοῦ
13.294
Ἀργεῖοι μνήσαντο φιλοξενίης ἐρατεινῆς,
13.295
ὡς ξείνισσε πάροιθε κατὰ πτόλιν ἠδʼ ἐσάωσεν
13.296
ἰσόθεον Μενέλαον ὁμῶς Ὀδυσῆι μολόντα·
13.297
τῷ δʼ ἐπίηρα φέροντες Ἀχαιῶν φέρτατοι υἷες
13.298
αὐτὸν μὲν ζώοντα λίπον καὶ κτῆσιν ἔασαν Zimmermann, for ἅπασαν of v.
13.299
καὶ Θέμιν ἁζόμενοι πανδερκέα καὶ φίλον ἄνδρα.
13.300
καὶ τότε δὴ πάϊς ἐσθλὸς ἀμύμονος Ἀγχίσαο
13.301
πολλὰ καμὼν περὶ ἄστυ θεηγενέος Πριάμοιο
13.302
δουρὶ καὶ ἠνορέῃ, πολλῶν δʼ ἀπὸ θυμὸν ὀλέσσας,
13.303
ὡς ἴδε δυσμενέων ὑπὸ χείρεσι λευγαλέῃσιν
13.304
αἰθόμενον πτολίεθρον, ἀπολλυμένους θʼ ἅμα λαοὺς
13.305
πανσυδίῃ, καὶ κτῆσιν ἀπείριτον. ἔκ τε μελάθρων
13.306
ἑλκομένας ἀλόχους ἅμα παίδεσιν, οὐκέτʼ ἄρʼ αὐτοῦ
13.307
ἐλπωρὴν ἔχε θυμὸς ἰδεῖν εὐτειχέα πάτρην,
13.308
ἀλλά οἱ ὁρμαίνεσκε νόος μέγα πῆμʼ ὑπαλύξαι.
13.309
ὡς δʼ ὅθʼ ἁλὸς κατὰ βένθος ἀνὴρ οἰήϊα νωμῶν
13.310
νηὸς ἐπισταμένως ἄνεμον καὶ κῦμʼ ἀλεείνων Zimmermann, for ἀλεγεινὸν of MS.
13.311
πάντοθεν ἐσσύμενον στυγερῇ ὑπὸ χείματος ὥρῃ
13.312
χεῖρα κάμῃ καὶ θυμόν, ὑποβρυχίης δʼ ἄρα νηὸς
13.313
ὀλλυμένης ἀπάνευθε λιπὼν οἰήϊα μοῦνα
13.314
τυτθόν ἐπὶ σκάφος εἶσι, μέλει δέ οἱ οὐκέτι νηὸς
13.315
φορτίδος· ὣς πάϊς ἐσθλὸς ἐΰφρονος Ἀγχίσαο,
13.316
ἄστυ λιπὼν δηΐοισι καταιθόμενον πυρὶ πολλῷ,
13.317
υἱέα καὶ πατέρα σφὸν ἀναρπάξας φορέεσκε,
13.318
τὸν μέν ἐπὶ πλατὺν ὦμον ἐφεσσάμενος κρατερῇσι
13.319
χερσὶ πολυτλήτῳ ὑπὸ γήραϊ μοχθίζοντα,
13.320
τὸν δʼ ἁπαλῆς ἅμα χειρὸς ἐπιψαύοντα πόδεσσι
13.321
γαίης· οὐλομένου τε φοβεύμενον ἔργα μόθοιο
13.322
ἐξῆγεν πολέμοιο δυσηχέος· ὃς δʼ ὑπʼ ἀνάγκης
13.323
ἐκρέματʼ ἐμπεφυὼς ἀταλὸς πάϊς· ἀμφὶ δέ δάκρυ·
13.324
χεύατό οἱ ἁπαλῇσι παρηίσιν· αὐτὰρ ὁ νεκρῶν
13.325
σώμαθʼ ὑπέρθορε πολλὰ θοοῖς ποσί, πολλὰ δʼ ἐν ὄρφνῃ
13.326
οὐκ ἐθέλων στείβεσκε· Κύπρις δʼ ὀδόν ἡγεμόνευεν
13.327
υἱωνὸν καὶ παῖδα καὶ ἀνέρα πήματος αἰνοῦ
13.328
πρόφρων ῥυομένη· τοῦ δʼ ἐσσυμένου ὑπὸ ποσσὶ
13.329
πάντῃ πῦρ ὑπόεικε· περισχίζοντο δʼ ἀϋτμαὶ
13.330
Ἡφαίστου μαλεροῖο· καὶ ἔγχεα καὶ βέλἐ ἀνδρῶν
13.331
πῖπτον ἐτώσια πάντα κατὰ χθονὸς, ὁππόσʼ Ἀχαιοὶ
13.332
κείνῳ ἐπέρριψαν πολέμῳ ἐνὶ δακρυόεντι
13.333
καὶ τότε δὴ Κάλχας μεγάλʼ ἴαχε λαὸν ἐέργων·
13.334
ἴσχεσθʼ Αἰνείαο κατʼ ἰφθίμοιο καρήνου
13.335
βάλλοντες στονόεντα βέλη καὶ λοίγια δοῦρα·
13.336
τὸν γὰρ θέσφατόν ἐστι θεῶν ἐρικυδέϊ βουλῇ
13.337
Θύμβριν ἐπʼ εὐρυρέεθρον ἀπὸ Ξάνθοιο μολόντα
13.338
τευξέμεν ἱερὸν ἄστυ καὶ ἐσσομένοισιν ἀγητὸν
13.339
ἀνθρώποις, αὐτὸν δὲ πολυσπερέεσσι βροτοῖσι
13.340
κοιρανέειν· ἐκ τοῦ δὲ γένος μετόπισθεν ἀνάξειν
13.341
ἄχρις ἐπʼ ἀντολίην τε καὶ ἀκαμάτου δύσιν ἠοῦς·
13.342
καὶ δʼ αὐτῷ θέμις ἐστὶ μετέμμεναι ἀθανάτοισιν,
13.343
οὕνεκα δὴ πάϊς ἐστὶν ἐϋπλοκάμου Ἀφροδίτης,
13.344
καὶ δʼ ἄλλως τοῦδʼ ἀνδρὸς ἑὰς ἀπεχώμεθα χεῖρας,
13.345
οὕνεκα καὶ χρυσοῖο καὶ ἄλλʼ ὅσα οἱ κτέατʼ ἐστίν,
13.346
ἄνδρʼ ἃ σαοῖ Zimmermann, for a)/llwn [lacuna] a)/llois e)n ktea/tessin a)/ndra sa/oi of Koechly. φεύγοντα καὶ ἀλλοδαπὴν ἐπὶ γαῖαν,
13.347
τῶν πάντων προβέβουλεν ἑὸν πατέρʼ ἠδὲ καὶ υἷα·
13.348
νὺξ δὲ μίʼ ἧμιν ἔφηνε καὶ υἱέα πατρὶ γέροντι
13.349
ἤπιον ἐκπάγλως καὶ ἀμεμφέα παιδὶ τοκῆα.
13.350
ὣς φάτο· τοὶ δʼ ἐπίθοντο καὶ ὡς θεὸν εἰσοράασκον
13.351
πάντες· ὁ δʼ ἐσσυμένως ἐξ ἄστεος οἷο βεβήκει,
13.352
ᾗχί ἑ ποιπνύοντα πόδες φέρον· οἱ δʼ ἔτι Τροίης
13.353
Ἀργεῖοι πτολίεθρον ἐϋκτίμενον διέπερθον.
13.354
καὶ τότε δὴ Μενέλαος ὑπὸ ξίφεϊ στονόεντι
13.355
Δηίφοβον κατέπεφνε καρηβαρέοντα κιχήσας
13.356
ἀμφʼ Ἑλένης λεχέεσσι δυσάμμορον· ἡ δʼ ὑπὸ φύζῃ
13.357
κεύθετʼ ἐνὶ μεγάροισιν· ὁ δʼ αἵματος ἐκχυμένοιο
13.358
γήθεεν ἀμφὶ φόνῳ· τοῖον δʼ ἐπὶ μῦθον ἔειπεν·
13.359
ὦ κύον, ὥς τοι ἔγωγε φόνον στονόεντʼ ἐφέηκα
13.360
σήμερον· οὐδέ σε δῖα κιχήσεται Ἠριγένεια
13.361
ζωὸν ἔτʼ ἐν Τρώεσσι, καὶ εἰ Διὸς εὔχεαι εἶναι
13.362
γαμβρὸς ἐρισμαράγοιο· μέλας δέ σε δέξατʼ ὄλεθρος
13.363
ἡμετέρης ἀλόχοιο παρὰ μεγάροισι δαρέντα
13.364
ἀργαλέως· ὡς εἴθε καὶ οὐλομένοιο πάροιθε
13.365
θυμὸν Ἀλεξάνδροιο κατὰ μόθον ἀντιόωντος
13.366
νοσφισάμην· καί κέν μοι ἐλαφρότερον πέλεν ἄλγος·
13.367
ἀλλʼ ὁ μὲν ἤδη ἵκανεν ὑπὸ ζόφον ὀκρυόεντα
13.368
τίσας αἴσιμα πάντα· σὲ δʼ οὐκ ἄρα μέλλεν ὀνήσειν
13.369
ἡμετέρη παράκοιτις, ἐπεὶ Θέμιν οὔποτʼ ἀλιτροὶ
13.370
ἀνέρες ἐξαλέονται ἀκήρατον, οὕνεκʼ ἄρʼ αὐτοὺς
13.371
εἰσοράᾳ νυκτός τε καὶ ἤματος, ἀμφὶ δὲ πάντῃ
13.372
ἀνθρώπων ἐπὶ φῦλα διηερίη πεπότηται
13.373
τινυμένη σὺν Ζηνὶ κακῶν ἐπιίστορας ἔργων.
13.374
ὣς εἰπὼν δηΐοισιν ἀνηλέα τεῦχεν ὄλεθρον·
13.375
μαίνετο γάρ οἱ θυμὸς ὑπὸ κραδίῃ μέγʼ ἀέξων
13.376
ζηλήμων· καὶ πολλὰ περὶ φρεσὶ θαρσαλέῃσι
13.377
Τρωσὶ κακὰ φρονέεσκε, τὰ δὴ θεὸς ἐξετέλεσσε
13.378
πρέσβα Δίκη· κεῖνοι γὰρ ἀτάσθαλα πρῶτοι ἔρεξαν
13.379
ἀμφʼ Ἑλένης, πρῶτοι δὲ καὶ ὅρκια πημήναντο,
13.380
σχέτλιοι, ὁππότε κεῖνο διὲκ μέλαν αἷμα καὶ ἱρὰ
13.381
ἀθανάτων πατέοντο παραιβασίῃσι νόοιο·
13.382
τῷ καί σφιν μετόπισθεν Ἐριννύες ἄλγεα τεῦχον·
13.383
τοὔνεκʼ ἄρʼ οἱ μὲν ὄλοντο πρὸ τείχεος, οἱ δʼ ἀνὰ ἄστυ
13.384
τερπόμενοι παρὰ δαιτὶ καὶ ἠϋκόμοις ἀλόχοισιν.
13.385
ὀψὲ δὲ δὴ Μενέλαος ἐνὶ μυχάτοισι δόμοιο
13.386
εὗρεν ἑὴν παράκοιτιν ὑποτρομέουσαν ὁμοκλὴν
13.387
ἀνδρὸς κουριδίοιο θρασύφρονος, ὅς μιν ἀθρήσας
13.388
ὥρμηνε κτανέειν ζηλημοσύνῃσι νόοιο,
13.389
εἰ μή οἱ κατέρυξε βίην ἐρόεσσʼ Ἀφροδίτη,
13.390
ἥ ῥά οἱ ἐκ χειρῶν ἔβαλε ξίφος, ἔσχε δʼ ἐρωήν·
13.391
τοῦ γὰρ ζῆλον ἐρεμνὸν ἀπώσατο, καί οἱ ἔνερθεν
13.392
ἡδὺν ὑφʼ ἵμερον ὦρσε κατὰ φρενὸς ἠδὲ ὄσσων.
13.393
τῷ δʼ ἄρα θάμβος ἄελπτον ἐπήλυθεν· οὐδʼ ἄρʼ ἔτʼ ἔτλη
13.394
κάλλος ἰδὼν ἀρίδηλον ἐπὶ ξίφος αὐχένι κῦρσαι,
13.395
ἀλλʼ ὥστε ξύλον αὖον ἐν οὔρεϊ ὑλήεντι
13.396
εἱστήκει, τὸ μὲν οὔτε θοαὶ βορέαο θύελλαι
13.397
ἐσσύμεναι κλονέουσι διʼ ἠέρος οὔτε νότοιο·
13.398
ὣς ὁ ταφὼν μένε δηρόν· ὑπεκλάσθη δέ οἱ ἀλκὴ
13.399
δερκομένου παράκοιτιν· ἄφαρ δʼ ὅ γε λήσατο πάντων,
13.400
ὅσσα οἱ ἐν λεχέεσσι παρήλιτε κουριδίοισι·
13.401
πάντα γὰρ ἠμάλδυνε θεὴ Κύπρις, ἥ περ ἁπάντων
13.402
ἀθανάτων δάμνησι νόον θνητῶν τʼ ἀνθρώπων.
13.403
ἀλλὰ καὶ ὣς θοὸν ἆορ ἀπὸ χθονὸς αὖθις ἀείρας
13.404
κουριδίῃ ἐπόρουσε· νόος δέ οἱ ἄλλʼ ἐνὶ θυμῷ
13.405
ὡρμᾶτʼ ἐσσυμένοιο· δόλῳ δʼ ἄρα θέλγεν Ἀχαιούς.
13.406
καὶ τότε μιν κατέρυξεν ἀδελφεὸς ἱέμενόν περ
13.407
μειλιχίοις μάλα πολλὰ παραυδήσας ἐπέεσσι·
13.408
δείδιε γὰρ μή δή σφιν ἐτώσια πάντα γένηται·
13.409
ἴσχεο νῦν, Μενέλαε, χολούμενος· οὐ γὰρ ἔοικε
13.410
κουριδίην παράκοιτιν ἐναιρέμεν, ἧς πέρι πολλὰ
13.411
ἄλγἐ ἀνέτλημεν Πριάμῳ κακὰ μητιόωντες·
13.412
οὐ γάρ τοι Ἑλένη πέλει αἰτίη, ὡς σύ γʼ ἔολπας,
13.413
ἀλλὰ Πάρις ξενίοιο Διὸς καὶ σεῖο τραπέζης
13.414
λησάμενος· τῷ καί μιν ἐν ἄλγεσι τίσατο δαίμων.
13.415
ὣς φάθʼ· ὁ δʼ αἶψʼ ἐπίθησε. θεοὶ δʼ ἐρικυδέα Τροίην
13.416
κυανέοις νεφέεσσι καλυψάμενοι γοάασκον,
13.417
νόσφιν ἐϋπλοκάμου Τριτωνίδος ἠδὲ καὶ Ἥρης.
13.418
αἳ μέγα κυδιάασκον ἀνὰ φρένας, εὖτʼ ἐσίδοντο
13.419
περθόμενον κλυτὸν ἄστυ θεηγενέος Πριάμοιο.
13.420
ἀλλʼ οὐ μὰν οὐδʼ αὐτὴ ἐΰφρων Τριτογένεια
13.421
πάμπαν ἄδακρυς ἔην, ἐπεὶ ἦ ῥά οἱ ἔνδοθι νηοῦ
13.422
Κασσάνδρην ᾔσχυνεν Ὀϊλέος ὄβριμος υἱὸς
13.423
θυμοῦ τʼ ἠδὲ νόοιο βεβλαμμένος· ἡ δέ οἱ αἰνὸν
13.424
εἰσοπίσω βάλε πῆμα καὶ ἀνέρα τίσατο λώβης·
13.425
οὐδὲ μὲν ἔργον ἀεικὲς ἐσέδρακεν, ἀλλά οἱ αἰδὼς
13.426
καὶ χόλος ἀμφεχύθη· βλοσυρὰς δʼ ἔτρεψεν ὀπωπὰς
13.427
νηὸν ἐς ὑψόροφον· περὶ δʼ ἔβραχε θεῖον ἄγαλμα,
13.428
καὶ δάπεδον νηοῖο μέγ ἔτρεμεν· οὐδʼ ὅ γε λυγρῆς
13.429
λῆγεν ἀτασθαλίης, ἐπεὶ ἦ φρένας ἄασε Κύπρις.
13.430
πάντῃ δʼ ἄλλοθεν ἄλλα κατηρείποντο μέλαθρα
13.431
ὑψόθεν· ἀζαλέη δὲ κόνις συνερίσγετο καπνῷ·
13.432
ὦρτο δʼ ἄρα κτύπος αἰνός, ὑπετρομέοντο δʼ ἀγυιαί·
13.432b
καίετο δʼ Αἰνείαο δόμος, Two hemistichs supplied by Zimmermann, ex P. καίοντο δὲ πάντα
13.433
Ἀντιμάχοιο μέλαθρα· καταίθετο δʼ ἄσπετος ἄκρη
13.434
Πέργαμον ἀμφʼ ἐρατὴν περί θʼ ἱερὸν Ἀπόλλωνος
13.435
νηόν τε ζάθεον Τριτωνίδος ἀμφί τε βωμὸν
13.436
Ἑρκείου· θάλαμοι δὲ κατεπρήθοντʼ ἐρατεινοὶ
13.437
υἱωνῶν Πριάμοιο· πόλις δʼ ἀμαθύνετο πᾶσα.
13.438
Τρῶες δʼ οἱ μὲν παισὶν ὑπʼ Ἀργείων ὀλέκοντο,
13.439
οἱ δʼ ὑπὸ λευγαλέου τε πυρὸς σφετέρων τε μελάθρων,
13.440
ἔνθα σφιν καὶ μοῖρα κακὴ καὶ τύμβος ἐτύχθη,
13.441
ἄλλοι δὲ ξιφέεσσιν ἑὸν διὰ λαιμὸν ἔλασσαν
13.442
πῦρ ἅμα δυσμενέεσσιν ἐπὶ προθύροισιν ἰδόντες,
13.443
οἱ δʼ ἄρʼ ὁμῶς τεκέεσσι κατακτείναντες ἄκοιτιν
13.444
κάππεσον ἄσχετον ἔργον ἀναπλήσαντες ἀνάγκῃ.
13.445
καί ῥά τις οἰόμενος δηΐων ἑκὰς ἔμμενʼ ἀϋτὴν
13.446
ἔκποθεν Ἡφαίστοιο θοῶς ἀνὰ κάλπιν ἀείρας
13.447
ὥρμηνεν πονέεσθαι ἐφʼ ὕδατι· τὸν δὲ παραφθὰς
13.448
Ἀργείων τις ἔτυψεν ὑπʼ ἔγχεϊ καί οἱ ὄλεσσε
13.449
θυμὸν ὑπʼ ἀκρὴτῳ βεβαρημένον· ἤριπε δʼ εἴσω
13.450
δώματος· ἀμφὶ δέ οἱ κενεὴ περικάππεσε κάλπις.
13.451
ἄλλῳ δʼ αὖ φεύγοντι διὰ μεγάροιο μεσόδμη
13.452
ἔμπεσε καιομένη, ἐπὶ δʼ ἤριπεν αἰπὺς ὄλεθρος.
13.453
πολλαὶ δʼ αὖτε γυναῖκες ἀνιηρὴν ἐπὶ φύζαν
13.454
ἐσσύμεναι μνήσαντο φίλων ὑπὸ δώματι παίδων,
13.455
οὓς λίπον ἐν λεχέεσσιν· ἄφαρ δʼ ἀνὰ ποσσὶν ἰοῦσαι
13.456
παισὶν ὁμῶς ἀπόλοντο δόμων ἐφύπερθε πεσόντων.
13.457
ἵπποι δʼ αὖτε κύνες τε διʼ ἄστεος ἐπτοίηντο
13.458
φεύγοντες στυγεροῖο πυρὸς μένος· ἀμφὶ δὲ ποσσὶ
13.459
στεῖβον ἀποκταμένους, ζωοῖσι δὲ πῆμα φέροντες
13.460
αἰὲν ἐνερρήγνυντο. Zimmermann, ex P, for ἐπερρώοντο of Koechly. βοὴ δʼ ἀμφίαχεν ἄστυ.
13.461
καί τινος αἰζηοῖο διὰ φλογὸς ἐσσυμένοιο
13.462
φθεγγομένου· τοὺς δʼ ἔνδον ἀμείλιχος Αἶσα δάμασσεν·
13.463
ἄλλον δʼ ἄλλα κέλευθα φέρον στονόεντος ὀλέθρου.
13.464
φλὸξ δʼ ἄρʼ ἐς ἠέρα δῖαν ἀνέγρετο· πέπτατο δʼ αἴγλη
13.465
ἄσπετος· ἀμφὶ δὲ φῦλα περικτιόνων ὁρόωντο
13.466
μέχρις ἐπʼ Ἰδαίων ὀρέων ὑψηλὰ κάρηνα
13.467
Θρηικίης τε Σάμοιο καὶ ἀγχιάλου Τενέδοιο·
13.468
καί τις ἁλὸς κατὰ βένθος ἔσω νεὸς ἔκφατο μῦθον·
13.469
ἤνυσαν Ἀργεῖοι κρατερόφρονες ἄσπετον ἔργον
13.470
πολλὰ μάλʼ ἀμφʼ Ἑλένης ἑλικοβλεφάροιο καμόντες,
13.471
πᾶσα δʼ ἄρʼ ἡ τὸ πάροιθε πανόλβιος ἐν πυρὶ Τροίη
13.472
καίεται· οὐδὲ θεῶν τις ἐελδομένοισιν ἄμυνε·
13.473
πάντα γὰρ ἄσχετος Αἶσα βροτῶν ἐπιδέρκεται ἔργα·
13.474
καὶ τὰ μὲν ἀκλέα πολλὰ καὶ οὐκ ἀρίδηλα γεγῶτα
13.475
κυδήεντα τίθησι, τὰ δʼ ὑψόθι μείονʼ ἔθηκε·
13.476
πολλάκι δʼ ἐξ ἀγαθοῖο πέλει κακόν, ἐκ δὲ κακοῖο
13.477
ἐσθλὸν ἀμειβομένοιο πολυτλήτου βιότοιο.
13.478
ὣς ἂρʼ ἔφη μερόπων τις ἀπόπροθεν ἄσπετον αἴγλην
13.479
εἰσορόων. στονόεσσα δʼ ἔτʼ ἄμφεχε Τρῶας ὀϊζύς·
13.480
Ἀργεῖοι δʼ ἀνὰ ἄστυ κυδοίμεον, ἠΰτʼ ἀῆται
13.481
λάβροι ἀπείρονα πόντον ὀρινόμενοι κλονέουσιν,
13.482
ὁππότʼ ἄρʼ ἀντιπέρηθε δυσαέος Ἀρκτούροιο
13.483
βηλὸν ἐς ἀστερόεντα Θυτήριον ἀντέλλῃσιν
13.484
ἐς νότον ἠερόεντα τετραμμένον, ἀμφὶ δʼ ἄρʼ αὐτῷ
13.485
πολλαὶ ὑπόβρυχα νῆες ἀμαλδύνοντʼ ἐνὶ πόντῳ
13.486
ὀρνυμένων ἀνέμων· τοῖς εἴκελοι υἷες Ἀχαιῶν
13.487
πόρθεον Ἴλιον αἰπύ· τὸ δʼ ἐν πυρὶ καίετο πολλῷ.
13.488
ἠΰτʼ ὄρος λασίῃσιν ἄδην καταείμενον ὕλῃς
13.489
ἐσσυμένως καίηται ὑπαὶ πυρὸς ὀρνυμένοιο
13.490
ἐξ ἀνέμων, δολιχαὶ δὲ περιβρομέουσι καλῶναι,
13.491
τῷ δʼ ἄρα λευγαλέως ἐνιτείρεται ἄγρια πάντα
13.492
Ἡφαίστοιο βίῃφι περιστρεφθέντα καθʼ ὕλην·
13.493
ὣς Τρῶες κτείνοντο κατὰ πτόλιν· οὐδέ τις αὐτοὺς
13.494
ῥύετʼ ἐπουρανίων· περὶ γὰρ λίνα πάντοθε Μοῖραι
13.495
μακρὰ περιστήσαντο, τά περ βροτὸς οὔποτʼ ἄλυξε.
13.496
καὶ τότε Δημοφόωντι μενεπτολέμῳ τʼ Ἀκάμαντι
13.497
Θησῆος μεγάλοιο διʼ ἄστεος ἤντετο μήτηρ
13.498
αἴθρη ἐελδομένη· μακάρων δέ τις ἡγεμόνευεν,
13.499
ὅς μιν ἄγεν κείνοισι καταντίον· ἡ δʼ ἀλάλυκτο
13.500
φεύγουσʼ ἐκ πολέμοιο καὶ ἐκ πυρός· οἱ δʼ ἐσιδόντες
13.501
αἴγλῃ ἐν Ἡφαίστοιο δέμας μέγεθός τε γυναικὸς
13.502
αὐτὴν ἔμμεν ἔφαντο θεηγενέος Πριάμοιο
13.503
ἀντιθέην παράκοιτιν· ἄφαρ δέ οἱ ἐμμεμαῶτες
13.504
χεῖρας ἐπερρίψαντο λιλαιόμενοί μιν ἄγεσθαι
13.505
ἐς Δαναούς· ἡ δʼ αἰνὸν ἀναστενάχουσα μετηύδα·
13.506
μή νύ με, κύδιμα τέκνα φιλοπτολέμων Ἀργείων,
13.507
δήϊον ὣς ἐρύοντες ἑὰς ἐπὶ νῆας ἄγεσθε·
13.508
οὐ γὰρ Τρωιάδων γένος εὔχομαι, ἀλλά μοι ἐσθλὸν
13.509
αἷμα πέλει Δαναῶν μάλʼ ἐϋκλεές, οὕνεκα Πιτθεὺς
13.510
γείνατό μʼ ἐν Τροιζῆνι· γάμῳ δʼ ἑδνώσατο δῖος
13.511
Αἰγεύς· ἐκ δʼ ἄρʼ ἐμεῖο κλυτὸς πάϊς ἔπλετο Θησεύς.
13.512
ἀλλά με, πρὸς μεγάλοιο Διός , τερπνῶν τε τοκήων,
13.513
εἰ ἐτεὸν Θησῆος ἀμύμονος ἐνθάδʼ ἵκοντο
13.514
υἷες ἅμʼ Ἀτρείδῃσι, φίλοις παίδεσσιν ἐκείνου
13.515
δείξατʼ ἐελδομένοισι κατὰ στρατόν, οὕς περ ὀΐω
13.516
ὔμμιν ὁμήλικας ἔμμεν· ἀναπνεύσει δέ μευ ἦτορ,
13.517
ἢν κείνους ζώοντας ἴδω καὶ ἀριστέας ἄμφω.
13.518
ὣς φάτο· τοὶ δʼ ἀΐοντες ἑοῦ μνήσαντο τοκῆος,
13.519
ἀμφʼ Ἑλένης ὅσʼ ἔρεξε, καὶ ὡς διέπερσαν Ἀφίδνας
13.520
κοῦροι ἐριγδούποιο Διὸς πάρος, ὁππότʼ ἄρʼ αὐτοὺς
13.521
ὑσμίνης ἀπάνευθεν ἀπεκρύψαντο τιθῆναι
13.522
νηπιάχους ἔτʼ ἐόντας· ἀνεμνήσαντο δʼ ἀγαυῆς
13.523
Αἴθρης, ὅσσʼ ἐμόγησε δορυκτήτῳ ὑπʼ ἀνάγκῃ,
13.524
ἄμφω ὁμῶς ἑκυρή τε καὶ ἀμφίπολος γεγαυῖα
13.525
ἀντιθέης Ἑλένης· σὺν δʼ ἀμφασίῃ κεχάροντο.
13.526
Δημοφόων δέ μιν ἠῢς ἐελδομένην προσέειπεν·
13.527
σοὶ μὲν δὴ τελέουσι θεοὶ θυμηδὲς ἐέλδωρ
13.528
αὐτίκʼ, ἐπεί ῥα δέδορκας ἀμύμονος υἱέος υἷας
13.529
ἡμέας, οἵ σε φίλῃς συναειράμενοι παλάμῃσιν
13.530
οἴσομεν ἐς νῆας, καὶ ἐς Ἑλλάδος ἱερὸν οὖδας
13.531
ἄξομεν ἀσπασίως, ὅθι περ πάρος ἐμβασίλευες.
13.532
ὣς φάμενον μεγάλοιο πατρὸς προσπτύξατο μήτηρ
13.533
χείρεσιν ἀμφιβαλοῦσα, κύσεν δέ οἱ εὐρέας ὤμους
13.534
καὶ κεφαλὴν καὶ στέρνα γένειά τε λαχνήεντα·
13.535
ὣς δʼ αὕτως Ἀκάμαντα κύσεν, περὶ δέ σφισι δάκρυ
13.536
ἡδὺ κατὰ βλεφάροιϊν ἐχεύατο μυρομένοισιν·
13.537
ὡς δʼ ὁπότʼ αἰζηοῖο μετʼ ἀλλοδαποῖσιν ἐόντος
13.538
λαοὶ φημίξωσι μόρον, τὸν δʼ ἔκποθεν υἷες
13.539
ὕστερον ἀθρήσαντες ἐς οἰκία νοστήσαντα
13.540
κλαίουσιν μάλα τερπνόν· ὁ δʼ ἔμπαλια παισὶ καὶ αὐτὸς
13.541
μύρεται ἐν μεγάροισιν ἐπωμαδόν, ἀμφὶ δὲ δῶμα
13.542
ἡδὺ κινυρομένων γοερὴ περιπέπτατʼ ἰωή·
13.543
ὣς τῶν πυρομένων λαρὸς γόος ἀμφιδεδήει.
13.544
καὶ τότε που Πριάμοιο πολυκτήτοιο θύγατρα
13.545
Λαοδίκην ἐνέπουσιν ἐς αἰθέρα χεῖρας ὀρέξαι
13.546
εὐχομένην μακάρεσσιν ἀτειρέσιν, ὄφρα ἑ γαῖα
13.547
ἀμφιχάνῃ, πρὶν χεῖρα βαλεῖν ἐπὶ δούλια ἔργα.
13.548
τῆς δὲ θεῶν τις ἄκουσε καὶ αὐτίκα γαῖαν ἔνερθεν
13.549
ῥῆξεν ἀπειρεσίην· ἡ δʼ ἐννεσίῃσι θεοῖο
13.550
κούρην δέξατο δῖαν ἔσω κοίλοιο βερέθρου,
13.551
Ἰλίου ὀλλυμένης, ἧς εἵνεκά φασι καὶ αὐτὴν
13.552
Ἠλέκτρην βαθύπεπλον ἑὸν δέμας ἀμφικαλύψαι
13.553
ἀχλύϊ καὶ νεφέεσσιν ἀποιχομένην χοροῦ ἄλλων
13.554
πληιάδων, αἳ δή οἱ ἀδελφειαὶ γεγάασιν·
13.555
ἀλλʼ αἱ μὲν μογεροῖσιν ἐπόψιαι ἀνθρώποισιν
13.556
ἰλαδὸν ἀντέλλουσιν ἐς οὐρανόν· ἡ δʼ ἄρα μούνη
13.557
κεύθεται αἰὲν ἄϊστος, ἐπεί ῥά οἱ υἱέος ἐσθλοῦ
13.558
Δαρδάνου ἱερὸν ἄστυ κατήριπεν· οὐδέ οἱ αὐτὸς
13.559
Ζεὺς ὕπατος χραίσμησεν ἀπʼ αἰθέρος, οὕνεκα Μοίραις
13.560
εἴκει καὶ μεγάλοιο Διὸς μένος· ἀλλὰ τὸ μέν που
13.561
ἀθανάτων τάχʼ ἔρεξεν ἐῢς νόος, ἠὲ καὶ αὐταί· Zimmermann, for οὐκί of n.
13.562
Ἀργεῖοι δʼ ἔτι θυμὸν ἐπὶ Τρώεσσιν ὄρινον
13.563
πάντῃ ἀνὰ πτολίεθρον· ἔρις δʼ ἔχε πείρατα χάρμης. Verse supplied by Zimmermann, ex P.