De Oratione
Choose a text
id="mobileReaderAuthor" class="mobile-reader-author" href="/authors/tertullian" aria-label="More works by Tertullian">
—
⋯
Original / primary: Vulgata
21.1
Sed quid promiscue obseruetur per ecclesias quasi incertum, id retractandum est, velarine debeant virgines an non.
21.2
Qui enim virginibus indulgent capitis immunitatem, hoc niti videntur, quod apostolus non virgines nominatim, sed mulieres designauerit velandas esse, nec sexum, ut diceret feminas, sed gradum sexus, dicendo mulieres.
21.3
Nam si sexum nominasset, feminas dicendo, absolute definisset de omni muliere, at cum unum gradum sexus nominat, alium tacendo secernit.
21.4
Potuit enim, inquiunt, aut et virgines nominare specialiter aut compendio generaliter feminas.