De Oratione
Choose a text
id="mobileReaderAuthor" class="mobile-reader-author" href="/authors/tertullian" aria-label="More works by Tertullian">
—
⋯
Original / primary: Vulgata
19.1
Similiter et stationum diebus non putant plerique sacrificiorum orationibus interueniendum, quod statio solvenda sit accepto corpore Domini.
19.2
Ergo devotum Deo obsequium Eucharistia resoluit an magis Deo obligat?
19.3
Nonne sollemnior erit statio tua, si et ad aram Dei steteris?
19.4
Accepto corpore Domini et reservato utrumque saluum est, et participatio sacrificii et exsecutio officii.
19.5
Si statio de militari exemplo nomen accepit- nam et militia Dei sumus- utique nulla laetitia siue tristitia obveniens castris stationes militum rescindit. Nam laetitia libentius, tristitia sollicitius administrabit disciplinam.