Reader

IV. Datur Floriacensibus monachis altare Sorbonae. (Anno 1119.) [ Gall. Christ., t. X, col. 37 Instrum.]

RADULFUS, Dei gratia Remensis Ecclesiae licet indignus minister et servus, dilecto sibi in Christo BOSONI Floriacensis monasterii abbati venerabili ejusque successoribus in perpetuum.

Nos quos propitia divinitas ecclesiae suae ministros ordinavit, ecclesiarum ac monasteriorum utilitatibus compellit suscepti regiminis cura debita sollicitudine providere, ac piis bonorum desideriis assensum praebere. Eapropter dilectionis vestrae justis petitionibus annuentes, altare de Sorbonne absque personarum successione monasterio vestro perpetuo tenendum concedimus. Ut autem hujus nostrae concessionis pagina rata permaneat ac inconvulsa, sigilli nostri impressione ac probabilium personarum testimoniis eam muniri ac roborari praecepimus. Signum Odonis Beati Remigii Remensis abbatis. S. Hugonis Altivillarensis abbatis. S. Joffridi Sancti Theoderici abbatis. Sig. Hugonis S. Basoli abbatis. S. Haiderici Mosomensis abbatis. Sig. Odonis Orbacensis abbatis. Sig. Joranni Beati Nicasii abbatis. S. Duranni abbatis de Maurimonte. S. Nicolai archidiaconi. S. Ebali praepositi et aliorum.

Actum Remis anno incarnati Verbi 1119, indictione XI, Ludovico rege Francorum anno XII, archiepiscopatus autem domni Rodulfi anno XIII.

Fulcardus cancellarius recognovit, scripsit et subscripsit.