Reader

V. Monasterii S. Dionysii Remensis possessiones confirmat. (Anno 1123.) [VARIN, Archives administratives de Reims, I, p. 274. Paris 1839. 4º.]

In nomine sanctae et individuae Trinitatis.... Amen. RADULFUS omnipotentissima dispensatione Remensis Ecclesiae sacerdos licet indignus, fratribus in ecclesia Sancti Dionysii martyris, in suburbio urbis nostrae degentibus, in perpetuum.

Cum superna adminiculante gratia, Remensem archiepiscopatum administraremus, adiit praesentiam nostram frater noster Ursio, Sancti Dionysii abbas, satis humiliter implorans quatenus altaria et alia beneficia quae vota fidelium Sancto Dionysio contulerant, et quae in diversis schedulis conscripta continebantur, in unum corpus redigi faceremus, et nostrae imaginis auctoritate Sancto Dionysio perpetuo tenendam( sic) firmaremus. Justae petitioni aurem benevolam inclinantes, annuimus, et ut petierat, fieri concessimus. Tenebat praedicta Ecclesia altaria de.... Sancti Petri Monte, de Sancto Jovino, de Bruciniaco, de Condato, de Noveileisio, de Essia, de Bocio( sic Boeio?), de Breceio. In Noviomensi episcopatu, altare de Montiscurte. In Atrebatensi episcopatu, altare de Assia. In Tarvennensi episcopatu, altare de Stambere. Tenebat praeterea eadem Ecclesia Sancti Dionysii beneficium archiepiscopi, decimam panis et vini et omnium reddituum suorum. Tenebat etiam quaedam quae ei emerat bonae recordationis Gervasius archiepiscopus, terram scilicet et molendina de Aguliaca curte. Dedit idem archiepiscopus eidem Ecclesiae, terram in suburbio civitatis sitam, a porta Vidulae usque ad posternam. Insuper largitus est ei decimam fossatorum in circuitu civitatis praeter terram sanctorum. A praedicta autem posterna usque ad portam Basilicarum, dedit eidem terram Manasses successor ipsius qui postea depositus fuit. Apud villam quae Ventiliacum dicitur habet ecclesia praedicta decimam in culturis et in pratis quae archiepiscopi fuerunt, totam; in mansis vero medietatem. In villa Tassiaco et in villa quae Seiles dicitur, similiter habet decimam sicut XI oblatrices tenuerunt. Dedit domnus Rainaldus archiepiscopus eidem Ecclesiae culturam de Toireio inter Culmissiacum et liberam villam Sanctae Mariae. In villa quae Attiniacum dicitur, dedit ipse Rodulphus beato Dionysio decimam censuum, telonei, capitulaciorumque, consilio etiam et auxilio nostro cessit in dominium ejusdem Ecclesiae capella de Carolifonte cum omnibus ad eam pertinentibus, salvo jure Altovillarensis monasterii in cujus parochia eadem capella sita est. Nihilominus consilio nostro Fulchro de Betiniaci villa et uxor ejus, beato Dionysio omnia sua post decessum suum dederunt. Adam canonicus cognomento Magnus dedit seipsum praefatae ecclesiae et partem allodiorum suorum quae habet apud Boeium et apud Seleriacum, et apud septem salites in terris, in molendinis, in servis et ancillis. Item Guido canonicus Sanctae Mariae dedit Sancto Dionysio terram, ad petram in medio foro Remensi sitam X solidos et IX denarios quotannis solventem. Dedit quoque ipsi Ecclesiae Hescelinus comes de Grandi- Prato, allodium suum de Ambleio, tam in terris quam in pratis et silvis cum molendinis et tota piscaria. Apud Berniacam curtem habet ipsa ecclesia terram, molendina, aquam, servos et ancillas quae dedit ipsi comes Hugo de Registestis. Apud pontem Fabricatum habet eadem ecclesia terram et allodium Odonis et Reneri de Quarnaco pro quo dedit ecclesia ipsa XXII libras Catalaunensis monetae. Givellus de Marmerei villa fecit seipsum canonicum Sancti Dionysii, cui dedit novem jornales allodii in campo Fiscali. Hermenricus de Claustro canonicus Sanctae Mariae dedit beato Dionysio pro anima sua furnum ad portam carceris in allodio suo situm. In piscaria de Ambleio habent medietatem Sparnacenses canonici; ipsam quoque tenet ab( ipsis) ecclesia Sancti Dionysii in censu solidorum quinque Pruvinensis monetae. De omnibus terris ministeriorum ad domum archiepiscopi pertinentium debet ecclesia Sancti Dionysii, habere decimas in quacunque jaceant parochia, totas si parochiani sui eas coluerint; si vero ab aliis parochianis cultae fuerint dimidietatem. Apud Mormoreium parvum tenet in allodio saepedicta Ecclesia Sancti Dionysii, molendinum unum, pratum unum, terram arabilem et IV solidos Catalaunensis monetae, uno denario minus, quae Arnulphus cognomento dispersus de Novo- Castro pro anima sua dedit ipsi ecclesiae; et apud Mormoreium majorem habet Sanctus Dionysius quartam partem unius molendini quam ei dedit Haimo sacerdos et incola ipsius villae. Haec omnia praescripta ecclesiae Sancti Dionysii perpetua tenenda concedimus, et ut inconcussum permaneat, pontificatus nostri sigillo corroboramus, et idoneis testibus approbamus. S. domni Radulphii archiepiscopi. S. domni Odonis abbatis Sancti Remigii. S. domni Joranni abbatis Sancti Nicasii. S. Ursionis abbatis Sancti Dionysii. S. domni Nicolai archidiaconi. S. domni Hugonis archidiaconi. S. Frearlici praepositi. S. Joffrini decani. S. Leonis cantoris. S. Hugonis thesaurarii. S. Adae, S. Odonis, S. Alberti, sacerdotum. S. Guidonis, S. Ermenrici, S. Raineri, diaconorum. S. Gervasii, S. Petri, S. Gerardi, subdiaconorum. S. Guillelmi, S. Herberti, S. Stephani, lectorum.

Actum Remis, anno Verbi incarnati 1124, indictione I, regnante Ludovico rege Francorum piissimo, regni sui anno XVI, archiepiscopatus autem domni Radulfi similiter anno XVI.

Ego Fulcradus cancellarius scripsi et subscripsi.