Reader

III. Confirmatio privilegiorum ecclesiae collegiatae Sancti Symphoriani Remensis. (Anno 1119.) [ Gall. Christ., t. X, col. 36 Instrum.]

RADULFUS licet indignus superna disponente clementia Remorum archiepiscopus, congregationi ecclesiae Sanctorum Apostolorum et S. Symphoriani, tam his quorum tempora nostra praesentialis existentia attingit, quam his quorum posteritas subsecutura exspectatur, in perpetuum.

Piae postulatio voluntatis effectu prosequente debet compleri. Quamobrem nos postulationem dilectionis vestrae benigne suscipientes, postulatum vobis accommodamus effectum: vestri itaque desiderii petitionibus annuentes, ecclesiam praenominatam, quae episcopalis cathedrae dignitatem temporibus primorum novem Remensium pontificum habuisse dignoscitur, in qua ad Deo serviendum attitulati estis, praesentis privilegii auctoritate munimus. Universam enim Ecclesiam vestram, et pertinentia vobis vestrisque successoribus perpetualiter tenenda confirmamus, videlicet mansum indominicatum de Wistereyo cum tota villa, cum vicecomitatu, banno, et omnibus aliis appendiciis ejusdem villae; altare de Wistereyo cum tota ecclesia et cum capellis suis, quae sunt apud Matreium, Buriniacum et Marconeicurtem; altare de Fraxina cum tota ecclesia et capellis suis, quae fuerunt apud Bauseyum et Ausilerias; item altare de Beruco, altare sanctae Genovefae cum capellis suis, quae sunt apud Bisannas et Lut; item altare de Mearco cum capellis suis, quae sunt apud Burgum et Corveyum; altare de Columnis, altare de Marcheneyo, altare de Frasneyo, altare de Maura, altare sancti Hilarii, domus vestrae, ac suburbia quae sita sunt ante portam carceris, ab omni exactione et jure ministerialium nostrorum successorumque nostrorum, libera prorsus habeantur, sicut et hactenus habita sunt. Centum etiam jornalia terrae arabilis de dote altaris sancti Symphoriani, quae jacent in territorio de Curtemonasterioli, cum censu et decima, et decimam terrae quae similiter est de dote altaris quae jacet in territorio de Nantolio, thesaurarius ecclesiae vestrae ad facienda quae necessaria erunt in eadem ecclesia perpetuo possideat. Si quis vero de quolibet vestrum clamorem fecerit, nulli personae licitum sit, vos extra capitulum vestrum in causam trahere, sed in capitulo vestro per decanum vel per abbatem vestrum justitiam exsequamini canonicorum vestrorum judicio. Praeterea quaecumque eadem ecclesia inpraesentiarum juste possidet, quaecunque etiam in futurum concessione pontificum, liberalitate principum, vel oblatione fidelium legitime poterit adipisci, firma vobis vestrisque successoribus et illibata permaneant. Ad hoc decernimus ut nulli omnino hominum liceat eamdem ecclesiam temere perturbare, aut ejus possessiones auferre, vel oblata retinere, minuere vel temerariis exactionibus fatigare, sed omnia integra conserventur, eorum pro quorum sustentatione et gubernatione concessa sunt, usibus omnimodis profutura. Ut autem hujus nostri privilegii pagina rata permaneat et inconvulsa, sigilli nostri impressione ac probabilium personarum testimoniis eam muniri ac roborari praecipimus. Signum Odonis abbatis Beati Remigii. Hugonis abbatis Altivillarensis. Haiderici abbatis Mosomensis. Josfridi abbatis Sancti Theoderici. Odonis abbatis S. Petri Orbacensis. Joranni abbatis Sancti Nicasii. Hugonis abbatis S. Basoli. Duranni abbatis de Maurimonte. Ursionis abbatis S. Dionysii. Canonicorum Nicolai archidiaconi. Ebali praepositi. Josfridi decani. Lamberti cantoris.

Gerardi, Elberti, Adae, Odonis presbyterorum; Fulcrani, Ermonici, Fulchradi, Richardi diaconorum;

Simonis, Gerardi, Thomae, Rodulfi subdiaconorum.

Actum Remis anno Incarnati Verbi 1119, indict. XI, regnante Ludovico gloriosissimo rege Francorum anno XII, archiepiscopatus autem Radulti anno XIII.

Fulcradus cancellarius recognovit, scripsit et subscripsit.