Terence
Adelphi
Adel 614
Choose a text
More by Terence
—
Perseus Lat2
581c
581c
SYRUS
581c
Ubi eas praeterieris
582
Ad sinistram hac recta platea: ubi ad Dianae veneris
583
Ito ad dextram: priusquam ad portam venias apud ipsum lacum
584
Est pistrilla et exadversum fabrica: ibi est.
584b
584b
DEMEA
584b
Quid ibi facit?
585
585
SYRUS
585
Lectulos in sole ilignis pedibus faciendos dedit.
586
586
DEMEA
586
Ubi potetis vos? Bene sane. Sed cesso ad eum pergere?
587
587
SYRUS
587
I sane. Ego te exercebo hodie ut dignus es, silicernium.
588
Aeschinus odiose cessat: prandium corrumpitur.
589
Ctesipho autem in amore est totus. Ego iam prospiciam mihi:
590
Nam iam adibo, atque unumquicquid quod quidem erit bellissimum
591
Carpam; et cyathos sorbilans paulatim hunc producam diem.
592
592
MICIO
592
Ego in hac re nihil reperio quamobrem lauder tantopere, Hegio:
593
Meum officium facio; quod peccatum a nobis ortum est corrigo:
594
Nisi si me in illo credidisti esse hominum numero qui ita putant,
595
Sibi fieri iniuriam ultro si quam fecere ipsi expostules,
596
Et ultro accusant: id quia non est a me factum agis gratias?
597
597
HEGIO
597
Ah, minime: nunquam te aliter atque es in animum induxi meum.
598
Sed quaeso ut una mecum ad matrem virginis eas, Micio,
599
Atque istaec eadem quae mihi dixti tute dicas mulieri;
600
Suspicionem hanc propter fratrem eius esse et illam psaltriam.
601
601
MICIO
601
Si ita aequum censes, aut si ita opus est facto, camus.
601b
601b
HEGIO
601b
Bene facis;
602
Nam et illi animum iam relevabis, quae dolore ac miseria
603
Tabescit; et tuo officio fueris functus: sed si aliter putas,
604
Egomet narrabo quae mihi dixti.
604b
604b
MICIO
604b
Immo ego ibo.
604c
604c
HEGIO
604c
Bene facis.
605
Omnes quibus res sunt minus secundae magis sunt nescio quomodo
606
Suspiciosi; ad contumeliam omnia accipiunt magis;
607
Propter suam impotentiam se semper credunt negligi;
608
Quapropter te ipsum purgare ipsis coram placabilius est.
609
609
MICIO
609
Et recte et verum dicis.
609b
609b
HEGIO
609b
Sequere me ergo hac intro.
609c
609c
MICIO
609c
Maxime.
610
610
AESCHINUS.
610
Discrucior animi:
611
Hocine de improviso mali mihi obiici
612
Tantum, ut neque quid de me faciam neque quid agam certum siet!
613
Membra metu debilia sunt; animus timore
614
Obstipuit: pectore consistere nil consili
615
Quit. Vah! quomodo me ex hac expediam turba? Tanta nunc
616
Suspicio de me incidit;
617
Neque ea immerito: Sostrata credit mihi me psaltriam hanc emisse.
618
Id anus mihi indicium fecit.
619
Nam ut hinc forte ea ad obstetricem erat missa, ubi eam vidi ilico
620
Accedo, rogito Pamphila quid agat, iam partus adsiet;
621
Eone obstetricem arcessat. Illa exclamat, Abi, abi iam, Aeschine.
622
Satis diu dedisti verba; sat adhuc tua nos frustrata est fides.
623
Hem, quid istuc obsecro, inquam, est? Valeas; habeas illam quae placet.
624
Sensi ilico id illas suspicari: sed me reprehendi tamen
625
Ne quid de fratre garrulae illi dicerem, ac fieret palam.
626
Nunc quid faciam? Dicam fratris esse? Id quidem minime est opus
627
Usquam efferri. Ac mitto: fieri potis est ut ne qua exeat.
628
Ipsum id metuo ut credant; tot concurrunt verisimilia.
629
Egomet rapui; ipse egomet solvi argentum; ad me abducta est domum.
630
Haec adeo mea culpa fateor fieri. Non me hanc rem patri
631
Ut ut erat gesta indicasse? Exorassem ut eam ducerem.
632
Cessatum usque adhuc est: nunc porro, Aeschine, expergiscere!
633
Nunc hoc primum est: ad illas ibo ut purgem me; accedam ad fores.
634
Perii! horresco semper ubi pultare hasce occipio miser.
635
Heus, heus: Aeschinus ego sum: aperite aliquis actutum ostium.
636
Prodit nescio quis: concedam huc.
636b
636b
MICIO
636b
Ita uti dixi, Sostrata,
637
Facite: ego Aeschinum conveniam, ut quomodo acta haec sint sciat.
638
Sed quis ostium hoc pultavit?
638b
638b
AESCHINUS
638b
Pater hercle est: perii.
638c
638c
MICIO
638c
Aeschine.
639
639
AESCHINUS
639
Quid huic hic negoti est?
639b
639b
MICIO
639b
Tune has pepulisti fores?
640
Tacet. Cur non ludo hunc aliquantisper? Melius est,
641
Quandoquidem hoc nunquam mihi ipse voluit credere.
642
Nihil mihi respondes?
642b
642b
AESCHINUS
642b
Non equidem istas quod sciam.
643
643
MICIO
643
Ita? nam mirabar quid hic negoti esset tibi.
644
Erubuit: salva res est.
644b
644b
AESCHINUS
644b
Dic sodes, pater,
645
Tibi vero quid istic est rei?
645b
645b
MICIO
645b
Nihil mihi quidem:
646
Amicus quidam me a foro abduxit modo
647
Huc advocatum sibi.
647b
647b
AESCHINUS
647b
Quid?
647c
647c
MICIO
647c
Ego dicam tibi:
648
Habitant hic quaedam mulieres pauperculae,
649
Ut opinor; has non nosse te et certo scio;
650
Neque enim diu huc commigrarunt.
650b
650b
AESCHINUS
650b
Quid tum postea?
651
651
MICIO
651
Virgo est cum matre.
651b
651b
AESCHINUS
651b
Perge.
651c
651c
MICIO
651c
Haec virgo orba est patre:
652
Hic meus amicus illi genere est proximus:
653
Huic leges cogunt nubere hanc.
653b
653b
AESCHINUS
653b
Perii.
653c
653c
MICIO
653c
Quid est?
654
654
AESCHINUS
654
Nihil: recte: perge.
654b
654b
MICIO
654b
Is venit ut secum avehat;
655
Nam habitat Mileti.
655b
655b
AESCHINUS
655b
Hem, virginem ut secum avehat?
656
656
MICIO
656
Sic est.
656b
656b
AESCHINUS
656b
Miletum usque obsecro?
656c
656c
MICIO
656c
Ita.
Variation units
Dual references show Vulgate ↔ LXX loci for each oracle block. Selected-witness order follows the left compare column (or primary version).