Agnellus sive Andreas Ravennatensisc.805–c.846
Liber Pontificalis
Pont 54.1
Choose a text
More by Agnellus sive Andreas Ravennatensis
—
8857 Libpon
54.1
DE S. VALERIO XLIV. Valerius XLIV. Quatuor Kal. Februarii in Classis ecclesia celebratur festum.
54.1
Rubeus lib. V, pag. 235, ex variis fere Agnelli locis S. Valerii Vitam hoc modo supplet:
54.2
« Valerius nactus Pippinum religioni Christianae addictissimum, divinum cultum plurimum instauravit, templaque ornavit, ut monumenta testantur in D. Apollinaris Classensis, praesertim ad gradus marmoreos arae maximae, et ara D. Eleocadio archiepiscopo ad sinistram, juxta sacram Turrim, dicata, Petro sacerdote rem potissimum juvante. Demoliendas etiam curavit basilicas divorum Georgii, et Eusebii, Arianorum aetate, uti scripsimus, exaedificatas extra D. Victoris portam. Ex iis autem omnibus eversis templis, egregias aedes, Agnello teste, exstruxit, cognomento Valerianas, Ubi archiepiscopus Valerius abacum ex argento, platani specie, multaque alia argentea vasa cum Ravennati ecclesiae dono dedisset, moritur, et in Classensi D. Apollinaris aede sepulturae traditur Idibus Martii.»
54.3
Idem Rubeus, lib. VI, narrat anno 1222, die Maii nona, Simeone archiepiscopo curante, D. Valerii ossa ex aede Classensi, solemni indicta episcoporum Populiensis, Caesenatensis, et Ficoclensis supplicatione, Ursianam in aedem translata fuisse. Cultus itaque antiquissimus hujus episcopi ex allatis satis probatur, quamvis injuria temporum ejusdem gesto rum memoria exciderit.
Variation units
Dual references show Vulgate ↔ LXX loci for each oracle block. Selected-witness order follows the left compare column (or primary version).